完整藏文原文 · 德格版页 当前仅加载第 71 函德格 181b 版页；藏文 NFD、目录标记与异常页序保留在来源切片中，重复版页行以稳定序号区分。
རིང་དུ་གྱུར་པའི་ངོ་བོར་ནི་དཔག་ཚད་ཉིས་བརྒྱ་པའོ། །ལྗོངས་ཀྱང་ཙོན་ཏྭ་ཞེས་བྱ་བ་སྟེ་དཔག་ཚད་ཉི་ཤུ་ཡིན་ནོ། །མ་དྲཱ་ཞེས་བྱ་བའི་ལྗོངས་ནི་དཔག་ཚད་བརྒྱ་ཕྲག་བཞི་བཅུ་ཡིན་ནོ། །ཀེ་ཏ་ཀོ་ཞེས་བྱ་བའི་ཡུལ་ནི་དཔག་ཚད་ལྔ་བཅུ་པ་ཡིན་ཏེ། བ་ལང་དང་མ་ཧེ་ཥ་རྣམས་ཀྱིས་
D287.071.0181b01.01ཀུན་ནས་གང་བར་གྱུར་པ། ལྗོན་ཤིང་དང་ཤཱ་ལི་ཐམས་ཅད་ཕུན་སུམ་ཚོགས་པ་ཡིན་ནོ། །གཞན་ཡང་རྒྱ་མཚོའི་ནང་ན་ཀར་ཀོ་ལའི་རང་བཞིན་གྱི་ཤིང་ཐམས་ཅད་ཕུན་སུམ་ཚོགས་པར་གྱུར་པ་སྟེ། རིང་དུ་གྱུར་པའི་དངོས་པོར་ནི་དཔག་ཚད་སུམ་བརྒྱའོ། །ཞེང་དུ་ནི་དཔག་
D287.071.0181b02.01ཚད་ལྔ་བརྒྱ་ཡིན་ནོ། །ཀཱ་བེ་རི་ཞེས་བྱ་བའི་ཆུ་ཀླུང་ནི་ཤིང་རྣམས་ཐམས་ཅད་ཀྱིས་ཉེ་བར་མཛེས་པར་གྱུར་པ་སྟེ། རབ་ཏུ་དང་བའི་ཆུ་ཞེང་དུ་ནི་དཔག་ཚད་དོ། །རིང་དུ་གྱུར་པའི་ངོ་བོར་ནི་དཔག་ཚད་ལྔ་བརྒྱ་པ་ཡིན་ནོ། །དེ་ལ་ནི་དགའ་བར་གྱུར་པ་ཀར་ཀོ་ལ་ཀཱ་དང་། ན་ར་
D287.071.0181b03.01ཀ་དང་། ཀེ་ཏ་ཀ་དང་རྣམས་ཀྱིས་ཤིན་ཏུ་དགའ་བར་གྱུར་པའི་ནགས་ཡོད་དོ། །ཆུ་ཀླུང་ཡང་བཱ་སའི་ཆུ་ཞེས་བྱ་བ་ཡིན་ནོ། །གཞན་ཡང་རྣལ་འབྱོར་སྤྱོད་པ་ཕྱི་རོལ་གྱི་ལུས་ཀྱིས་ལུས་ལ་རྗེས་སུ་ལྟ་ཞིང་གནས་ཏེ། འཛམ་བུའི་གླིང་ལས་རྒལ་བར་གྱུར་ནས་རྒྱ་མཚོ་དང་།
D287.071.0181b04.01རིའི་རིགས་དང་གླིང་གི་རིགས་སུ་གྱུར་པ་གཞན་དག་ཀྱང་ཡོད་དམ་ཞེ་ན། དེས་ཐོས་པ་ལས་བྱུང་བའི་ཤེས་རབ་ཀྱིས་སམ་ལྷའི་མིག་གིས་མཐོང་བར་གྱུར་པ། རྒྱ་མཚོ་པུ་ཌིས་གཡོགས་པ་ཞེས་བྱ་བ་དཔག་ཚད་སྟོང་ཕྲག་བཅུ་པ་སྟེ། དེ་ན་རླུང་གིས་རླབས་རྣམས་ནི་མི་བྱེད་དོ། །
D287.071.0181b05.01པད་མའི་འདབ་མའི་ཚོགས་རྣམས་ལྡན་པ་ཡིན་ནོ། །རྒྱ་མཚོ་ཆེན་པོ་འདི་ལས་འདས་པར་གྱུར་ནས་རྒྱ་མཚོའི་གླིང་དཔག་ཚད་ལྔ་བརྒྱ་པ་ཡོད་དོ། །དེ་ལ་ནི་སྲིན་མོ་རྣམས་རབ་ཏུ་གནས་པ་ཡིན་ཏེ། ཟས་སུ་ཉ་ཟ་བར་བྱེད་པ་འཇིགས་པའི་གཟུགས་ཅན་རྣམས་ཡིན་ནོ། །
D287.071.0181b06.01དེ་ལས་རྒལ་བར་གྱུར་ནས་དབང་ཆེན་གྱི་རི་ཡིན་ཏེ། རྒྱར་ནི་དཔག་ཚད་བཞི་བཅུ་པར་གྱུར་པ་འཕང་དུ་དཔག་ཚད་བཅུ་པ་ལ་ཏ་ལ་དང་། ཤཱ་ལིའི་ཕྲེང་བ་དང་ལྡན་པར་གྱུར་པའོ། །དེ་ལ་ལྷ་མ་ཡིན་རྣམས་ཀླུའི་བུ་མོ་དང་རྩེ་བར་བྱེད་དེ་ཀླུ་དང་ལྷན་ཅིག་ཏུ་འཇུག་ངོགས་དང་ཉེ་བའི་
D287.071.0181b07.01