完整藏文原文 · 德格版页 当前仅加载第 71 函德格 65b 版页；藏文 NFD、目录标记与异常页序保留在来源切片中，重复版页行以稳定序号区分。
བ་ལ་ནི་དགའ་བར་འགྱུར་བ་མ་ཡིན་ནོ། །རྟག་ཏུ་བརྩོན་པ་དང་ལྡན་པར་གྱུར་པས། ཏིང་ངེ་འཛིན་ལ་མཉམ་པར་བཞག་པའི་ཡིད་དེ་ལ་ལམ་མྱུར་དུ་སྐྱེ་བར་འགྱུར་རོ། །རྟག་ཏུ་ལམ་ལ་སྟེན་པར་བྱེད་ཅིང་སྒོམ་པར་ཡང་བྱེད་དོ། །ལན་མང་དུ་བྱེད་དོ། །དེ་ནི་ལམ་དེ་དག་བསྟེན་
D287.071.0065b01.01ཅིང་བསྒོམས་ལ་ལན་མང་དུ་བྱས་པར་གྱུར་པ་ལས་ལམ་མངོན་དུ་འགྱུར་རོ། །རྟག་པར་རྒྱུན་དུ་ཡང་ལམ་དེ་ཉིད་སྒོམ་པར་བྱེད་པ་ཡིན་ནོ། །དེ་ལམ་གྱི་རྗེས་སུ་རྟོགས་པའི་བློ་སྟེན་པར་བྱེད་ཅིང་། དེ་སྟེན་པར་གྱུར་པ་ལས་ཀྱང་ཀུན་ཏུ་སྦྱོར་བ་རྣམས་དང་བྲལ་བར་འགྱུར་རོ། །བག་
D287.071.0065b02.01ལ་ཉལ་རྣམས་ནི་འདུལ་བར་འགྱུར་རོ། །འདིའི་ཀུན་ཏུ་སྦྱོར་བ་གང་དག་དང་ཡོངས་སུ་བྲལ་བར་གྱུར་ན། འདི་ལྟ་སྟེ། རྗེས་སུ་ཆགས་པའི་ཀུན་ཏུ་སྦྱོར་བ་དང་། ཁོང་ཁྲོ་བའི་ཀུན་ཏུ་སྦྱོར་བ་དང་། མ་རིག་པའི་ཀུན་ཏུ་སྦྱོར་བ་དང་། ང་རྒྱལ་གྱི་ཀུན་ཏུ་སྦྱོར་བ་དང་། ཕྲག་དོག་གི་
D287.071.0065b03.01ཀུན་ཏུ་སྦྱོར་བ་དང་། སེར་སྣའི་ཀུན་ཏུ་སྦྱོར་བ་སྟེ། དེའི་ཀུན་ཏུ་སྦྱོར་བ་དེ་དག་རྣམས་དང་རབ་ཏུ་བྲལ་བ་ཡིན་ནོ། །འདི་ནི་བག་ལ་ཉལ་རྣམས་གང་དག་རུལ་བར་གྱུར་པ་ཡིན་ན། འདི་ལྟ་སྟེ། འདོད་པའི་འདོད་ཆགས་ཀྱི་བག་ལ་ཉལ་བ་དང་། ཁོང་ཁྲོ་བའི་བག་ལ་ཉལ་དང་།
D287.071.0065b04.01སྲིད་པའི་འདོད་ཆགས་ཀྱི་བག་ལ་ཉལ་དང་། མ་རིག་པའི་བག་ལ་ཉལ་དང་། ང་རྒྱལ་གྱི་བག་ལ་ཉལ་དང་། ལྟ་བའི་བག་ལ་ཉལ་དང་། ཐེ་ཚོམ་གྱི་བག་ལ་ཉལ་དང་རྣམས་རུལ་ཅིང་མྱགས་པར་འགྱུར་རོ། །དེ་ལ་འགྲོ་བ་རྣམས་ཐམས་ཅད་དུ་བརྗེ་བསོར་བྱེད་པ་པོར་གྱུར་པ་ཁམས་
D287.071.0065b05.01གསུམ་གྱིས་བསྡུས་པའི་སྟོབས་པོ་ཆེ་དེ་དག་རྣམས་ནི། རྣམ་པར་གཡེང་བ་མེད་པའི་སེམས་ཀྱིས་ནི་མི་ནུས་པ་ཡིན་ཏེ། མཐོང་བ་དང་སྒོམ་པའི་ལམ་དག་གིས་སོ། །དེ་ལྟར་ན་སེམས་རྩེ་གཅིག་ཏུ་བྱེད་པར་གྱུར་པ་ནི་དགེ་སྦྱོང་དང་བྲམ་ཟེ་རྣམས་ལ་གཅེས་པ་ཡིན་ཏེ། གང་གི་ཕྱིར་
D287.071.0065b06.01གལ་ཏེ་ན་དགེ་བར་གྱུར་པ་རྣམས་སམ། གལ་ཏེ་ན་མི་དགེ་བར་གྱུར་པ་རྣམས་ཀྱང་རུང་སྟེ། ཆོས་ཐམས་ཅད་ནི་སེམས་ཀྱི་རྩ་བ་ལས་ཡིན་པའི་ཕྱིར་རོ། །དེའི་ཕྱིར་སྲིད་པའི་འཇིགས་པའི་སྐྱོན་འདི་དག་རྣམས་ཀྱིས་འཇིགས་པས་དེ་ལྟར་རབ་ཏུ་བརྩོན་པས་ལམ་སྟེན་པར་བྱེད་པ་རྣམས་
D287.071.0065b07.01