完整藏文原文 · 德格版页 当前仅加载第 71 函德格 139b 版页；藏文 NFD、目录标记与异常页序保留在来源切片中，重复版页行以稳定序号区分。
སུམ་ཅུ་ནི་སོ་གཏུན་ཁུང་གི་ཚིགས་པ་དང་། རྐན་གྱི་ཚིགས་པ་གཅིག་དང་མ་རྐན་གྱི་ཚིགས་པ་གཉིས་སོ། །སྐེ་བའི་ཚིགས་པ་བཅོ་ལྔའོ། །ཚིགས་པ་གཅིག་ལ་ཡང་ཚིགས་པ་གཉིས་སུ་གྱུར་པ་ནི་བྲང་ངོ་། །ཚིགས་ཚིགས་མ་ཡིན་པ་ལ་འབྲེལ་བར་གྱུར་པ། ཚིགས་མ་ཡིན་པའི་
D287.071.0139b01.01ཚིགས་ལ་འབྲེལ་བར་གྱུར་པ་ནི་དཔུང་པའི་ཚིགས་གཉིས་དང་གྲུ་མོའི་ཚིགས་པ་དང་བཅས་པའི་ཚིགས་པ་གཞན་གཉིས་སོ། །མིག་རུས་ཀྱི་ཚིགས་པ་ནི་བཞི་བཞིའོ། །ལག་མགུལ་གྱི་ཚིགས་པ་གཉིས་དང་། ལག་མཐིལ་གྱི་ཚིགས་པ་གཉིས་དང་ལྔ་བཅུ་རྩ་ལྔ་ནི་རྒྱབ་དུ་གྱུར་
D287.071.0139b02.01པའི་ཚིགས་པ་རྣམས་སོ། །གཞོགས་ངོས་གཅིག་ལ་ནི་ཚིགས་པ་བཅུ་གཉིས་སོ། །དེ་བཞིན་དུ་གཉིས་པ་ལ་ཡང་ངོ་། །ཐང་བའི་ཚིགས་པ་བཅུ་གཉིས་སོ། །ཤའི་དུམ་བུའི་ཚིགས་པ་བཅུ་གཉིས་སོ། །ཆུ་སོའི་ཚིགས་པ་གཅིག་གོ། །འཕོངས་ཚོས་ཀྱི་རུས་འབྲས་
D287.071.0139b03.01ཚིགས་པ་གཉིས་སོ། །མོ་མཚན་གྱི་ཚིགས་པ་གཅིག་གོ། །བརླའི་ཚིགས་པ་གཉིས་སོ། །ལྗང་ངར་གྱི་མཐིལ་གྱི་ཚིགས་པ་གཉིས་སོ། །ལོང་བུ་ནི་ཚིགས་པ་གཉིས་སོ། །སྒལ་མཐིལ་གྱི་ཚིགས་པ་དྲུག་ཅུའོ། །རྐང་པ་དང་ལག་པའི་སོར་མོའི་ཚིགས་པ་དང་སེན་མོའི་ཚིགས་
D287.071.0139b04.01པ་རྣམས་ནི་ཉི་ཤུའོ། །འདི་དག་རྣམས་ཡིན་ཏེ་ཚིགས་པ་འབྱེད་པར་བྱེད་པའི་རླུང་དེ་དག་རྣམས་ལ་རྟེན་པ་ཡིན་ནོ། །དེ་དག་ལ་གནས་པར་གྱུར་ནས་གང་གི་ཚེ་བདག་ལ་འཁྲུག་པ་སྐྱེད་པར་གྱུར་ན་དེས་འཆི་བར་ཡང་འགྱུར་བའམ། འཆི་བ་ཙམ་གྱི་སྡུག་བསྔལ་ཡང་འབྱུང་བར་
D287.071.0139b05.01འགྱུར་རོ། །དེས་ཚིགས་པ་འབྱེད་པར་བྱེད་པའི་རླུང་ལ་སོ་སོར་བརྟགས་པར་གྱུར་པས་ཀྱང་ཡང་དག་པ་ཇི་ལྟ་བ་བཞིན་དུ་ལུས་སོ་སོར་རིག་པར་བྱེད་དོ། །གཞན་ཡང་རྣལ་འབྱོར་སྤྱོད་པ་ནང་གི་བདག་ཉིད་ཀྱི་ལུས་ལ་ལུས་ཀྱི་རྗེས་སུ་ལྟ་ཞིང་གནས་ཏེ། བདག་གི་རླུང་གཞན་
D287.071.0139b06.01གང་དག་གིས་ལུས་ལ་ལས་ཅི་ཞིག་བྱེད་པ་ཡིན་ན། དེས་ཐོས་པ་ལས་བྱུང་བའི་ཤེས་རབ་ཀྱིས་སམ། ལྷའི་མིག་གིས་མཐོང་བར་གྱུར་པ། བྱིན་པ་ལ་ཉལ་བར་བྱེད་པའི་བདག་གི་རླུང་ཡོད་དེ། བདག་གི་ལུས་ལ་ལས་ཅི་དག་བྱེད་པ་ཡིན་པ་ཡང་། དེས་ཐོས་པ་ལས་བྱུང་བའི་
D287.071.0139b07.01