完整藏文原文 · 德格版页 当前仅加载第 77 函德格 303a 版页；藏文 NFD、目录标记与异常页序保留在来源切片中，重复版页行以稳定序号区分。
པའོ། །ཊཾ་ཊཾ་དག་ནི་གདུག་པའོ། །གཱུཾ་གཱུཾ་དག་ནི་མེ་ཏོག་གོ། །གཾ་གཾ་ནི་དྲིའོ། །རཾ་རཾ་ནི་གསང་བའོ། །འདི་དག་ཇི་ལྟའི་རིམ་པ་ཡིས། །ཞི་བ་ལ་སོགས་ཆོ་ག་ཡི། །རིམ་པ་འདི་ལ་རྗེས་སུ་གནས། །མངོན་པར་བརྗོད་པའི་རྒྱུད་བླ་མའི་བླ་མ་ལས་འཆི་
D369.077.0303a01.01བ་སློང་བར་བྱེད་པའི་ལས་ཐམས་ཅད་བྱེད་པ་སྒོམ་པ་བསྟན་པ་སྟེ་ལེའུ་ཉི་ཤུ་རྩ་གཉིས་པའོ།། །།དེ་ནས་གཞན་གསང་བཤད་བྱ་བ། །སྔགས་ཀྱི་དེ་ཉིད་ཆོ་གའི་རིམ། །རྡོ་རྗེ་སྙིང་པོས་བཤད་པ་སྟེ། །གསང་བ་ཀུན་གྱི་མཆོག་ཏུ་བཤད། །རྣལ་འབྱོར་མ་ཡི་བདེ་བ་
D369.077.0303a02.01མཆོག །རྣལ་འབྱོར་མ་ཡི་བརྒྱུད་པའི་རིམ། །གསང་ཞིང་གསང་ལ་མཆོག་ཏུ་གསང་། །བསྐྱེད་པའི་རིམ་པའི་སྦྱོར་བ་ཡིས། །བསམ་གཏན་བསྒོམ་པའི་མཆོག་ཡིན་ཏེ། །བདག་ཉིད་ཧེ་རུ་ཀར་བྱས་ནས། །མཁའ་འགྲོ་མས་ནི་ཡོངས་སུ་ཁྱབ། །སྐུ་ལུས་དམར་པོ་
D369.077.0303a03.01འཇིགས་པ་ཆེ། །ཡེ་ཤེས་ལྔ་ལས་ངེས་བྱུང་བ། །དམར་ཞིང་སྔོ་ལ་ལྗང་བ་དང་། །སེར་ཞིང་ཞི་ལ་སྟེང་ཞལ་དཀར། །སྤྱན་གསུམ་པ་ལ་ཕྱག་བཅུ་གཉིས། །གཡས་བརྐྱང་བ་ཡི་ཞབས་ཀྱིས་བཞུགས། །འཇིགས་བྱེད་ཆེ་དང་དུས་མཚན་དག །སྐྱབས་སུ་འོངས་ནས་
D369.077.0303a04.01ཞབས་འོག་གནོན། །ཕྱག་རྒྱ་དྲུག་དང་ཟླ་བ་ཕྱེད། །སྣ་ཚོགས་རྡོ་རྗེ་རལ་པ་འཆང་། །གླང་པོའི་པགས་པ་གོས་སུ་མནབས། །རྡོ་རྗེ་དྲིལ་བུ་མཉམ་པར་ལྡན། །རལ་གྲི་མདུང་ནི་འཇིགས་པའི་མཆོག །ཐོད་པ་དང་ནི་ཁ་ཊྭཱཾ་འཛིན། །ཞགས་པ་ལྕགས་ཀྱུ་འཆང་བའི་
D369.077.0303a05.01མཆོག །ཅང་ཏེའུ་ཚངས་པའི་མགོ་བོ་དང་། །མགོ་བོའི་ཕྲེང་བས་རྣམ་པར་བརྒྱན། །ཐོད་པའི་ཕྲེང་བའི་དབུ་རྒྱན་ཅན། །སངས་རྒྱས་ལྔ་ཡིས་རྣམ་པར་བརྒྱན། །དེ་མདུན་རྡོ་རྗེ་ཕག་མོ་ནི། །དེ་ཡི་མདོག་དང་ཕྱག་མཚན་འཛིན། །ཞགས་པ་ལྕགས་ཀྱུ་འཆང་བའི་མཆོག །
D369.077.0303a06.01ཅང་ཏེའུ་ཚངས་པའི་མགོ་བོ་དང་། །མགོ་བོའི་ཕྲེང་བས་རྣམ་པར་བརྒྱན། །བྱིན་པ་གཉིས་ཀྱིས་ལེགས་པར་འཁྲིལ། །གཉིས་མེད་སྦྱོར་བ་མཉམ་ལྡན་པ། །ཕྱག་རྒྱ་ལྔ་ཡིས་རྣམ་པར་བརྒྱན། །ཀྵཿཡི་ཡེ་ཤེས་ལས་བྱུང་བ། །དེ་ཡི་སྐུ་དང་ཞལ་ཕྱག་མཚན། །ཟླ་བའི་
D369.077.0303a07.01