完整藏文原文 · 德格版页 当前仅加载第 77 函德格 333a 版页；藏文 NFD、目录标记与异常页序保留在来源切片中，重复版页行以稳定序号区分。
ཀུན་ལ་ཉེ་བར་སྤྱད་བྱ་ཞིང་། །བཟའ་མིན་པར་ནི་མི་བརྟག་གོ། །འདི་ཉིད་དུ་ནི་དེ་དབྱེར་མེད། །ཕོ་ཉ་མོ་ཡི་སྒྲུབ་པ་ཉིད། །དངོས་གྲུབ་ཆོ་ག་ལ་སྤྱོད་ཚེ། །ཕོ་ཉ་གཅིག་པུ་ཁོ་ན་ཡིན། །བྱང་ཆུབ་ཕྱོགས་ཀྱི་དངོས་གྲུབ་ནི། །སྒྲུབ་པ་དག་དང་ཉེ་བ་དང་། །བླ་
D369.077.0333a01.01མ་བརྒྱུད་རིམ་གྱིས་ཐོབ་པའི། །དབང་བསྐུར་བས་ནི་སྔགས་ལེགས་ལྡན། །ཕོ་ཉ་རྣམས་སུ་ཡང་དག་བཤད། །ཕྱག་རྒྱ་ལེགས་སྦྱོར་དང་ཚུལ་དང་། །ཆགས་མེད་གཏོང་དང་ཚུལ་ཁྲིམས་དང་། །ཡེ་ཤེས་རྒྱུ་སྐྱེས་ཡང་དག་རྫོགས། །སེམས་ཀྱི་བདག་ཉིད་ནང་པར་ལངས། །
D369.077.0333a02.01ལུས་ཀྱི་བྱ་བ་ཀུན་བྱས་ཏེ། །ལུས་ལ་ཤིན་ཏུ་མཚོན་ཆ་ནི། །ལུས་ལ་གནས་པར་ཀུན་ཏུ་སྤྱད། །དག་བྱེད་བྱས་པའི་ལུས་ཀྱིས་ནི། །རྟག་ཏུ་སྔགས་ནི་བརྗོད་པར་བྱ། །རྣལ་འབྱོར་གནས་རྣམས་ངེས་བསྟན་ཅིང་། །མཚོན་ཆ་རྣམས་ནི་འགོམ་མི་བྱ། །དམ་ཚིག་ཅན་ལ་
D369.077.0333a03.01ཁྲོ་མི་བྱ། །མངོན་པར་བརྩོན་ལས་འདའ་མི་བྱ། །དེ་དང་ལྷན་ཅིག་བདེ་བར་བྱ། །བདག་གི་དོན་དང་གཞན་དོན་དུ། །དམ་ཚིག་སྤྱོད་པ་ཉིད་དུ་བྱ། །འདི་ལ་ལྷན་ཅིག་ལོངས་སྤྱོད་བྱ། །མཚན་མོ་རྟག་པར་ནམ་མཁའི་གོས། །གནག་དང་དམར་བར་རྟག་འགྱུར་བྱ། །
D369.077.0333a04.01སྲོག་ཆགས་ཡན་ལག་ལས་བྱུང་གྱོན། །བདེ་བ་འདོད་པས་བདེ་ཐོབ་འགྱུར། །མཆོད་ཕྱིར་ཐོགས་ནི་ཡོངས་སྤང་གཙང་། །ཤྲཱི་ཧེ་རུ་ཀས་བྱིན་བརླབས་པས། །ཕྱག་རྒྱ་ལྔ་དང་ཡང་དག་ལྡན། །དུས་ཀུན་ཏུ་ནི་ཡང་དག་ལྡན། །རིགས་དང་རིགས་མིན་ངོར་མི་བལྟ། །སྤྱི་གཙུག་
D369.077.0333a05.01ལ་སོགས་བཅིང་པ་སྤང་། །ཕོ་ཉ་གཙང་སྦྲ་དང་པོ་ཡིན། །གཉིས་པ་སྦྱོར་བ་ཡིན་པར་འདོད། །ཟས་གཅིག་ཏུ་ནི་ཟ་བ་ཉིད། །གཙང་སྦྲ་གསུམ་པ་ཡིན་པར་བཤད། །གཙང་སྦྲ་འདི་དག་རབ་སྦྱངས་པས། །གཙང་མའི་དག་པའི་རིམ་ཐོབ་ན། །དངོས་གྲུབ་གང་ལས་
D369.077.0333a06.01འབྱུང་མི་འགྱུར། །དེ་ཉིད་བསྡུས་ལས་གང་གསུངས་དང་། །དེ་བཞིན་བདེ་མཆོག་ལས་གང་གསུངས། །གསང་བའི་རྒྱུད་ལས་ཡང་དག་བཤད། །དེ་བཞིན་དཔལ་མཆོག་དང་པོ་དང་། །རྡོ་རྗེ་འཇིགས་བྱེད་ཉིད་ལས་གསུངས། །བཟླས་དང་བརྟུལ་ཞུགས་སོགས་པ་འགྲུབ། །
D369.077.0333a07.01