完整藏文原文 · 德格版页 当前仅加载第 71 函德格 89b 版页；藏文 NFD、目录标记与异常页序保留在来源切片中，重复版页行以稳定序号区分。
ཐབས་བླག་ཤེས། །དོན་གྲུབ་པ་ནི་རྟག་ཏུ་གནས། །གཡོ་མེད་ཤིན་ཏུ་མཁས་པ་དང་། །རྟག་པར་ཡང་ནི་སྙན་པའི་ངག །མགོན་མེད་རྣམས་ལ་སྡོམ་བརྩོན་ལྡན། །དོན་གྲུབ་པ་ནི་རྟག་ཏུ་གནས། །ཡུལ་དུས་རྣམ་པར་ཤེས་པ་ཡི། །བསྒྲུབ་དང་སྒྲུབ་
D287.071.0089b01.01མིན་རྣམ་པར་ཤེས། །སྡིག་པའི་སྦྱང་ཐབས་ཤེས་ནུས་པའི། །ལུས་འགྲུབ་པ་ནི་རྟག་ཏུ་གནས། །དེ་ལྟར་ངང་པ་རྣམས་ཀྱི་མངའ་བདག་དེས་རིག་པར་གྱུར་ནས། ཇི་ལྟར་འདི་དག་རྣམས་ཆོས་བྱེད་དུ་འགྱུར་བ་དང་། ཆོས་སྟོན་པར་འགྱུར་བར་ཡང་བྱེད་དེ། གཞན་
D287.071.0089b02.01དག་རྗེས་སུ་འཛིན་པར་བྱེད་པ་ལ་སྦྱོར་བ་གང་ཡིན་པ་དེ་དག་རྣམས་ནི། ཀུན་ཏུ་བསམས་པ་རྣམས་ཐམས་ཅད་འགྲུབ་པར་དེས་རིག་པའི་ཕྱིར་རོ། །དེ་ནས་ལྷ་དེ་དག་རྣམས་བག་མེད་པ་བག་མེད་པར་རྒྱུ་བས་རྣམ་པར་རྒྱུ་བར་བྱེད་པ་ཡིན་ན། དེ་ལ་གང་གིས་འདི་དག་རྣམས་
D287.071.0089b03.01ཀྱི་བག་མེད་པ་དང་འབྲལ་བར་འགྱུར་བར་ཇི་ལྟར་བདག་གིས་དེ་དག་རྣམས་ལ་ཆོས་བསྟན་པར་བྱ། དེ་ནས་ཡེ་ཤེས་སྟོབས་པོ་ཆེས་ལེགས་པར་སྤྱད་པ་རྣམས་རིག་ཅིང་སྐྱེ་བ་གཞན་དྲན་པ་དང་དྲན་པར་གྱུར་ན། ཇི་ལྟར་སྔོན་བདག་མིར་གྱུར་ནས་འཛམ་བུའི་གླིང་དུ་སྐྱེས་པ་ན།
D287.071.0089b04.01བཅོམ་ལྡན་འདས་གསེར་ཐུབ་ཀྱི་སྤྱན་སྔར་ཆོས་ཐོས་པར་གྱུར་པ་དེའི་དུས་ནི་ཆུང་ངུ་ན་ཡང་ངེས་པར་འདི་ཡིན་ལ། བཅོམ་ལྡན་འདས་དེས་ནི་དུས་འདི་དག་མཁྱེན་ནས་བདག་ལ་ཆོས་བསྟན་པ་ཡིན་ཏེ། ཇི་ལྟར་ཚོང་དཔོན་གཙོ་བོའི་བུ་ཨུད་པ་ལ་སྦྱིན་ཞེས་བྱ་བ་འདི་ཤི་བར་གྱུར་ནས།
D287.071.0089b05.01འཐབ་བྲལ་བའི་ལྷ་རྣམས་ཀྱིས་རཱ་ཛ་ནི་ན་རྒྱུ་བར་ངང་པར་སྐྱེ་བ་གཞན་ལ་སྐྱེ་བར་འགྱུར་རོ། །དེས་བདག་གི་ཆོས་འདི་དག་རྣམས་བག་མེད་པས་བག་མེད་པར་རྣམ་པར་རྒྱུ་བར་བྱེད་པའི་ལྷ་དེ་དག་རྣམས་ལ་སྟོན་པར་བྱེད་དོ་ཞེས་བྱ་བ་ཆོས་དེའི་དུས་དེ་ནི་དེ་རིང་འདིར་བྱུང་བ་ཡིན་པས།
D287.071.0089b06.01ཅི་ནས་ཀྱང་བདག་གིས་ཆོས་དེ་དག་བསྟན་པར་བྱ་བ་ཡིན་ནོ། །ངང་པ་རྣམས་ཀྱི་མངའ་བདག་དེས་དེ་ལྟར་རིག་ནས། གཞན་ལ་ཕན་པ་ལ་རབ་ཏུ་ཞུགས་པ་སྙིང་རྗེ་དང་ལྡན་པར་གྱུར་ཅིང་། བྱམས་པ་དང་སྙིང་རྗེ་མང་པོས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཡིད་
D287.071.0089b07.01