完整藏文原文 · 德格版页 当前仅加载第 71 函德格 182a 版页；藏文 NFD、目录标记与异常页序保留在来源切片中，重复版页行以稳定序号区分。
ནགས་སུ་ཡང་ངོ་། །རི་དེ་ལ་གནས་པར་གྱུར་ནས་རྒྱལ་པོ་ཆེན་པོ་བཞིས་འཛམ་བུའི་གླིང་རྣམས་ཐམས་ཅད་བརྒྱད་དང་བཅུ་བཞི་ལ་སོ་སོར་རྟོག་པར་བྱེད་དོ། །སྐྱེས་བུ་སུ་དག་ནི་མ་ལ་གུས་པ་ཡིན། ཆོས་ལ་སྤྱོད་པར་བྱེད་པ་སུ་དག་ཡིན། ཆོས་
D287.071.0182a01.01ཀྱི་རྗེས་སུ་ཕྱོགས་པར་འཇུག་པ་ནི་སུ་དག་ཡིན། བསྙེན་གནས་ལ་ཉེ་བར་གནས་པ་ནི་གང་དག་ཡིན། སངས་རྒྱས་ལ་དད་པ་ནི་གང་དག་ཡིན། ཆོས་ལ་དད་པར་གྱུར་པ་ནི་གང་དག་ཡིན། དགེ་འདུན་ལ་དད་པར་གྱུར་པ་ནི་གང་དག་ཡིན། བདུད་དང་ལྷན་ཅིག་
D287.071.0182a02.01གཡུལ་འགྱེད་པར་བྱེད་པ་ནི་སུ་དག་ཡིན། སུ་ནི་དྲང་པོའི་རང་བཞིན་ཅན་ཡིན། སུ་ནི་སྦྱིན་བདག་ཏུ་གྱུར་པ་ཡིན། སུ་ནི་སེར་སྣ་མེད་པ་ཡིན། སུ་ནི་གཞན་དག་ལ་གནོད་པ་མི་བྱེད་པ་ཡིན། སུ་ནི་བྱས་པ་ཁྱད་དུ་མི་གསོད་པ་ཡིན། སུ་ནི་མེད་པར་སྨྲ་བ་མ་ཡིན། དགེ་
D287.071.0182a03.01བ་བཅུའི་ལས་ཀྱི་ལམ་རྣམས་ལ་སྤྱོད་པར་བྱེད་པ་ནི་གང་དག་ཡིན། གང་དག་ནི་ཐེག་པ་ཆེན་པོ་པ་རྣམས་ཡིན། སུ་ནི་ཉན་ཐོས་ཀྱི་ཐེག་པ་པ་ཡིན། སུ་ནི་རང་སངས་རྒྱས་ཀྱི་ཐེག་པ་པ་ཡིན། སུ་ནི་གྲོགས་པོའི་དགྲར་མ་གྱུར་པ་ཡིན། གཞན་མུ་སྟེགས་ཅན་རྣམས་
D287.071.0182a04.01ཀྱི་ལོག་པར་ལྟ་བ་མ་ཡིན་པ་སུ་ཡིན་ཞེས་དེ་ལྟར་རྒྱལ་པོ་ཆེན་པོ་བཞི་པོ་དེ་དག་གིས་དབང་ཆེན་གྱི་རི་ལ་འཛམ་བུའི་གླིང་རྣམས་ཐམས་ཅད་ལ་སོ་སོར་རྟོག་པར་བྱེད་དོ། །གལ་ཏེ་འཛམ་བུའི་གླིང་གི་མི་རྣམས་ཆོས་དང་ལྡན་པར་གྱུར་ན་ནི་རྒྱལ་པོ་ཆེན་པོ་བཞི་མགུ་བར་གྱུར་ནས་བརྒྱ་
D287.071.0182a05.01བྱིན་ལ་ཀུན་དུ་རིག་པར་བྱེད་ཅིང་དབང་པོ་དང་བཅས་པའི་ལྷ་རྣམས་དགའ་བར་འགྱུར་རོ། །བདུད་ཀྱི་ཕྱོགས་རྣམས་ནི་ཉམས་པར་གྱུར་ཏོ། །ལྷའི་ཕྱོགས་རྣམས་ནི་འཕེལ་བར་གྱུར་ཏོ། །འཛམ་བུའི་གླིང་གི་མི་རྣམས་ནི་ཐམས་ཅད་ཀྱང་དགེ་བའི་ཆོས་ལ་སྤྱོད་པར་བྱེད་པ་
D287.071.0182a06.01དང་། ཆོས་ཀྱི་རྗེས་སུ་ཕྱོགས་པར་གྱུར་པ་དེ་ཐོས་ནས་དབང་པོ་དང་བཅས་པའི་ལྷ་རྣམས་དགའ་བར་འགྱུར་རོ། །གལ་ཏེ་ཆོས་དང་མི་ལྡན་ཞིང་ཆོས་ཀྱི་རྗེས་སུ་མི་ཕྱོགས་པར་འཛམ་བུའི་གླིང་གི་མི་རྣམས་གྱུར་ན་དེས་རྒྱལ་པོ་ཆེན་པོ་བཞི་སྡུག་བསྔལ་བར་གྱུར་ནས་སུམ་ཅུ་རྩ་གསུམ་གྱི་
D287.071.0182a07.01