完整藏文原文 · 德格版页 当前仅加载第 71 函德格 31b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ལྟར་ན་ཡང་ཡང་མོར་མི་འགྱུར་རོ། །དགེ་སློང་ངམ་གཞན་ཡང་དེའི་རིགས་ཅན་རྣམས་ཀྱང་རུང་སྟེ། རྒྱུ་དྲུག་གིས་སྐྱེས་བུ་རྣམས་སྐད་ཅིག་ལ་ཡང་མོ་དང་རྣམ་པར་ཞེ་སྡང་བར་ཡང་འགྱུར་རོ། །གང་དག་ཞེ་ན་འདི་ལྟ་སྟེ། དོན་མེད་པར་སྨྲ་བར་བྱེད་པས་དང་ཇི་ལྟར་
D287.071.0031b01.01རབ་ཏུ་ཞུགས་པར་བྱེད་པ་དང་ཡང་དང་ཡང་དུ་ཟས་ལ་དགའ་བ་དང་རྒན་པོའི་སྟན་ཆེན་པོ་ལ་ཉེ་བར་གནས་པ་དང་གསོང་གསལ་རྗོད་པ་དང་ལབ་ལོབ་བྱེད་པ་དང་རྒྱུ་དེ་དག་གིས། དེ་ལྟར་མི་རྣམས་ཐམས་ཅད་ཀྱང་དར་ཅིག་ལ་ཡང་མོར་འགྱུར་ཞིང་རབ་ཏུ་དགའ་བར་ཡང་མྱུར་
D287.071.0031b02.01བར་འགྱུར་རོ། །དེའི་ཕྱིར་ན་དགེ་སློང་ངམ་ཁྱིམ་པ་རྣམས་ཀྱིས་ཀྱང་ཆོས་དེ་རྣམ་པར་སྤང་བར་བྱའོ། །ཡང་ཆོས་གཞན་ཡང་ཤིན་ཏུ་དྲི་མ་ཅན་དུ་གྱུར་པ་ཀུན་ནས་ཉོན་མོངས་པ་ཅན་རྣམས་དཀར་པོའི་ཆོས་ཀྱིས་རབ་ཏུ་གཞོམ་པར་བྱའོ། །འདི་དག་ཀྱང་གང་ཞེ་ན། འདི་ལྟ་
D287.071.0031b03.01སྟེ་རྐོ་ཏྲོག་ནི་བརྟན་པས་སོ། །གང་གི་ཕྱིར་རྐོ་ཏྲོག་གི་ཆོས་རྣམས་ནི་རབ་ཏུ་གཞོམ་པར་བྱ་སྟེ། རྐོ་ཏྲོག་གིས་ཀྱང་ཆོས་རྣམས་ཐམས་ཅད་ཀྱི་བར་དུ་གཅོད་པར་འགྱུར་བའི་ཕྱིར་རོ། །རང་བཞིན་གྱིས་ཀྱང་སེམས་རྩབ་ཧྲལ་ཅན་དུ་གྱུར་པ་དེ་སླར་ཡང་ཆེས་གཡོ་བར་སོན་
D287.071.0031b04.01པའི་ཕྱིར་ན་ཆོས་འདི་དག་རྣམས་ཐམས་ཅད་ལ་ཡང་དེ་ཀུན་ནས་ཡིད་ཆེས་པ་མ་ཡིན་ནོ། །སོ་སོར་རྟོགས་པ་མེད་དོ། །བརྟན་པར་འཛིན་པ་མེད་དོ། །རབ་ཏུ་དགག་པར་བྱ་བ་ཡང་མེད་དོ། །སྤྱོད་པ་བསྡམ་པར་བྱ་བ་ཡང་མེད་དོ། །མངོན་པར་བརྗོད་པར་བྱ་བ་མེད་དོ། །
D287.071.0031b05.01སྡོམ་པ་འཐོབ་པ་མ་ཡིན་ནོ། །མངོན་པར་རྟོགས་པ་དང་འཇིག་རྟེན་པ་རྣམས་ཀྱང་མེད་དོ། །འཇིག་རྟེན་པའི་ལམ་རྣམས་ཐམས་ཅད་བཀྲ་བར་བྱེད་པ་ལ་སོ་སོར་རྟོགས་པ་མེད་དོ། །ལས་སུ་རུང་བ་མ་ཡིན་ནོ། །རྩབ་ཧྲལ་ཅན་ནི་བག་མེད་པ་ཡིན་པ་དེའི་ཕྱིར་རྩབ་ཧྲལ་
D287.071.0031b06.01དེ་སྐྱོན་དང་བཅས་པར་གོ་བར་བྱས་ལ། དོན་རྣམས་ཐམས་ཅད་ཆུད་གཟོན་པར་བྱེད་པ་པོ་འདི་དང་ཕྱི་མར་ཡང་ཕན་པ་མ་ཡིན་པར་བྱེད་པའི་མཆོག་ཡིན་པས། དགེ་སློང་ངམ་གཞན་ཡང་དེའི་རིགས་ཅན་རྣམས་ཀྱིས་ཀྱང་རབ་ཏུ་གཞོམ་པར་བྱའོ། །གང་གིས་དེ་རབ་ཏུ་སྤོང་
D287.071.0031b07.01