完整藏文原文 · 德格版页 当前仅加载第 71 函德格 217a 版页；藏文 NFD、目录标记与异常页序保留在来源切片中，重复版页行以稳定序号区分。
ས་བོན་དེ་ཉིད་ཀྱིས་དེའི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་སངས་རྒྱས་སུ་འགྱུར་ཏེ། རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། བླ་ན་མེད་པ། སྐྱེས་བུ་འདུལ་བའི་ཁ་ལོ་སྒྱུར་བ། ལྷ་དང་མི་རྣམས་ཀྱི་སྟོན་པ།
D287.071.0217a01.01སངས་རྒྱས་བཅོམ་ལྡན་འདས་སུ་འགྱུར་རོ། །གང་གི་ཕྱིར་ཐེག་པ་ཆེན་པོ་ཐོས་པའི་ས་བོན་གྱི་རྩ་བ་ཡང་སྦྱིན་པ་དང་། ཚུལ་ཁྲིམས་དང་། ཐོས་པ་རྣམས་ཡིན་ནོ། །དེ་ཅིའི་ཕྱིར་ཞེ་ན། ཐོས་པས་ཀྱང་ཐེག་པ་ཆེན་པོ་ལ་རབ་ཏུ་གནས་པར་འགྱུར་ཏེ། རང་བྱང་ཆུབ་ཏུ་ཡོངས་
D287.071.0217a02.01སུ་སྔོ་བར་བྱེད་དམ། ཉན་ཐོས་ཀྱི་བྱང་ཆུབ་ཏུ་ཡོངས་སུ་སྔོ་བར་བྱེད་ན་ཡང་ཉན་ཐོས་ཀྱི་བྱང་ཆུབ་ཏུ་ཡང་འགྱུར་རོ། །དགེ་སློང་ངམ་ཁྱིམ་པ་རྣམས་སྦྱིན་པའི་འབྲས་བུ་ཐོས་པར་གྱུར་ནས་སྦྱིན་པ་གཏོང་བར་བྱེད་དོ། །ཚུལ་ཁྲིམས་ཀྱི་འབྲས་བུ་ཐོས་པར་གྱུར་ནས་ཚུལ་ཁྲིམས་
D287.071.0217a03.01སྤྱོད་པར་བྱེད་དོ། །ཡེ་ཤེས་ཀྱི་འབྲས་བུ་ཐོས་པར་གྱུར་ནས་ཡེ་ཤེས་གོམས་པར་བྱེད་དོ། །དེའི་ཕྱིར་ན་མཐོ་རིས་དང་ཐར་པ་གཉིས་ཀའི་ས་བོན་ཡང་ཐེག་པ་ཆེན་པོ་ཐོས་པ་ཡིན་ནོ། །དེའི་ཕྱིར་འདི་ནི་སྦྱིན་པ་རྣམས་ཐམས་ཅད་ཀྱི་ཡང་མཆོག་ཡིན་ཏེ། མི་འཇིགས་པ་དང་།
D287.071.0217a04.01ཟང་ཟིང་དང་། ཚུལ་ཁྲིམས་ཀྱི་སྦྱིན་པ་རྣམས་ལ་ནི་འདི་ལྟ་སྟེ། ཐེག་པ་ཆེན་པོ་སྒྲོགས་པའི་སྦྱིན་པའོ། །ཚུལ་ཁྲིམས་རྣམས་ཀྱི་ཡང་འདི་ལྟ་སྟེ། ཐེག་པ་ཆེན་པོ་ཉན་པའི་ཚུལ་ཁྲིམས་སོ། །ཐེག་པ་ཆེན་པོ་ནི་ཉན་ཐོས་དང་རང་སངས་རྒྱས་རྣམས་ཐམས་ཅད་དང་། དེ་
D287.071.0217a05.01བཞིན་གཤེགས་པ་རྣམས་ཀྱི་ཡང་སྐྱེད་པར་བྱེད་པ་པོ་ཡིན་ནོ། །དེའི་ཕྱིར་ན་ཐེག་པ་ཆེན་པོ་རྟག་ཏུ་མཉན་པར་བྱའོ། །གཞན་ཡང་རྣལ་འབྱོར་སྤྱོད་པ་པ་ཕྱི་རོལ་གྱི་ལུས་ཀྱིས་ལུས་ལ་རྗེས་སུ་ལྟ་ཞིང་གནས་ཏེ། བྱང་ཕྱོགས་སྒྲ་མི་སྙན་གྱི་གླིང་ན་མིང་ཅིར་བཏགས་པའི་ཡུལ་ལྗོངས་
D287.071.0217a06.01གཞན་ཡང་གནས་པ་ཡིན་ཞེ་ན། དེས་ཐོས་པ་ལས་བྱུང་བའི་ཤེས་རབ་ཀྱིས་སམ་ལྷའི་མིག་གིས་མཐོང་བར་གྱུར་པ། དཔག་ཚད་ཉིས་སྟོང་པ་ཉེ་འཁོར་གྱི་མིག་འཇིག་རྟེན་ལས་འདས་པ་ཞེས་བྱ་བ་སྟེ། དེ་ལ་ཡུལ་ལྗོངས་འདི་དག་རྣམས་ཡོད་དོ། །འདི་ལྟ་སྟེ། ནམ་མཁའ་
D287.071.0217a07.01