完整藏文原文 · 德格版页 当前仅加载第 71 函德格 152a 版页；藏文 NFD、目录标记与异常页序保留在来源切片中，重复版页行以稳定序号区分。
འགྱུར་རོ། །དེ་བཞིན་དུ་སྣས་དྲི་རྣམས་འཛིན་པར་བྱེད་པ་ཡིན་ཏེ། དེ་ལྟར་སྣས་ནུས་པར་འགྱུར་བ་ཡིན་ནོ། །དེ་ལྟར་བདག་གི་ལྕེས་ཀྱང་རོ་རྣམས་མྱོང་བར་བྱེད་པ་ཡིན་ནོ། །དེ་ལྟར་བདག་གི་ལུས་ཀྱིས་ཀྱང་རེག་བྱ་རྣམས་འཛིན་པར་བྱེད་པ་ཡིན་ནོ། །དེ་ལྟར་ཡང་རླུང་ལྔ་པོ་རྣམས་
D287.071.0152a01.01ཤེས་པར་གྱུར་པས་ཀྱང་ཡང་དག་པ་ཇི་ལྟ་བ་བཞིན་དུ་ལུས་སོ་སོར་རིག་པར་བྱེད་དོ། །གལ་ཏེ་ཡང་རླུང་དེ་དག་རྣམས་ཀྱང་འཁྲུགས་པར་གྱུར་ན་ནི་ཇི་སྐད་དུ་བཤད་པར་གྱུར་པའི་ཡུལ་དེ་དག་རྣམས་ལ་དབང་པོ་རྣམས་ནུས་པ་མེད་པར་འགྱུར་རོ། །དེས་མིག་དང་། རྣ་བ་དང་། སྣ་དང་། ལྕེ་དང་།
D287.071.0152a02.01ལུས་རྣམས་ལ་གནས་པར་གྱུར་པའི་རླུང་ལྔ་པོ་རྣམས་ཤེས་པར་གྱུར་པ་དག་གིས་ཀྱང་ཡང་དག་པ་ཇི་ལྟ་བ་བཞིན་དུ་ལུས་སོ་སོར་རིག་པར་བྱེད་དོ། །གཞན་ཡང་རྣལ་འབྱོར་སྤྱོད་པ་ནང་གི་བདག་ཉིད་ཀྱི་ལུས་ལ་ལུས་ཀྱི་རྗེས་སུ་ལྟ་ཞིང་གནས་ཏེ། བདག་གི་རླུང་གཞན་གང་དག་ལུས་ལ་རབ་ཏུ་
D287.071.0152a03.01གནས་པ་ཡིན་ལ་དེ་བདག་ལ་འཁྲུགས་པར་གྱུར་པའམ་འཁྲུགས་པར་མ་གྱུར་པ་ན་ལས་ཅི་ཞིག་བྱེད་པ་ཡིན་ན། དེས་ཐོས་པ་ལས་བྱུང་བའི་ཤེས་རབ་ཀྱིས་སམ་ལྷའི་མིག་གིས་མཐོང་བར་གྱུར་པ། གྲོག་མ་པ་ཞེས་བྱ་བའི་རླུང་བདག་གི་ལུས་ལ་རབ་ཏུ་གནས་ཏེ། དེས་འཁྲུགས་པ་དང་མ་
D287.071.0152a04.01འཁྲུགས་པ་ན་བདག་ལ་ལས་ཅི་ཞིག་བྱེད་པ་ཡིན་པ་ཡང་། དེས་ཐོས་པ་ལས་བྱུང་བའི་ཤེས་རབ་ཀྱིས་སམ་ལྷའི་མིག་གིས་མཐོང་བར་གྱུར་པ་ནི་གལ་ཏེ་གྲོག་མ་པའི་རླུང་བདག་འཆི་བའི་དུས་སུ་གྱུར་པ་ན་ཤིན་ཏུ་འཁྲུགས་པ་སྐྱེས་པར་གྱུར་ན་ནི་དེས་བདག་གི་པགས་པ་དང་། ཁྲག་དང་། ཤ་དང་། ཚིལ་
D287.071.0152a05.01དང་། རུས་པའི་འདུ་ཤེས་དང་། ཁུ་ཆུ་ཡང་སྟེ། ཁམས་དེ་དག་རྣམས་ཐམས་ཅད་ཀྱང་སྐམས་པར་བྱེད་དོ། །ཀུན་དུ་སྒུལ་བར་འགྱུར་རོ། །འཇུག་པར་འགྱུར་རོ། །ཀུན་དུ་སྐམས་པར་གྱུར་ནས་ཀྱང་བདག་འཆི་བའི་དུས་ཀྱི་ཚེ་ན་དེ་ལྟར་ཚོར་བ་རྣམས་བྱེད་པར་འགྱུར་རོ། །རབ་ཏུ་འབར་བར་གྱུར་པའི་
D287.071.0152a06.01ལྕགས་ཀྱི་རང་བཞིན་གྱི་གྲོག་མ་སྟོང་ཕྲག་རྣམས་གལ་ཏེ་ལུས་ལ་བཅུག་པར་གྱུར་ན་ཡང་དེའི་བཅུ་དྲུག་གི་ཆར་ཡང་མི་ཕོད་དོ། །གལ་ཏེ་ཡང་བདག་འཆི་བར་གྱུར་པའི་དུས་ན་ཤིན་ཏུ་སྟོབས་ཆེ་བར་འཁྲུགས་པར་མ་གྱུར་ན་ལེགས་པར་བྱས་པའི་ལས་རྣམས་ཀྱི་རང་བཞིན་གྱིས་དེས་བདག་ལ་
D287.071.0152a07.01