完整藏文原文 · 德格版页 当前仅加载第 71 函德格 94a 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་ཞུམ་པར་མི་འགྱུར་རོ། །ལས་ཀྱི་འབྲས་བུ་རྣམ་པར་སྨིན་པ་རྣམས་ཐོས་ནས་རྒུད་པས་ཞུམ་པར་མི་འགྱུར་རོ། །བྱ་བ་མ་ཡིན་པ་རྣམས་མི་བྱེད་དོ། །བརྗོད་པར་བྱ་བ་མ་ཡིན་པ་རྣམས་རྗོད་པར་ཡང་མི་བྱེད་དོ། །བསམ་པར་བྱ་བ་མ་ཡིན་པའི་བསམ་
D287.071.0094a01.01ཁྲལ་རྣམས་སེམས་པར་མི་བྱེད་དོ། །འདིའི་སེམས་ཀྱི་དཔའ་རབ་ཏུ་ཉམས་པར་ཡང་མི་འགྱུར་རོ། །འདི་ནི་དམ་པའི་ཆོས་བསྒྲགས་པའི་ཡོན་ཏན་བདུན་པ་ཡིན་ནོ། །གཞན་ཡང་དམ་པའི་ཆོས་བསྒྲགས་པའི་ཡོན་ཏན་བརྒྱད་པ་ནི། ཡང་གཞན་དག་ལ་ཤེས་པའམ་ཐོས་པའམ་ཚུལ་
D287.071.0094a02.01ཁྲིམས་སམ་ཤེས་རབ་བམ་ལུང་གིས་ལྷག་པ་མཐོང་བར་གྱུར་ནས་ང་རྒྱལ་དང་ལྡན་པར་མི་བྱེད་པར་དེ་དག་དང་ལྷན་ཅིག་ཏུ་ཆོས་ཀྱི་མཚན་ཉིད་ལ་རྣམ་པར་དཔྱོད་པར་བྱེད་དོ། །བཤད་པ་དེ་དང་དེ་དག་གི་དོན་རྣམ་པར་འདྲེས་པར་འགྱུར་བ་རྣམས་ཀྱང་གསལ་བར་བྱེད་དོ། །འདི་
D287.071.0094a03.01ནི་དམ་པའི་ཆོས་བསྒྲགས་པའི་ཡོན་ཏན་བརྒྱད་པ་ཡིན་ནོ། །དགེ་བའི་རྩ་བ་མ་སྐྱེས་པ་རྣམས་སྐྱེད་པར་བྱེད་དེ། གང་གི་ཕྱིར་དམ་པའི་ཆོས་བསྒྲགས་པ་ཐོས་པར་གྱུར་ནས་དགེ་བའི་རྩ་བ་མ་བསྐྲུན་པ་རྣམས་སྐྲུན་པར་བྱེད་དོ། །དམ་པའི་ཆོས་སྒྲོགས་པ་རྣམས་འདོད་པས་དགེ་
D287.071.0094a04.01བའི་རྩ་བ་རྣམས་སྐྱེད་པར་བྱེད་པ་ནི་འདི་ལྟ་སྟེ། ཞིང་གི་རྣང་ལ་ས་བོན་ཀུན་ནས་སོ་སོར་བཏབ་པར་གྱུར་པས་མྱུ་གུ་རྣམས་རབ་ཏུ་སྐྱེ་བར་ནུས་པར་འགྱུར་རོ། །དེ་ཁོ་ན་བཞིན་དུ་བརྩོན་འགྲུས་དྲག་པ་རྣམས་ཀྱི་དགེ་བའི་རྩ་བ་ཡང་ཆོས་ཉན་པ་པོ་རྣམས་ཀྱིས་ཆོས་སྒྲོགས་པར་ཕྱིན་ཞིང་
D287.071.0094a05.01ཆོས་སྨྲ་བའི་དྲུང་ནས་དགེ་བའི་རྩ་བའི་ས་བོན་རྣམས་རྣ་བའི་བུ་ག་ནས་ཞུགས་ནས་ཡིད་ཀྱི་ཞིང་རྣང་ལ་ལེགས་པར་སྐྱེའོ། །ཆོས་ཀྱི་ས་བོན་རྣ་བའི་ཞིང་རྣང་ལ་རྗེས་སུ་ཞུགས་པ་དེ་དུས་གཞན་དུ་འབྲས་བུ་རྣམ་པར་རྒྱས་པར་གྱུར་པས་དམྱལ་བ་དང་{ཡི་དགས་,ཡི་དྭགས་}དང་དུད་འགྲོའི་འགྲོ་བའི་སྡུག་བསྔལ་
D287.071.0094a06.01གྱི་མུ་གེའི་འཇིགས་པ་རྣམས་ལས་ཡོངས་སུ་སྐྱོབ་པར་བྱེད་དོ། །དེའི་ཕྱིར་དེ་དག་རྣམས་ལས་ཡོངས་སུ་བསྐྱབ་པར་བྱས་ཤིང་སྡུག་བསྔལ་དེ་དག་རྣམས་ཐམས་ཅད་ཀྱང་རབ་ཏུ་གཞོམ་པར་བྱས་ལ། ངམ་གྲོག་རྣམས་ཐམས་ཅད་ཀྱང་བཅད་ཅིང་འཇིགས་པ་རྣམས་ཐམས་ཅད་ལས་
D287.071.0094a07.01