完整藏文原文 · 德格版页 当前仅加载第 71 函德格 75a 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་དུ་ཡུལ་གྱི་བདེ་བ་དེ་དག་རྣམས་ཐོབ་ཀྱང་གཅིག་ཏུ་དགེ་བའི་ཆོས་ཀྱི་བཏུང་བས་ཡིད་ངོམས་པར་གྱུར་པ་ཡིན་ནོ། །དེ་ནས་ལྷ་དེ་དག་རྣམས་ཀྱི་ཡིད་ཞུ་བར་གྱུར་པ་ཉེ་བར་རྙེད་པ་དང་། གཞན་ཡང་རྨ་བྱའི་རྒྱལ་པོ་དེ་གཙུག་ལག་གི་ཆོས་ཉིད་སྟོན་
D287.071.0075a01.01པར་བྱེད་པ་ལ་ཇི་ལྟར་ཆོས་གཞན་ཡང་ཐེག་པ་ཆེན་པོ་ལ་རབ་ཏུ་གནས་པར་གྱུར་པའི་དགེ་སྦྱོང་ངམ་བྲམ་ཟེའམ་དེ་ལྟ་བུའི་རིགས་ཅན་གཞན་རྣམས་ཀྱིས་ཀྱང་ཡིད་ལ་བྱའོ། །བྱས་ནས་ཀྱང་ཀུན་ཏུ་སྤྱད་པར་བྱའོ། །འདི་དག་ཀྱང་གང་ཞེ་ན། འདི་ལྟ་སྟེ་ཆོག་ཤེས་པའོ། །
D287.071.0075a02.01ཆོག་ཤེས་པ་ཞེས་བྱ་བའི་ཆོས་ནི་མཆོག་ཏུ་གཅེས་པར་བྱ་བ་ཡིན་ཏེ་བདེ་བར་བྱེད་པ་ཡང་ཡིན་ནོ། །ལུས་དང་སེམས་ཐམས་ཅད་ཚིམ་པར་ཡང་འགྱུར་རོ། །ཆོག་ཤེས་པའི་གྲོགས་པོ་དང་ལྡན་པ་དང་ཆོག་ཤེས་པའི་དཔུང་གཉེན་དང་ལྡན་པའི་དགེ་སྦྱོང་དང་བྲམ་ཟེ་རྣམས་
D287.071.0075a03.01ནི་མཆོག་ཏུ་གྱུར་པའི་བདེ་བ་རྣམས་ལ་ལོངས་སྤྱོད་དོ། །ཐམས་ཅད་དུ་ཡང་ཐམས་ཅད་ཀྱིས་ཆོག་ཤེས་པ་དེ་དག་རྣམས་ཐམས་ཅད་ནི་བདེ་བའི་མཆོག་རྣམས་ལ་ཉེ་བར་ལོངས་སྤྱོད་པར་བྱེད་པ་ཡིན་ནོ། །འདོད་པ་སྡུག་པ་ཡིད་དུ་འོང་བའི་གཟུགས་དུ་མ་རྣམས་ལ་མིག་གིས་མངོན་པར་
D287.071.0075a04.01ཞེན་པར་མི་བྱེད་དོ། །དོན་དུ་གཉེར་བར་ཡང་མི་བྱེད་ཅིང་ཀུན་ཏུ་རྟོག་པར་ཡང་མི་བྱེད་དོ། །མིག་གི་ཡུལ་དུ་གྱུར་པའི་གཟུགས་དེ་དག་རྣམས་ལ་ཀུན་ཏུ་རྟོག་པར་མི་བྱེད་དོ། །སེམས་ཀྱིས་བསམས་ཏེ་སྨོན་པར་མི་བྱེད་དོ། །ཕྱིར་ཞིང་དོན་དུ་གཉེར་བར་མི་བྱེད་དོ། །འདོད་
D287.071.0075a05.01པ་སྡུག་པ་དང་ཡིད་དུ་འོང་བར་གྱུར་པའི་འདས་པའི་གཟུགས་དེ་དག་རྣམས་ལ་ཀུན་ཏུ་རྟོག་པར་མི་བྱེད་དོ། །དེས་བྱས་པའི་འདུན་པའི་འདོད་ཆགས་སྐྱེད་པར་མི་བྱེད་དོ། །དེ་ཉིད་ལ་དྲན་པར་བྱས་ནས་སྨོན་པར་མི་བྱེད་དོ། །རྣམ་པར་འཕེལ་བར་འཆེལ་བར་མི་བྱེད་དོ། །བདག་ཉིད་
D287.071.0075a06.01རང་གིས་བདག་ཉིད་མཆོག་ཏུ་དགའ་བར་བྱེད་པའི་དགེ་སྦྱོང་ངམ་བྲམ་ཟེ་རྣམས་ནི་རྟག་པ་ཉིད་དུ་ཡང་སྐྱིད་པར་འགྱུར་རོ། །དེ་བཞིན་དུ་རྣ་བས་འདོད་པ་སྡུག་པ་ཡིད་དུ་འོང་བའི་སྒྲ་རྣམས་ཐོས་པར་གྱུར་པ་ན་ཀུན་ཏུ་རྟོག་པར་མི་བྱེད་དོ། །ཡིད་ཀྱིས་རབ་ཏུ་སྨོན་པར་མི་བྱེད་དོ། །འདས་
D287.071.0075a07.01