完整藏文原文 · 德格版页 当前仅加载第 71 函德格 205a 版页；藏文 NFD、目录标记与异常页序保留在来源切片中，重复版页行以稳定序号区分。
པད་མ་རྣམས་སྐྱེའོ། །ཉེ་འཁོར་ཀུན་ནས་ཡང་བཻ་ཌཱུརྱའི་ལྗོན་ཤིང་རྣམས་ཀྱིས་གང་བ་ཡིན་ནོ། །དེ་ལ་པད་མའི་རྫིང་བུ་འདི་དག་རྣམས་ཡོད་དོ། །འདི་ལྟ་སྟེ། ཀུན་དགའ་ར་བའི་རྒྱས་པ་དང་། པད་མས་ཁྱབ་པར་གྱུར་པ་དང་། པད་མ་དུས་སུ་རྒྱུ་བ་དང་། པད་མ་དམར་
D287.071.0205a01.01པོས་ཀུན་ཏུ་ཁྱབ་པ་དང་། ཉི་མ་སྟེན་པ་དང་། གཞི་འཇམ་པ་དང་། མི་གཡོ་བ་དང་། ལྗོན་ཤིང་དང་། ཟབ་པ་དང་། མེ་ཏོག་དྲི་ཞིམ་པ་འབྱུང་བ་དང་། བརྟན་པའི་ཆུ་དང་སྟེ། དེ་དག་རྣམས་ནི་པད་མའི་རྫིང་བུ་བཅུ་གཅིག་ཡིན་ནོ། །རྭ་དེའི་མིང་ཡང་པད་མས་ཀུན་ཏུ་ཁྱབ་པ་ཞེས་བྱ་བ་
D287.071.0205a02.01ཡིན་ནོ། །ཆུ་ཀླུང་རྣམས་ཀྱང་རྣམ་པ་སྣ་ཚོགས་པའི་དྲི་དང་རོས་ལེགས་པར་གང་བར་གྱུར་པ་རྣམས་ཉེ་འཁོར་རྣམས་ན་འབབ་སྟེ། རོ་དྲུག་དང་ལྡན་པ་ཡིན་ནོ། །འདོད་པའི་ལྗོན་ཤིང་རྣམས་ཐམས་ཅད་དང་། ཉེ་བར་སྐྱེས་པ་དང་། ལྗོན་ཤིང་དང་། མེ་ཏོག་དང་། ཆུ་བོ་དང་། ཁྲུས་
D287.071.0205a03.01ཀྱི་རྫིང་བུ་དང་ལྡན་པ་རྣམས་ནི་སྔ་མ་བཞིན་ནོ། །དེས་རྭ་ལྔ་པ་ལ་ཀུན་ཏུ་བལྟས་པར་གྱུར་པས་ཀྱང་ཡང་དག་པ་ཇི་ལྟ་བ་བཞིན་དུ་ཕྱི་རོལ་གྱི་ལུས་ལ་ཀུན་ནས་ལྟ་བར་བྱེད་དོ། །དེས་བྱང་ཕྱོགས་སྒྲ་མི་སྙན་པ་རྣམས་ཀྱི་རི་ལྔ་པ་མཐོ་བར་བརྩེགས་པ་ཞེས་བྱ་བ་ལ་མངོན་པར་བལྟས་པར་གྱུར་པས་ཀྱང་
D287.071.0205a04.01ཡང་དག་པ་ཇི་ལྟ་བ་བཞིན་དུ་ཕྱི་རོལ་གྱི་ལུས་སོ་སོར་རེག་པར་བྱེད་དོ། །གཞན་ཡང་རྣལ་འབྱོར་སྤྱོད་པ་ལས་དང་ཆོས་དག་གི་རྣམ་པར་སྨིན་པའི་དབང་དུ་བྱས་ནས་མཐོན་པོར་བརྩེགས་པའི་རི་ལ་ཀུན་ཏུ་ལྟ་སྟེ། སེམས་ཅན་འདི་དག་རྣམས་ནི་ལས་ཀྱི་ཆོས་ཀྱི་རྣམ་པར་སྨིན་པ་ཅན་ཡིན་ཏེ། རང་གི་
D287.071.0205a05.01ལས་ཀྱི་བགོ་སྐལ་ལ་སྤྱོད་པར་བྱེད་པ་དང་། རང་གི་ལས་རྣམས་བརྟན་པར་བྱས་པ་དང་། རང་གིས་ལེགས་པར་བྱས་པ་རྣམས་ཀྱིས་ནི་འདིར་སྐྱེས་པ་ཡིན་ལ། རང་གི་ལས་དེ་དག་ཟད་པར་གྱུར་ནས་ངེས་པར་ལྟུང་བར་འགྱུར་ཏེ། མི་དགེ་བའི་ལས་རྣམས་ཀྱིས་ནི་དམྱལ་བ་དང་། {ཡི་དགས་,ཡི་དྭགས་}དང་།
D287.071.0205a06.01དུད་འགྲོ་རྣམས་སུ་འགྱུར་རོ། །ལེགས་པར་བྱས་པ་རྣམས་ཀྱིས་ནི་ལྷ་དང་མི་རྣམས་ཀྱི་ནང་དུའོ། །མཐོ་བར་བརྩེགས་པའི་རིའི་ཉེ་འཁོར་ན་གང་དག་གནས་པ་དེ་དག་རྣམས་ནི་བདེ་བ་ལ་དགའ་བ་ཞེས་བྱ་བ་ཡིན་ནོ། །བདེ་བ་ལ་དགའ་བའི་སྐྱེས་བུ་རྣམས་ནི་རྟག་ཏུ་འདོད་པ་ལ་མངོན་པར་དགའ་
D287.071.0205a07.01