完整藏文原文 · 德格版页 当前仅加载第 77 函德格 249a 版页；藏文 NFD、目录标记与异常页序保留在来源切片中，重复版页行以稳定序号区分。
རབ་དཔའ་མོ་ཞེས་བྱ་བ་དང་། རྣལ་འབྱོར་མ་ཆེན་མོ་སྟོབས་ཆེན་མ་ཞེས་བྱ་བ་དང་། རྣལ་འབྱོར་མ་ཆེན་མོ་འཁོར་ལོས་སྒྱུར་མ་ཞེས་བྱ་བ་དང་། རྣལ་འབྱོར་མ་ཆེན་མོ་བརྩོན་འགྲུས་ཆེན་མོ་ཞེས་བྱ་བ་དང་། དེ་ལྟ་བུ་ལ་སོགས་པ་སྣ་ཚོགས་པས་ནམ་མཁའི་ཁམས་ཀྱི་མཐར་
D369.077.0249a01.01ཐུག་པར་ཧཱུཾ་དང་ཕཊ་ཀྱི་སྒྲ་སྒྲོགས་པ། གར་སྣ་ཚོགས་བྱེད་ཅིང་རང་གི་དམ་ཚིག་དང་འཁྱུད་པ་དང་། ཙུམ་པ་ནས་སྙིང་རྗེ་ཆེན་པོའི་རོ་ཡོངས་སུ་རྫོགས་པའི་དཔའ་བོ་དང་། རྣལ་འབྱོར་མ་རྣམས་ཀྱིས་གང་བར་མཐོང་ངོ་། །མཐོང་ནས་ཞུགས་ཏེ། དཔའ་བོའི་མཆོག་རྣམས་ཀྱིས་དམ་ཚིག་རྗེས་སུ་
D369.077.0249a02.01དྲན་ནོ། །དཔལ་རྡོ་རྗེ་མཁའ་འགྲོ་དང་། མཁའ་འགྲོ་མ་རྡོ་རྗེ་ཕག་མོའི་དམ་ཚིག་གཉིས་སུ་མེད་པའི་ཡེ་ཤེས་ཡང་དག་པར་འབྱུང་ཞིང་ཤེས་རབ་ཀྱི་ཕ་རོལ་ཏུ་ཕྱིན་པ་འབྱུང་ངོ་། །དེ་ནས་བཅོམ་ལྡན་འདས་ཀྱིས་མ་མོའི་ཚོགས་ཐམས་ཅད་ཀྱི་རིགས་དང་གསང་བ་གསུངས་པ་འདི་ལྟ་སྟེ།
D369.077.0249a03.01རྡོ་རྗེ་མ་མོ་ཁྭ་གདོང་མ་ཞེས་བྱ་བ་དང་། རྡོ་རྗེ་མ་མོ་འུག་གདོང་མ་ཞེས་བྱ་བ་དང་། རྡོ་རྗེ་མ་མོ་ཁྱི་གདོང་མ་ཞེས་བྱ་བ་དང་། རྡོ་རྗེ་མ་མོ་ཕག་གདོང་མ་ཞེས་བྱ་བ་དང་། རྡོ་རྗེ་མ་མོ་གཤིན་རྗེ་བསྲེག་མ་ཞེས་བྱ་བ་དང་། རྡོ་རྗེ་མ་མོ་གཤིན་རྗེ་ཕོ་ཉ་མོ་ཞེས་བྱ་བ་དང་། རྡོ་རྗེ་མ་མོ་གཤིན་རྗེ་མཆེ་བ་
D369.077.0249a04.01མ་ཞེས་བྱ་བ་དང་། རྡོ་རྗེ་མ་མོ་གཤིན་རྗེ་འཇོམས་མ་ཞེས་བྱ་བ་དང་། འདི་ལྟ་བུའི་མ་མོའི་ཚོགས་ཀྱི་ཕྱོགས་ཐམས་ཅད་ཀྱིས་ནམ་མཁའི་ཁམས་ཐམས་ཅད་གང་སྟེ། རིགས་ཀྱི་བདག་པོ་རྣམ་པར་དག་པ་ཆོས་ཀྱི་དབྱིངས་ཀྱི་རང་བཞིན་གཉིས་སུ་མེད་པའི་ཡེ་ཤེས་འབྱུང་བ་དཔལ་ཧེ་རུ་ཀ་ཤེས་
D369.077.0249a05.01རབ་ཀྱི་ཕ་རོལ་ཏུ་ཕྱིན་པའི་བདག་ཉིད་དམ་ཚིག་ཆེན་པོ་རྡོ་རྗེ་རིགས་ཀྱི་དམ་ཚིག་ཡིན་ཏེ། ཆོས་རྣམས་ཐམས་ཅད་དངོས་པོ་མེད། །མཚན་ཉིད་ཐམས་ཅད་རྣམ་སྤངས་པ། །བདག་མེད་ཆོས་ལས་ཡང་དག་འབྱུང་། །འདི་ནི་དམ་ཚིག་མཆོག་ཡིན་ནོ། །དེ་ནས་བཅོམ་ལྡན་འདས་ཀྱིས་
D369.077.0249a06.01གཉིས་སུ་མེད་པའི་རྡོ་རྗེ་གོ་ཆ་ཞེས་བྱ་བའི་རྡོ་རྗེ་དམ་ཚིག་གསུངས་པ་འདི་ལྟ་སྟེ། རྣལ་འབྱོར་གྱི་དབང་ཕྱུག་ཆེན་པོ་རྡོ་རྗེ་སེམས་དཔའ་དང་། རྣལ་འབྱོར་གྱི་དབང་ཕྱུག་ཆེན་པོ་རྣམ་པར་སྣང་མཛད་རྡོ་རྗེ་དང་། རྣལ་འབྱོར་གྱི་དབང་ཕྱུག་ཆེན་པོ་པདྨ་གར་གྱི་དབང་ཕྱུག་དང་། རྣལ་འབྱོར་
D369.077.0249a07.01