完整藏文原文 · 德格版页 当前仅加载第 71 函德格 223a 版页；藏文 NFD、目录标记与异常页序保留在来源切片中，重复版页行以稳定序号区分。
སྐྱེས་བུ་གང་དག་གནས་པ་དེ་དག་རྣམས་ནི་མེའི་གཙུག་ཅན་ཞེས་བྱ་བའི་མིང་དུ་འགྱུར་རོ། །ཆུ་ཀླུང་ཡང་འདི་དག་རྣམས་ཡོད་དོ། །འདི་ལྟ་སྟེ། བྱེ་མ་འདྲིམ་པ་དང་། སཱ་མྲེ་ཌཱ་དང་། ཆུ་གཡོ་བ་དང་། ཀླུའི་ཆུ་དང་། ནགས་ནས་འབྱུང་བ་དང་། ཙ་ར་ཙ་དང་
D287.071.0223a01.01རྣམས་སོ། །ནགས་ཀྱི་ཕྲེང་བའི་རི་དེའི་ཚད་ནི་དཔག་ཚད་སྟོང་ཡིན་ནོ། །དེ་ལ་ནགས་འདི་དག་རྣམས་ཡོད་དོ། །འདི་ལྟ་སྟེ། ཀུཀྐུ་ཊཱ་ཙཱི་ར་དང་། ལྷ་ཤིང་གི་ནགས་དང་། ཙི་ལི་ཀའི་ནགས་དང་། དུ་བ་པ་དང་། ཤིན་ཏུ་མ་སྐྱེས་པ་དང་རྣམས་ཡིན་ནོ། །ཆུ་ཀླུང་ཡང་འདི་དག་
D287.071.0223a02.01རྣམས་ཡོད་དོ། །འདི་ལྟ་སྟེ། འཁྲི་ཤིང་གིས་གཡོགས་པ་དང་། རྩེ་མོ་ལ་འཁོར་བ་དང་། ཆུ་ནག་པོ་དང་། ལོ་མ་ཤིན་ཏུ་འཕྱང་བ་དང་། དུ་བ་དགའ་བ་དང་རྣམས་སོ། །རིའི་ནགས་ཀྱི་ཕྲེང་བའི་ཉེ་འཁོར་ན་སྐྱེས་བུ་གང་དག་གནས་པ་དེ་དག་རྣམས་ནི་གྱ་གྱུ་ཅན་ཞེས་བྱ་བའི་
D287.071.0223a03.01མིང་དུ་འགྱུར་རོ། །རི་གསུམ་པ་རྨ་བྱའི་ཚོགས་ལ་རྣལ་འབྱོར་སྤྱོད་པ་པ་དེས་མཐོང་བར་གྱུར་པ་དཔག་ཚད་སྟོང་ཡིན་ནོ། །དེ་ལ་ནགས་འདི་དག་རྣམས་ཡོད་དོ། །འདི་ལྟ་སྟེ། སྤྲིན་གྱི་ནགས་དང་། རྟག་ཏུ་གློག་འཁྱུག་པ་དང་། སྒྲ་འཕང་མཐོན་པོ་དང་། ལྷག་པ་ཐུང་
D287.071.0223a04.01བ་དང་། མཎྜལཾ་དང་རྣམས་སོ། །ཆུ་ཀླུང་ཡང་འདི་དག་རྣམས་ཡོད་དོ། །འདི་ལྟ་སྟེ། ནི་ཙུ་ལུནྡ་འབབ་པ་དང་། དྲང་སྲོང་དགའ་བ་དང་། སྔོན་འབབ་པ་དང་། བཟང་པོ་དང་རྣམས་ཡིན་ནོ། །རྨ་བྱའི་ཚོགས་ཀྱི་ནགས་ཀྱི་ཉེ་འཁོར་ན་སྐྱེས་བུ་གང་དག་གནས་པ་དེ་དག་རྣམས་
D287.071.0223a05.01ལ་མགུལ་པ་སྔོན་པོ་ཞེས་བྱ་བའི་མིང་དུ་འགྱུར་རོ། །གཞན་ཡང་རྣལ་འབྱོར་སྤྱོད་པ་ཕྱི་རོལ་གྱི་ལུས་ཀྱིས་ལུས་ལ་རྗེས་སུ་ལྟ་ཞིང་གནས་ཏེ། ཤར་ཕྱོགས་ཀྱི་ལུས་འཕགས་པོའི་གླིང་ན་རིའི་རིགས་སམ་ཆུ་ཀླུང་གི་རིགས་གཞན་དག་ཡོད་དམ་ཞེ་ན། དེས་ཐོས་པ་ལས་བྱུང་བའི་ཤེས་རབ་
D287.071.0223a06.01ཀྱིས་སམ་ལྷའི་མིག་གིས་མཐོང་བར་གྱུར་པ། རི་གཞན་བཞི་པ་{རི་དགས་,རི་དྭགས་}ཀྱི་ཁྲོད་ཅེས་བྱ་བ་ཡོད་དོ། །དེ་ལ་ནགས་འདི་དག་རྣམས་ཡོད་དོ། །འདི་ལྟ་སྟེ། རལ་པ་ཅན་གྱི་ནགས་དང་། ཀུན་དགའ་བའི་ནགས་དང་། རྟའི་སྤྲིན་གྱི་ནགས་དང་རྣམས་སོ། །ལྗོན་ཤིང་དང་། མེ་
D287.071.0223a07.01