完整藏文原文 · 德格版页 当前仅加载第 71 函德格 131b 版页；藏文 NFD、目录标记与异常页序保留在来源切片中，重复版页行以稳定序号区分。
བྱེད་དོ། །གཞན་ཡང་རྣལ་འབྱོར་སྤྱོད་པ་ནང་གི་བདག་ཉིད་ཀྱི་ལུས་ལ་ལུས་ཀྱི་རྗེས་སུ་ལྟ་ཞིང་གནས་པར་བྱེད་ན། དེས་ཐོས་པ་ལས་བྱུང་བའི་ཤེས་རབ་དག་གིས་སམ། ལྷའི་མིག་གིས་མཐོང་བར་གྱུར་པ། མྱོང་བར་བྱེད་པ་ཞེས་བྱ་བའི་སྲིན་བདག་གི་རུས་པ་ལ་སྤྱོད་པ་ཡིན་ཏེ། དེས་
D287.071.0131b01.01ང་ལ་རང་བཞིན་དུ་གནས་པའམ། རང་བཞིན་དུ་མི་གནས་པ་ཅི་ཞིག་བྱེད་པ་ཡིན་ན། དེས་ཐོས་པ་ལས་བྱུང་བའི་ཤེས་རབ་ཀྱིས་སམ། ལྷའི་མིག་གིས་མཐོང་བ་ནི། མྱོང་བར་བྱེད་པ་ཞེས་བྱ་བའི་སྲིན་ཟས་དག་གི་སྐྱོན་གྱིས་གལ་ཏེ་ལྟོགས་པར་གྱུར་ན། དེས་ང་ལ་འབྲུམ་བུ་
D287.071.0131b02.01རྣམས་སུ་བྱེད་དོ། །ལུས་ཐམས་ཅད་ཀྱི་ཡན་ལག་དང་ཉིང་ལག་རྣམས་ལ་ཀུན་དུ་རྒྱུ་བར་བྱེད་པ་ཡིན་ཏེ། དེ་ལུས་གང་དག་ཉིད་ཁོ་ན་ལ་ཀུན་དུ་རྒྱུ་བར་བྱེད་པ་དེ་དག་ཉིད་ཁོ་ནར་བདག་རེངས་པར་འགྱུར་རོ། །སྙིང་སྟོང་པ་དང་ལུས་ལ་ཚོར་བ་མེད་པར་ཡང་འགྱུར་རོ། །ལྒང་
D287.071.0131b03.01བ་དང་བཤང་བ་འགག་པར་ཡང་འགྱུར་རོ། །གཉིད་མེད་པར་ཡང་འགྱུར་རོ། །གྲོག་མ་དང་འདྲ་བར་ཡན་ལག་དང་ཉིང་ལག་རྣམས་ལ་རྒྱུག་པར་ཡང་བྱེད་དོ། །བདག་ཤིན་ཏུ་སྐོམ་པར་ཡང་འགྱུར་རོ། །བདག་ལ་མུན་པ་ཀུན་དུ་འབྱུང་བར་འགྱུར་བ་དང་གྲང་བའི་ཚད་པ་དང་
D287.071.0131b04.01སྐྲང་བར་ཡང་འགྱུར་རོ། །གལ་ཏེ་ཡང་མྱོང་བར་བྱེད་པའི་སྲིན་ལྟོགས་པར་མ་གྱུར་ན་ནི། ཇི་སྐད་དུ་བཤད་པའི་ནད་དེ་དག་རྣམས་རབ་ཏུ་ཞི་བར་འགྱུར་རོ། །གཞན་ཡང་རྣལ་འབྱོར་སྤྱོད་པ་ནང་གི་བདག་ཉིད་ཀྱི་ལུས་ལ་ལུས་ཀྱི་རྗེས་སུ་ལྟ་ཞིང་གནས་པར་བྱེད་པ་ན།
D287.071.0131b05.01དེས་ཐོས་པ་ལས་བྱུང་བའི་ཤེས་རབ་དག་གིས་སམ། ལྷའི་མིག་གིས་མཐོང་བར་གྱུར་པ། པགས་པ་ཟ་བ་ཞེས་བྱ་བའི་སྲིན་ལུས་ལ་གནས་པ་ཡིན་ཏེ། དེས་རང་བཞིན་དུ་གནས་པའམ། རང་བཞིན་དུ་མི་གནས་པ་ཅི་ཞིག་བྱེད་པ་ཡིན་པ་ཡང་དེས་ཐོས་པ་ལས་བྱུང་བའི་
D287.071.0131b06.01ཤེས་རབ་བམ། ལྷའི་མིག་གིས་མཐོང་བ་ནི་པགས་པ་ཟ་བ་ཞེས་བྱ་བ་རུས་པ་ལ་གནས་པ་ཡིན་ཏེ། དེ་གལ་ཏེ་ལྟོགས་པར་གྱུར་ན་ནི་དེས་ངའི་མཆུ་སྐྲང་བར་བྱེད་པའམ། ཁ་སྐྲང་བར་བྱེད་པའམ། མིག་སྐྲང་བར་བྱེད་པའམ། རྣག་གི་ཐོར་པའམ། རྒྱུས་པ་འཁུམ་པར་
D287.071.0131b07.01