完整藏文原文 · 德格版页 当前仅加载第 71 函德格 161b 版页；藏文 NFD、目录标记与异常页序保留在来源切片中，重复版页行以稳定序号区分。
བཞིན་དུ་ལུས་སོ་སོར་རིག་པར་བྱེད་དོ། །གཞན་ཡང་རྣལ་འབྱོར་སྤྱོད་པ་ནང་གི་བདག་ཉིད་ཀྱི་ལུས་ལ་ལུས་ཀྱི་རྗེས་སུ་ལྟ་ཞིང་གནས་ཏེ། བདག་གི་རླུང་གཞན་གང་དག་གིས་འཁྲུགས་པར་གྱུར་པ་དང་འཁྲུགས་པར་མ་གྱུར་པ་ན་ལས་ཅི་ཞིག་བྱེད་པ་ཡིན་ན། དེས་ཐོས་པ་
D287.071.0161b01.01ལས་བྱུང་བའི་ཤེས་རབ་ཀྱིས་སམ་ལྷའི་མིག་གིས་མཐོང་བར་གྱུར་པ། ལྕེ་ལ་གསལ་བྱེད་དང་ཡི་གེ་རྣམས་བྱེད་པ་ཞེས་བྱ་བའི་རླུང་བདག་གི་ལུས་ལ་རབ་ཏུ་གནས་པ་ཡིན་ཏེ། དེ་འཁྲུགས་པ་དང་མ་འཁྲུགས་པ་ན་ལས་ཅི་ཞིག་བྱེད་པ་ཡང་། དེས་ཐོས་པ་ལས་བྱུང་བའི་ཤེས་
D287.071.0161b02.01རབ་ཀྱིས་སམ་ལྷའི་མིག་གིས་མཐོང་བར་གྱུར་པ་ནི་བདག་གི་གསལ་བྱེད་དང་ཡི་གེ་གང་ཡིན་པ་འདི་དག་རྣམས་ནི་བརྗོད་པར་བྱ་བར་ཡང་མི་ནུས་ཀྱི། དེ་དག་ནི་སེམས་དང་སེམས་ལས་བྱུང་བ་དག་གིས་དམིགས་པས་ལྕེ་ལས་བརྗོད་པ་དང་ཡི་གེ་རྣམས་དང་བཅས་པར་རླུང་གི་
D287.071.0161b03.01མངོན་པར་བརྗོད་པ་ཡིན་ཏེ། སེམས་ཀྱིས་བྱེད་པའི་རྗེས་སུ་འབྲང་བར་བྱེད་པའི་རླུང་གིས་བསྐྱོད་པར་གྱུར་པས་བརྗོད་པ་དང་ཡི་གེ་རྣམས་གཅིག་མ་ཡིན་པར་བྱེད་པ་ཡིན་ཞིང་། དེ་ལྟར་ལྕེ་ཡིས་བརྗོད་པ་དང་ཡི་གེ་བྱེད་པའི་རླུང་ལ་བརྟེན་པར་གྱུར་ནས་གསལ་བྱེད་དང་ཡི་གེའི་
D287.071.0161b04.01ཀུན་བརྗོད་པ་དུ་མ་རྣམས་བྱེད་པ་ཡིན་ནོ། །གལ་ཏེ་ཡང་འཁྲུགས་པར་གྱུར་ན་ནི་ལྕེ་ཞན་པར་འགྱུར་བའམ། ལྕེ་མགྱོགས་པར་ཡང་བྱེད་ཅིང་ལྐུགས་པར་ཡང་བྱེད་དོ། །ལྕེ་ལ་གསལ་བྱེད་དང་ཡི་གེ་བྱེད་པ་ཞེས་བྱ་བའི་རླུང་ལ་སོ་སོར་བརྟགས་པར་གྱུར་པས་ཀྱང་ཡང་དག་པ་ཇི་
D287.071.0161b05.01ལྟ་བ་བཞིན་དུ་ལུས་སོ་སོར་རིག་པར་བྱེད་དོ། །གཞན་ཡང་རྣལ་འབྱོར་སྤྱོད་པ་ནང་གི་བདག་ཉིད་ཀྱི་ལུས་ལ་ལུས་ཀྱི་རྗེས་སུ་ལྟ་ཞིང་གནས་ཏེ། བདག་གི་རླུང་གཞན་གང་དག་གིས་འཁྲུགས་པར་གྱུར་པ་དང་། འཁྲུགས་པར་མ་གྱུར་པ་ན་ལས་ཅི་ཞིག་བྱེད་པ་ཡིན་ན། དེས་
D287.071.0161b06.01ཐོས་པ་ལས་བྱུང་བའི་ཤེས་རབ་ཀྱིས་སམ་ལྷའི་མིག་གིས་མཐོང་བར་གྱུར་པ། རོ་སྲེད་པར་བྱེད་པ་ཞེས་བྱ་བའི་རླུང་ལུས་ལ་རབ་ཏུ་གནས་པ་ཡིན་ཏེ། དེ་བདག་ལ་འཁྲུགས་པའམ་མ་འཁྲུགས་པ་ན་ལས་ཅི་ཞིག་བྱེད་པ་ཡང་། དེས་ཐོས་པ་ལས་བྱུང་བའི་ཤེས་རབ་ཀྱིས་
D287.071.0161b07.01