完整藏文原文 · 德格版页 当前仅加载第 77 函德格 305a 版页；藏文 NFD、目录标记与异常页序保留在来源切片中，重复版页行以稳定序号区分。
སྟེ། །གཉིས་པ་སངས་རྒྱས་མཁའ་འགྲོ་ཡིན། །གསུམ་པ་རིན་ཆེན་མཁའ་འགྲོ་སྟེ། །བཞི་པ་པདྨའི་མཁའ་འགྲོ་ཡིན། །ལྔ་པ་སྣ་ཚོགས་མཁའ་འགྲོ་སྟེ། དྲུག་པ་རྡོ་རྗེ་སེམས་དཔའ་ཡིན། །ལྔ་པོ་ཧེ་རུ་ཀར་ཤེས་བྱ། །རྡོ་རྗེ་དཔའ་བོ་ཡང་དེ་ཉིད། །
D369.077.0305a01.01ནམ་མཁའི་ཟས་ཀྱིས་ལོངས་སྤྱོད་ཅིང་། །བཟླ་བའི་ཟས་ཀྱིས་ལོངས་ཀྱང་སྤྱད། །སྤྲུལ་པའི་ལོངས་སྤྱོད་ནམ་མཁའ་སྟེ། །པདྨའི་ཟས་ཀྱིས་ལོངས་སྤྱོད་ཅིང་། །སྣ་ཚོགས་ལོངས་སྤྱོད་སྤྲུལ་པ་སྟེ། །སྣ་ཚོགས་རིགས་ཀྱི་མཆོག་དམ་པ། །མཁའ་མཉམ་དྲི་མེད་རྣམ་པར་དག །
D369.077.0305a02.01གངས་ཀྱི་རང་བཞིན་ལྟ་བུར་བསིལ། །དག་པའི་མདོག་ཅན་མཆོག་གི་མདོག །ཟླ་བའི་ཟེར་དང་འདྲ་བའི་མདོག །སྤྱན་གསུམ་སྐལ་བ་སྣ་ཚོགས་བཟང་། །སྣ་ཚོགས་པདྨའི་གདན་ལ་བཞུགས། །ཟླ་བ་ཉི་མའི་དབུས་ན་གནས། །རྡོ་རྗེ་སྐྱིལ་མོ་ཀྲུང་དུ་བཞུགས། །ཐམས་
D369.077.0305a03.01ཅད་རལ་པའི་ཅོད་པན་ཅན། །ཐོད་པའི་ཕྲེང་བའང་དེ་བཞིན་ཏེ། །ཕྱག་རྒྱ་དྲུག་ནི་ཐམས་ཅད་རྒྱ། །རང་གི་གདན་ལ་ལེགས་པར་བཞུགས། །གླང་པོ་སེང་གེ་རྟ་དང་ནི། །རྨ་བྱ་དང་ནི་ནམ་མཁའ་ལྡིང་། །དེ་ཡི་སྟེང་དུ་{ཡི་དགས་,ཡི་དྭགས་}གདན། །བསྒོམས་ན་དངོས་གྲུབ་རབ་ཏུ་སྩོལ། །
D369.077.0305a04.01རྡོ་རྗེ་ལག་གིས་ས་ལ་རེག །རྡོ་རྗེ་དྲིལ་བུ་དཀུར་བསྟེན་ཅིང་། །ཞལ་གྱི་མཆུ་ནི་རྣམ་པར་སྒྱུར། །འཁོར་ལོ་དྲིལ་བུ་འགྱིང་དང་བཅས། །རིན་ཆེན་དྲིལ་བུའང་དེ་བཞིན་ཏེ། །པདྨའི་དྲིལ་བུའི་རིམ་པ་དང་། །དྲིལ་བུ་སྣ་ཚོགས་རྡོ་རྗེ་ཉིད། །ཐམས་ཅད་སྙེམས་པར་རྣམ་བསྒོམས་
D369.077.0305a05.01ཏེ། །རིགས་ཀྱི་རྡོ་རྗེ་མཆོག་དམ་པ། །དཀྱིལ་འཁོར་དྲུག་ནི་བྲི་བར་བྱ། །སྒོ་བཞི་དང་ནི་ཡང་དག་ལྡན། །རྡོ་རྗེ་འཁོར་ལོས་བསྐོར་བ་སྟེ། །རིན་ཆེན་པདྨས་དེ་བཞིན་བསྐོར། །སྣ་ཚོགས་རྡོ་རྗེས་བསྐོར་བ་སྟེ། །དབུས་སུ་རྡོ་རྗེས་བསྐོར་བར་བྱ། །ཕྱི་རོལ་དཀྱིལ་འཁོར་
D369.077.0305a06.01བྲི་བ་ནི། །ཁང་པ་བརྩེགས་པ་ཡིད་འོང་མཆོག །རིགས་དྲུག་དག་ནི་རྣམ་པར་དགོད། །དེར་ནི་གནས་སོགས་རིམ་པ་དགོད། །དཀྱིལ་འཁོར་དབུས་སུ་དགོད་པ་ནི། །རྡོ་རྗེ་སེམས་དཔའ་བདེ་བ་ཆེ། །དེ་ཡི་ཤར་ཕྱོགས་ཀྱི་སྒོ་ལ། །པུལླཱི་ར་མ་ཡ་ན་ཐོད་པའི་དུམ་བུ་
D369.077.0305a07.01