完整藏文原文 · 德格版页 当前仅加载第 71 函德格 125a 版页；藏文 NFD、目录标记与异常页序保留在来源切片中，重复版页行以稳定序号区分。
ངའི་སྲིན་གྱིས་ཀྱང་རང་བཞིན་དུ་གནས་པའམ་རང་བཞིན་དུ་མི་གནས་པ་ཅི་བྱེད་པ་ཡིན་ན། དེས་ཐོས་པ་ལས་བྱུང་བའི་ཤེས་རབ་དག་གིས་སམ། ལྷའི་མིག་གིས་མཐོང་བར་གྱུར་པ། ཙུན་ཙུར་ཀའི་བདག་གི་སྲིན་གལ་ཏེ་ལྟོགས་པར་གྱུར་ན། དེས་གནད་རྣམས་དང་བཤང་
D287.071.0125a01.01བ་དག་ཀྱང་རབ་ཏུ་འབྱེད་པར་བྱེད་དོ། །དེས་མཉམ་པར་ཤིན་ཏུ་འཁྲུ་བར་འགྱུར་རོ། །ངའི་མེ་དྲོད་ཉམས་པར་བྱེད་དོ། །དེས་བདག་གི་ཁ་སྐམས་པར་འགྱུར་རོ། །བདག་གི་ལུས་རྙིངས་པར་འགྱུར་བ་དང་གཟེར་ཟུག་དག་འབྱུང་བར་བྱེད་དོ། །བདག་གི་བཤང་བ་དང་ཆུ་འདྲེས་པར་བྱེད་
D287.071.0125a02.01དེ། ཉིན་མོ་དང་མཚན་མོར་ཡང་གཉིད་འབྱུང་བར་མི་འགྱུར་རོ། །སྲིན་ཙུན་ཙུར་ཀས་ནི་རྟག་ཏུ་ཡང་བདག་གི་སྨིན་མའི་གནས་སུ་བཤང་བ་ཚོལ་བར་བྱེད་དོ། །དེ་བདག་གི་རྟུག་པའི་གཏེར་ལ་བརྟེན་ནས་རླུང་དང་རྔུལ་དང་གཅིན་དང་བད་ཀན་རྣམས་དང་ལྷན་ཅིག་འགྲོགས་པར་གྱུར་པའི་ཤིན་
D287.071.0125a03.01ཏུ་འཁྲུ་བར་བྱེད་དོ། །དེས་བདག་གི་དང་ཀ་མི་བདེ་བ་སྐྱེད་པར་འགྱུར་ཞིང་ལྐུགས་པར་ཡང་བྱེད་དོ། །གལ་ཏེ་མྱ་ངན་བྱེད་པར་གྱུར་ན་དེས་ངའི་སྲིན་ཙུན་ཙུར་ཀཿཤིན་ཏུ་དགའ་བར་འགྱུར་རོ། །དེ་ཤིན་ཏུ་ཡང་བདག་ལ་སྟོབས་དང་ལྡན་པར་འགྱུར་ཞིང་མཉམ་ཞིང་ཤིན་ཏུ་རྒྱ་ཆེ་བར་ཁྲག་ཏུ་གྱུར་པའི་རྩ་རྣམས་
D287.071.0125a04.01སུན་འབྱིན་པར་བྱེད་དོ། །དེས་ང་ཤིན་ཏུ་ཡང་འཁྲུ་བར་འགྱུར་རོ། །བད་ཀན་བེའུ་སྣབས་ཤིན་ཏུ་འཁྲུས་པས་རླུང་ལྷག་པར་འགྱུར་རོ། །ཙུན་ཙུ་ར་ཀའི་སྲིན་ལ་སོ་སོར་བརྟགས་པས་ཡང་དག་པ་ཇི་ལྟ་བ་བཞིན་དུ་ལུས་རབ་ཏུ་ཤེས་སོ། །གཞན་ཡང་རྣལ་འབྱོར་སྤྱོད་པ་ནང་གི་བདག་ཉིད་ཀྱི་
D287.071.0125a05.01ལུས་ལ་ལུས་ཀྱི་རྗེས་སུ་ལྟ་ཞིང་གནས་པ་ན། དེས་ཐོས་པ་ལས་བྱུང་བའི་ཤེས་རབ་དག་གིས་སམ་ལྷའི་མིག་གིས་མཐོང་བར་གྱུར་པ། ངའི་སྲིན་རྒྱུས་པ་སྒུལ་བ་ཞེས་བྱ་བ་རྟག་ཏུ་རྒྱུས་པ་སྦོམ་པའམ་ཕྲ་བ་རྣམས་ཀྱི་ཡང་གསེབ་ཏུ་རྒྱུ་བར་བྱེད་དོ། །དེ་བདག་ལ་ཁྲོས་པར་གྱུར་ན་དེས་ངའི་རྒྱུས་
D287.071.0125a06.01པ་རྣམས་ན་བར་འགྱུར་རོ། །གལ་ཏེ་ལྟོགས་པར་མ་གྱུར་ན་ནི་དེས་ངའི་རྒྱུས་པར་གྱུར་པ་རྣམས་ན་བར་མི་འགྱུར་རོ། །བདག་གི་རྒྱུས་པས་སྦྲེལ་བར་གྱུར་པའི་རུས་པའི་སྒལ་ཚིགས་རྣམས་ཐམས་ཅད་མ་ལུས་པ་ནས་ཐུག་ཏུ་མཐོང་བར་གྱུར་པས་དེས་བདག་གི་ལུས་ལ་རྒྱུས་པ་ལས་གྱུར་པའི་ཚོར་
D287.071.0125a07.01