完整藏文原文 · 德格版页 当前仅加载第 71 函德格 187a 版页；藏文 NFD、目录标记与异常页序保留在来源切片中，重复版页行以稳定序号区分。
བར་གྱུར་ཏེ། རི་དེའི་འོད་ཟེར་རྣམས་ཀྱིས་རྒྱ་མཚོ་དང་བཅས་པ་གསེར་གྱི་ཆུར་མཛེས་པར་བྱེད་དོ། །སཱ་རའི་རི་དེ་ཡང་ནི་རྒྱར་དཔག་ཚད་ལྔ་བཅུ་པ་ལ་མཐོ་བར་ནི་དཔག་ཚད་སུམ་བརྒྱ་ཡོད་དོ། །དེ་ལ་དྲི་ཟ་རྣམས་རབ་ཏུ་གནས་པ་ཡིན་ཏེ། རབ་ཏུ་དགའ་བའི་འཛམ་བུའི་ཕྲེང་བ་ཞེས་
D287.071.0187a01.01བྱ་བའོ། །དེ་དག་ནི་ལོ་སྟོང་ཕྲག་གཉིས་སུ་འཚོ་བ་ཡིན་ཏེ། བར་དུ་འཆི་བའི་དུས་བྱེད་པ་ཡང་ཡོད་དོ། །དེ་དག་གི་དྲི་ཟ་རྣམས་ནི་བརྒྱ་སྟོང་ཕྲག་དུ་མ་རྣམས་དེ་ན་རབ་ཏུ་གནས་པ་ཡིན་ནོ། །ལུས་གསེར་ལེགས་པར་སྦྱངས་པ་དང་འདྲ་བ་དང་། དྲི་ཟ་རྣམས་ཐམས་ཅད་ལྷ་རྣམས་དང་འདྲ་བ་ཡིན་ནོ། །
D287.071.0187a02.01དེ་ལ་ཡོད་པའི་དྲི་ཟ་རྣམས་ཀྱི་ནགས་ཀྱི་རྩ་བ་དང་འབྲས་བུ་རྣམས་ཐམས་ཅད་ཀྱང་དབྲོག་པར་དཀའ་བ་ཡིན་ཏེ། ས་འོག་ན་གནས་པར་གྱུར་པའི་ལྷ་མ་ཡིན་རྣམས་ཐམས་ཅད་ཀྱིས་ཀྱང་དེ་དག་རྣམས་ཀྱི་འབྲས་བུ་ཉུང་བར་བྱ་བ་དང་། འགའ་ཞིག་གིས་དབྲོག་པར་བྱ་བ་དང་། ལོངས་སྤྱད་པར་ཡང་མི་ནུས་
D287.071.0187a03.01སོ། །གཞན་ཡང་རྣལ་འབྱོར་སྤྱོད་པ་ཕྱི་རོལ་གྱི་ལུས་ཀྱིས་ལུས་ལ་རྗེས་སུ་ལྟ་ཞིང་གནས་ཏེ། གཞན་རྒྱ་མཚོ་ན་རིའི་རིགས་དག་ཡོད་དམ་ཞེ་ན། དེས་ཐོས་པ་ལས་བྱུང་བའི་ཤེས་རབ་ཀྱིས་སམ་ལྷའི་མིག་གིས་མཐོང་བར་གྱུར་པ། རྒྱ་མཚོའི་བཞི་ཆ་ལས་འདས་པར་གྱུར་པ་ན་ཙཀྲ་བ་ཌོ་ཞེས་བྱ་
D287.071.0187a04.01བའི་རི་ཡོད་དེ། རྒྱར་ནི་དཔག་ཚད་ལྔ་བརྒྱ་ཡིན་ལ་འཕང་དུ་ནི་དཔག་ཚད་སྟོང་དུ་གྱུར་པའི་རི་འདི་ནི་རྡོ་རྗེའི་ལྟེ་བ་དང་གསེར་གྱི་རི་ཡིན་ནོ། །གསེར་དེ་དག་ལ་ནི་རེས་འགའ་ལྷ་མ་ཡིན་རྣམས་རབ་ཏུ་གནས་པར་བྱེད་དོ། །རེས་འགའ་ནི་མིའམ་ཅི་རྣམས་སོ། །རི་དེ་ནི་མི་འམ་ཅི་རྣམས་ཀྱི་གླུས་དགའ་
D287.071.0187a05.01བར་གྱུར་པ་དང་། འབྲས་བུ་རྣམ་པ་སྣ་ཚོགས་པ་རྣམས་ཀྱིས་གང་བར་གྱུར་པ་སྟེ། ཡུལ་འདི་ན་ནི་སྤྲེའུ་མང་བ་ཡིན་ནོ། །གསེར་གྱི་མདོག་གི་ཆུ་ཞེས་བྱ་བའི་ཆུ་ཀླུང་ཡང་འབབ་པ་ཡིན་ཏེ། གསེར་གྱི་མདོག་གི་ཉ་རྣམས་ཀྱིས་གང་བར་གྱུར་པ་རྒྱར་ནི་དཔག་ཚད་ཕྱེད་པའོ། །འཁོར་ལོ་དང་
D287.071.0187a06.01ལྡན་པའི་རི་དེ་ལས་འདས་པར་གྱུར་ནས་རྣལ་འབྱོར་སྤྱོད་པས་རྒྱ་མཚོ་དཔག་ཚད་སྟོང་ཕྲག་བཅུ་ཡོད་པར་མཐོང་བར་གྱུར་ཏོ། །རྒྱ་མཚོ་དེའི་དབུས་ན་ནི་རིན་པོ་ཆེའི་གླིང་ཞེས་བྱ་བའི་གླིང་དེ་ན་རིན་པོ་ཆེ་རྣམ་པ་སྣ་ཚོགས་པ་རྣམས་མཐོང་བར་འགྱུར་གྱི། དེ་ན་ས་ལས་བྱས་པར་གྱུར་པའམ། རྡོ་ལས་
D287.071.0187a07.01