完整藏文原文 · 德格版页 当前仅加载第 71 函德格 162b 版页；藏文 NFD、目录标记与异常页序保留在来源切片中，重复版页行以稳定序号区分。
འབྲེལ་པ་རྣམས་ཐམས་ཅད་ཀྱང་རྒྱུས་པའི་དྲ་བ་ཐམས་ཅད་དུ་འབྲེལ་པར་བྱས་པར་འགྱུར་རོ། །མཆིན་པ་ཀུན་དུ་སུན་འདོན་པའི་རླུང་ལ་སོ་སོར་བརྟགས་པར་གྱུར་པས་ཀྱང་ཡང་དག་པ་ཇི་ལྟ་བ་བཞིན་དུ་ལུས་སོ་སོར་རིག་པར་བྱེད་དོ། །གཞན་ཡང་རྣལ་འབྱོར་སྤྱོད་པ་ནང་གི་བདག་
D287.071.0162b01.01ཉིད་ཀྱི་ལུས་ལ་ལུས་ཀྱི་རྗེས་སུ་ལྟ་ཞིང་གནས་ཏེ། བདག་གི་རླུང་གཞན་གང་དག་གིས་འཁྲུགས་པར་གྱུར་པའམ་འཁྲུགས་པར་མ་གྱུར་པ་ན་ལས་ཅི་ཞིག་བྱེད་པ་ཡིན་ན། དེས་ཐོས་པ་ལས་བྱུང་བའི་ཤེས་རབ་ཀྱིས་སམ་ལྷའི་མིག་གིས་མཐོང་བར་གྱུར་པ། བཤང་བ་སྟེང་དུ་བྱེད་པའི་
D287.071.0162b02.01བདག་གི་རླུང་དེ་འཁྲུགས་པའམ་མ་འཁྲུགས་པར་གྱུར་ན་སྟེ། དེས་བདག་གི་ཁ་དང་སྣ་བུག་དག་ནས་དྲི་ངན་པ་རྣམས་སྐྱེད་པར་བྱེད་དོ། །བདག་གི་ནང་ནས་བྱུང་ནས་སྤུའི་ཁུང་བུ་རྣམས་ཐམས་ཅད་ལས་ཀྱང་ཕྱིར་འབྱིན་པར་བྱེད་དོ། །ཟས་ཀྱི་གནས་དང་པོའི་སྟེང་དུ་གྱུར་པར་བཤང་བ་
D287.071.0162b03.01དང་ཟས་ཀྱི་གནས་ཐ་མ་དག་འདྲེན་པར་བྱེད་དོ། །དེས་ཀྱང་བདག་ཤིན་ཏུ་དྲག་པ་དང་ཚ་བ་དང་རྩུབ་པར་གྱུར་པའི་ཚོར་བ་ལུས་སུ་གྱུར་པ་ཐམས་ཅད་ལ་འབྱུང་བར་འགྱུར་རོ། །ཟས་ཀྱང་ཡང་དག་པ་དང་བདེ་བར་འཇུ་བར་ཡང་མི་འགྱུར་རོ། །བདག་བསམ་གཏན་གྱི་བདེ་བས་གནས་
D287.071.0162b04.01པར་ཡང་མི་འགྱུར་རོ། །བདག་གིས་ཉིན་མོ་སྤྱོད་པའི་སར་དགེ་བའི་ཕྱོགས་ལ་སྦྱོར་བར་ཡང་མི་ནུས་སོ། །བཤང་བ་གྱེན་དུ་ཟློག་པར་བྱེད་པའི་རླུང་ལ་སོ་སོར་བརྟགས་པར་གྱུར་པས་ཀྱང་ཡང་དག་པ་ཇི་ལྟ་བ་བཞིན་དུ་ལུས་སོ་སོར་རིག་པར་བྱེད་དོ། །གཞན་ཡང་རྣལ་འབྱོར་སྤྱོད་པ་
D287.071.0162b05.01ནང་གི་བདག་ཉིད་ཀྱི་ལུས་ལ་ལུས་ཀྱི་རྗེས་སུ་ལྟ་ཞིང་གནས་ཏེ། གཞང་ལ་ཀུན་དུ་རྒྱུ་བ་ཞེས་བྱ་བའི་རླུང་ལུས་ལ་གནས་ཏེ། བདག་གི་རླུང་གཞན་གང་དག་འཁྲུགས་པར་གྱུར་པ་དང་འཁྲུགས་པར་མ་གྱུར་པ་ན་ལས་ཅི་ཞིག་བྱེད་པ་ཡིན་ན། དེས་ཐོས་པ་ལས་བྱུང་བའི་ཤེས་རབ་
D287.071.0162b06.01ཀྱིས་སམ་ལྷའི་མིག་གིས་མཐོང་བར་གྱུར་པ། གཞང་ལ་ཀུན་དུ་རྒྱུ་བ་ཞེས་བྱ་བའི་རླུང་ལུས་ལ་གནས་པ་ཡིན་ཏེ། དེ་འཁྲུགས་པ་དང་མ་འཁྲུགས་པ་ན་བདག་ལ་ལས་ཅི་ཞིག་བྱེད་པ་ཡང་། དེས་ཐོས་པ་ལས་བྱུང་བའི་ཤེས་རབ་ཀྱིས་སམ་ལྷའི་མིག་གིས་མཐོང་བ་ནི། གལ་ཏེ་
D287.071.0162b07.01