完整藏文原文 · 德格版页 当前仅加载第 77 函德格 342a 版页；藏文 NFD、目录标记与异常页序保留在来源切片中，重复版页行以稳定序号区分。
ཞལ་དང་གཟུགས་སུ་གནས། །ལྷ་མོ་མདའ་དང་གཞུ་འཛིན་ཅིང་། །ཚངས་པའི་པགས་པ་རྣམ་པར་སྤངས། །སྣ་ཚོགས་པདྨའི་སྟེང་དུ་ནི། །ཟླ་བ་ཉི་མའི་དབུས་སུ་བཞུགས། །འཁོར་ལོ་བརྒྱད་པའི་དབུས་བཞུགས་པར། །ཕྱི་ཡི་དཀྱིལ་འཁོར་རྣམ་པར་
D369.077.0342a01.01བསྒོམ། །པདྨའི་ལྟེ་བའི་དབུས་སུ་ནི། །བཅོམ་ལྡན་འདས་ནི་ངེས་པར་དགོད། །ཨོྃ་ནི་ཤར་གྱི་འདབ་མ་ལ། །གསལ་བྱེད་མཁའ་འགྲོ་མ་ཡང་དགོད། །བ་ནི་བྱང་གི་འདབ་ལ་སྟེ། །རྟ་གདོང་མཁའ་འགྲོ་མ་ཡང་དགོད། །ཛྲ་ནི་རྡོ་རྗེ་དྲག་མོ་སྟེ། །མཁའ་འགྲོ་ནུབ་ཏུ་དགོད་
D369.077.0342a02.01པར་བྱ། །ཧེ་རུ་ལྷོ་ཕྱོགས་འདབ་ལ་དགོད། །གསེར་གྱི་མདོག་ཅན་མཁའ་འགྲོ་མ། །སེར་དང་སྔོ་བསངས་དཀར་དང་དམར། །ཞལ་གསུམ་རྣམ་སྒྱུར་དྲག་པོ་སྟེ། །ཕྱོགས་ཀྱི་གོས་ཅན་སྐྲ་གྲོལ་བ། །རོ་ཡི་སྟེང་དུ་བཞུགས་པ་སྟེ། །གཡས་བརྐྱང་བ་ཡིས་བདུད་བཞི་འཇོམས། །
D369.077.0342a03.01ཐོད་པའི་ཕྲེང་བ་དྲག་པོ་སྟེ། །པདྨ་སྦོམ་པོའི་འདབ་མ་ལ། །ཆགས་པའི་སྤྱན་གྱིས་གཟིགས་ཤིང་བཞེད། །ཐུགས་རྗེའི་ཉམས་ཀྱིས་བདེ་བ་ཡིན། །མདའ་དང་གཞུ་ཡང་འཆང་བ་སྟེ། །ཞགས་པ་ལྕགས་ཀྱུ་འཛིན་པའི་མཆོག །ཐོད་པ་དང་ནི་ཁ་ཊྭཱཾ་བསྣམས། །ཅང་ཏེའུ་ནི་
D369.077.0342a04.01སྒྲ་ཡང་སྒྲོགས། །སེར་དང་ལྗང་གུ་སྔོ་བ་དང་། །སྔོ་བསངས་དམར་དང་དཀར་བ་དང་། །དཀར་དང་ལྗང་གུ་སྔོ་བ་དང་། །དམར་དང་སྔོ་དང་ལྗང་བ་སྟེ། །འདི་ལྟར་མདོག་ནི་ཁྱད་པར་གྱིས། །དམ་ཚིག་མཆོག་ནི་བསྒོམ་པར་བྱ། །མཚམས་བཞི་རུ་ནི་བུམ་པ་དག །བྱང་ཆུབ་
D369.077.0342a05.01སེམས་ཀྱིས་གང་བར་བཞག །ཤར་གྱི་ཕྱོགས་སུ་ཧེ་ཡིན་ཏེ། །མིང་ནི་ཧེ་ལི་ཀ་ཞེས་བྱ། །བྱང་གི་ཕྱོགས་སུ་རུ་ཡིན་ཏེ། །མཁའ་འགྲོ་མ་ནི་རུ་ཙ་ཀཱི། །ནུབ་ཀྱི་ཕྱོགས་སུ་རུ་ཡིན་ཏེ། །རུ་ཙ་ཀ་མ་ལཱི་ཞེས་བྱ། །ལྷོ་ཡི་ཕྱོགས་སུ་ཀ་ཡིན་ཏེ། །ཀེང་རུས་མ་ཞེས་གྲགས་པ་
D369.077.0342a06.01ཡིན། །མེ་ཡི་ཕྱོགས་སུ་ཧཱུྃ་མཛད་མ། །བདེན་བྲལ་ཕྱོགས་སུ་ཕཊ་མཛད་མ། །རླུང་གི་ཕྱོགས་སུ་ཌ་མ་རི། །དབང་ལྡན་ཀི་ལི་ཀི་ལ་སྟེ། །དེ་བརྒྱད་ལྷ་མོ་ཆེན་མོ་སྟེ། །དངོས་གྲུབ་ཐམས་ཅད་རབ་ཏུ་སྩོལ། །ཇི་ལྟར་ཞལ་དང་གཟུགས་བཞིན་དུ། །དེ་བཞིན་འདིར་ཡང་འགྱུར་
D369.077.0342a07.01