完整藏文原文 · 德格版页 当前仅加载第 71 函德格 14b 版页；藏文 NFD、目录标记与异常页序保留在来源切片中，重复版页行以稳定序号区分。
རྣམ་པར་བཀྲ་བ་གསུམ་པོ་དེ་དག་རྣམས་ནི་གཞན་རྗེས་སུ་འཛིན་པ་ལ་རབ་ཏུ་ཞུགས་པས་ཆོས་སྟོན་པར་བྱེད་པ་ཡིན་ཏེ། ཁ་ཅིག་ནི་རང་སངས་རྒྱས་ཀྱི་བྱང་ཆུབ་ལ། ཁ་ཅིག་ནི་ཉན་ཐོས་ཀྱི་བྱང་ཆུབ་ལ་རབ་ཏུ་འགོད་པར་བྱེད་པ་ཡིན་ནོ། །དེ་ལྟར་ངེས་པར་གནས་པ་རྣམས་ནི་དེ་
D287.071.0014b01.01དག་དགེ་ལེགས་དང་ལྡན་པ་རྣམས་ཡིན་ཏེ། བདུད་ཀྱི་ཡུལ་ལས་བྲོས་པར་འདོད་པ་རྣམས་ཡིན་ནོ། །དེ་ནས་བདུད་སྡིག་ཅན་དེ་ཉིད་འདི་སྙམ་དུ་སེམས་ཏེ། ཇི་ལྟར་བདག་གནས་པའི་ཡུལ་སྟོངས་པར་བྱེད་པ་རྣམས་ནི་མིའི་འཇིག་རྟེན་ན་དགེ་སྦྱོང་གིས་སོ། །རྒྱལ་ཆེན་རིས་
D287.071.0014b02.01བཞི་ནི་རྒྱལ་པོ་ཆེན་པོ་བཞི་ཡིན་ནོ། །སུམ་ཅུ་རྩ་གསུམ་ན་ནི་ཀཽ་ཤི་ཀ་ཡིན་ནོ། །མཚེ་མ་ན་ནི་མུ་སུ་ལུན་དྷ་དང་དུས་{བཟངས་,བཟང་}དང་རྣམ་པར་བཀྲ་བ་རྣམས་ཡིན་ནོ། །དགའ་ལྡན་ན་ནི་རབ་ཏུ་ཞི་བ་ཡིན་ནོ། །ལྷན་ཅིག་སྤྱོད་པའི་འཁོར་དེ་དག་རྣམས་གང་ཡིན་པ་ཐམས་ཅད་ཀྱིས་ཀྱང་
D287.071.0014b03.01ཐོས་པར་མི་འགྱུར་བ་ཡུལ་རྣམས་དང་བདག་གི་ལྷ་དང་མི་རྣམས་ཀྱང་གཏི་མུག་གིས་རྨོངས་པར་བྱའོ། །འཕྲུལ་དགའ་བ་ཞེས་བྱ་བ་གང་ཡིན་པ་རྣམས་ནི་མ་གཏོགས་པ་རྣམས་ཀྱིས་མི་ཐོས་པར་བྱའོ། །བདག་གི་ས་པའི་ཤིན་ཏུ་སྟོབས་དང་ལྡན་པ་དེས་ཀྱང་བདག་གིས་ཕྱིར་
D287.071.0014b04.01བཟློག་པའི་བཀོད་པ་བྱ་བ་ནུས་ཀྱིས། ཐ་མར་གྱུར་ན་ཡང་ངས་གང་ན་འཐབ་བྲལ་བའི་ལྷ་རྣམས་ཡོད་པ་དེར་ཤེས་རབ་དང་ཕ་རོལ་གནོན་པས་མཚུངས་པར་གྱུར་པའི་འཁོར་བཙལ་ལ་གཏང་བར་བྱའོ། །དེ་ནས་དེ་ལྟར་བདུད་སྡིག་ཅན་དེས་རིག་ནས་བློན་པོ་དང་ལྷན་ཅིག་ཏུ་བགྲོས་ནས།
D287.071.0014b05.01མུ་སུ་ལུན་དྷ་དེ་དང་དུས་{བཟངས་,བཟང་}དེ་དང་རྣམ་པར་བཀྲ་བ་དེ་དང་ཡང་བརྩད་པར་བྱ་བའི་དོན་དུ་ཕོ་ཉ་བཏང་བ་རྣམས་བློ་གྲོས་མཁས་པ་དང་སྤྲུལ་པ་ལ་མཁས་པ་དང་གཟི་བརྗིད་ཆེ་བ་རྣམས་འདི་ལྟ་སྟེ། དགའ་བ་དང་བག་མེད་པ་དང་རྣམ་པར་རྨོངས་པར་བྱེད་པ་རྣམས་སོ། །ཀྱེ་ཁྱེད་རྣམས་
D287.071.0014b06.01མཚེ་མའི་ལྷ་རྣམས་ཀྱི་ནང་དུ་སོང་ལ་མུ་སུ་ལུན་དྷ་དང་དུས་{བཟངས་,བཟང་}དང་རྣམ་པར་བཀྲ་བ་རྣམས་ཆོས་སྟོན་པའི་བར་ཆད་གྱིས་ཤིག །དེ་ནས་དེའི་ཚིག་ཐོས་པར་གྱུར་ནས་གང་ན་འཐབ་བྲལ་བའི་ལྷའི་རིགས་ཡོད་པ་དེར་ངེས་པར་བབས་པར་འགྱུར་རོ། །ཞུགས་པར་གྱུར་ནས་ཀྱང་གང་ན་
D287.071.0014b07.01