完整藏文原文 · 德格版页 当前仅加载第 71 函德格 143b 版页；藏文 NFD、目录标记与异常页序保留在来源切片中，重复版页行以稳定序号区分。
དོ། །གཞན་ཡང་རྣལ་འབྱོར་སྤྱོད་པ་ནང་གི་བདག་ཉིད་ཀྱི་ལུས་ལ་ལུས་ཀྱི་རྗེས་སུ་ལྟ་ཞིང་གནས་ཏེ། བདག་གི་རླུང་གཞན་གང་དག་གིས་ལས་ཅི་ཞིག་བྱེད་པ་ཡིན་ན། དེས་ཐོས་པ་ལས་བྱུང་བའི་ཤེས་རབ་ཀྱིས་སམ། ལྷའི་མིག་གིས་མཐོང་བར་གྱུར་པ། རྩིབ་ལོགས་
D287.071.0143b01.01ན་བར་བྱེད་པ་ཞེས་བྱ་བའི་རླུང་བདག་གི་ལུས་ལ་རབ་ཏུ་གནས་པ་ཡིན་ཏེ། དེས་བདག་ལ་འཁྲུགས་པར་གྱུར་པ་དང་། འཁྲུགས་པར་མ་གྱུར་པ་ན་ལས་ཅི་ཞིག་བྱེད་པ་ཡིན་པ་ཡང་། དེས་མཐོང་བ་ནི་རྩིབ་ལོགས་ན་བར་བྱེད་པ་ཞེས་བྱ་བའི་བདག་གི་རླུང་དེ་གལ་ཏེ་འཁྲུགས་
D287.071.0143b02.01པར་གྱུར་ན། དེས་བདག་གི་ལོགས་ཀྱི་རུས་པ་ལ་གནས་ནས་ལོགས་ཀྱི་གསེབ་ཏུ་རྒྱུ་བར་བྱེད་པ་ལོགས་ཀྱི་ཁྲག་རྣམས་རབ་ཏུ་སྐམས་པར་བྱེད་པས་བདག་ལ་འཇིགས་སུ་རུང་བ་དང་། རྩུབ་པ་དང་། མི་བཟད་ཅིང་དྲག་པོར་གྱུར་པའི་ཚོར་བ་རྣམས་སྐྱེད་པར་བྱེད་དོ། །གལ་
D287.071.0143b03.01ཏེ་རླུང་དེ་བདག་ལ་འཁྲུགས་པར་མ་གྱུར་ན་ནི་ཇི་སྐད་དུ་བཤད་པའི་ནད་དེ་དག་རྣམས་རབ་ཏུ་འབྱུང་བར་མི་འགྱུར་རོ། །དེས་ལོགས་ན་བར་བྱེད་པའི་རླུང་རིག་པར་གྱུར་ནས་ཡང་དག་པ་ཇི་ལྟ་བ་བཞིན་དུ་སོ་སོར་རིག་པར་བྱེད་དོ། །གཞན་ཡང་རྣལ་འབྱོར་སྤྱོད་པ་ནང་གི་
D287.071.0143b04.01བདག་ཉིད་ཀྱི་ལུས་ལ་ལུས་ཀྱི་རྗེས་སུ་ལྟ་ཞིང་གནས་པ་ན། བདག་གི་རླུང་གཞན་གང་དག་གིས་འཁྲུགས་པར་གྱུར་པ་དང་། འཁྲུགས་པར་མ་གྱུར་པ་ན་ལས་ཅི་ཞིག་བྱེད་པ་ཡིན་ན། དེས་ཐོས་པ་ལས་བྱུང་བའི་ཤེས་རབ་ཀྱིས་སམ། ལྷའི་མིག་གིས་མཐོང་བར་
D287.071.0143b05.01གྱུར་པ། བུ་ག་དགུའི་ནད་ཅེས་བྱ་བའི་རླུང་བདག་གི་ལུས་ལ་རབ་ཏུ་གནས་པ་ཡིན་ཏེ། དེས་བདག་ལ་འཁྲུགས་པ་དང་། མ་འཁྲུགས་པ་ན་ལས་ཅི་ཞིག་བྱེད་པར་གྱུར་པ་ཡང་། དེས་ཐོས་པ་ལས་བྱུང་བའི་ཤེས་རབ་ཀྱིས་སམ། ལྷའི་མིག་གིས་མཐོང་བ་ལས་བུ་
D287.071.0143b06.01ག་དགུ་ན་བར་བྱེད་པ་ཞེས་བྱ་བའི་བདག་གི་རླུང་གལ་ཏེ་འཁྲུགས་པར་གྱུར་ན། དེས་བདག་གི་བུ་ག་དགུ་པོ་རྣམས་མ་ལུས་པར་འཆུམ་པར་བྱེད་དོ། །བུ་ག་བདུན་མགོ་བོ་ལ་གནས་པ་དང་། གཉིས་བཤང་བ་དང་། གཅི་བའི་ཡིན་ཏེ་སྤྱིར་ཡོའམ། གལ་ཏེ་རེ་རེ་
D287.071.0143b07.01