完整藏文原文 · 德格版页 当前仅加载第 71 函德格 158a 版页；藏文 NFD、目录标记与异常页序保留在来源切片中，重复版页行以稳定序号区分。
པར་འགྱུར་ཏེ། ཟས་མངར་མོ་རྣམས་ཀྱང་བདག་གིས་མིད་པར་མི་ནུས་སོ། །བདག་ཚ་བ་དང་སྐྱུར་བའི་ཟས་རྣམས་འདོད་པར་འགྱུར་རོ། །རྩུབ་མོ་དེ་དག་རྣམས་ཀྱིས་ཀྱང་བདག་གི་ཡིད་རབ་ཏུ་ཁྲོ་བ་སྐྱེད་པར་བྱེད་དོ། །ཉིན་མོ་སྤྱོད་པའི་སར་མ་ཕྱིན་ན་ཡང་ལུས་ངལ་
D287.071.0158a01.01བར་འགྱུར་རོ། །དེས་འཐུན་པ་སུན་འདོན་པར་བྱེད་པའི་རླུང་ལ་སོ་སོར་བརྟགས་པར་གྱུར་པས་ཀྱང་ཡང་དག་པ་ཇི་ལྟ་བ་བཞིན་དུ་ལུས་སོ་སོར་རིག་པར་བྱེད་དོ། །གཞན་ཡང་རྣལ་འབྱོར་སྤྱོད་པ་ནང་གི་བདག་ཉིད་ཀྱི་ལུས་ལ་ལུས་ཀྱི་རྗེས་སུ་ལྟ་ཞིང་གནས་ཏེ། རླུང་གཞན་གང་དག་
D287.071.0158a02.01བདག་གི་ལུས་ལ་རབ་ཏུ་གནས་པ་ཡིན་ན། དེས་ཐོས་པ་ལས་བྱུང་བའི་ཤེས་རབ་ཀྱིས་སམ་ལྷའི་མིག་གིས་མཐོང་བར་གྱུར་པ། གཅིན་ལྷག་མ་སུན་འདོན་པར་བྱེད་པ་ཞེས་བྱ་བའི་རླུང་བདག་གི་ལུས་ལ་རབ་ཏུ་གནས་པ་ཡིན་ཏེ། དེ་འཁྲུགས་པར་གྱུར་པ་དང་འཁྲུགས་པར་མ་གྱུར་པ་ན་
D287.071.0158a03.01བདག་ལ་ལས་ཅི་ཞིག་བྱེད་པ་ཡིན་ན། དེས་ཐོས་པ་ལས་བྱུང་བའི་ཤེས་རབ་ཀྱིས་སམ་ལྷའི་མིག་གིས་མཐོང་བར་གྱུར་པ་ནི། གལ་ཏེ་བདག་གི་གཅིན་ཀུན་ནས་སུན་འདོན་པར་བྱེད་པའི་རླུང་རབ་ཏུ་འཁྲུགས་པར་གྱུར་ན། དེ་ཡིས་ཉིན་མོ་དང་མཚན་མོ་མེད་པར་ཡང་བདག་གི་ཕོ་
D287.071.0158a04.01མཚན་ལ་གནས་པའི་ཚོར་བ་རྣམས་རབ་ཏུ་ཞི་བར་མི་འགྱུར་རོ། །རྟག་ཏུ་ཡང་བདག་ཆུ་ངན་གཏོང་འདོད་པར་འགྱུར་རོ། །བདག་གི་ཆུ་ངན་གཏང་བར་ཡང་མི་ནུས་སོ། །བདག་གི་ལུས་ཀྱང་རྟག་པར་ཀུན་དུ་སྤྲོ་བ་མེད་པར་འགྱུར་རོ། །བདག་གི་དབུགས་འབྱིན་པ་ན་རྫོགས་པར་ཡང་
D287.071.0158a05.01མི་འགྱུར་རོ། །དེ་རབ་ཏུ་སྟོབས་ཆེ་བར་གྱུར་ན་བདག་ཤིན་ཏུ་ཡང་སྐྱ་བོར་སྐྱེད་པ་དང་། རྫུད་པར་ཡང་བྱེད་དོ། །དེས་གཅིན་ལྷག་མ་ཀུན་ནས་སུན་འདོན་པར་བྱེད་པའི་རླུང་ལ་སོ་སོར་བརྟགས་པར་གྱུར་པས་ཀྱང་ཡང་དག་པ་ཇི་ལྟ་བ་བཞིན་དུ་ལུས་སོ་སོར་རིག་པར་བྱེད་དོ། །གཞན་ཡང་
D287.071.0158a06.01རྣལ་འབྱོར་སྤྱོད་པ་ནང་གི་བདག་ཉིད་ཀྱི་ལུས་ལ་ལུས་ཀྱི་རྗེས་སུ་ལྟ་ཞིང་གནས་ཏེ། རླུང་གཞན་གང་དག་བདག་གི་ལུས་ལ་རབ་ཏུ་གནས་པར་གྱུར་ན། དེས་ཐོས་པ་ལས་བྱུང་བའི་ཤེས་རབ་ཀྱིས་སམ་ལྷའི་མིག་གིས་མཐོང་བར་གྱུར་པ། ཟས་དང་ལྡན་པ་ཞེས་བྱ་བའི་རླུང་བདག་གི་
D287.071.0158a07.01