完整藏文原文 · 德格版页 当前仅加载第 77 函德格 277b 版页；藏文 NFD、目录标记与异常页序保留在来源切片中，重复版页行以稳定序号区分。
འཇོམས་མའི་བར་ནི་གར་བྱེད་པའི་དབང་ཕྱུག་མ་སྟེ། ཞལ་གསུམ་པ། ཕྱག་དྲུག་པ། སྤྱན་གསུམ་པ། གཡས་བརྐྱང་བས་གནས་པ། ཕྱོགས་ཀྱི་གོས་ཅན། སྐྲ་གྲོལ་བ། སྣ་ཚོགས་པདྨ་དང་{ཡི་དགས་,ཡི་དྭགས་}གནོན་པ། ཕྱག་རྒྱ་ལྔས་བྱིན་གྱིས་བརླབས་པ། ཐོད་པ་དང་ཁ་ཊྭཱཾ་ག་འཛིན་པ།
D369.077.0277b01.01མགོ་བོ་དང་གྲི་གུག་བསྣམས་པ་ཅང་ཏེའུ་དང་རྡོ་རྗེ་དང་མདུང་འཛིན་པ་མཆེ་བ་རྣམ་པར་གཙིགས་པ། འཇིགས་སུ་རུང་བ། ཐམས་ཅད་ཀྱང་མི་མགོའི་ཐོད་པའི་ཕྲེང་བ་རྒྱན་དུ་འཆང་བ། ཐོད་པའི་ཕྲེང་བའི་དབུ་རྒྱན་ཅན། །རྡོ་རྗེ་སེམས་དཔའི་དབུ་རྒྱན་ཅན། །ཅོད་པན་རྡོ་རྗེའི་ཕྲེང་བས་བྱས། །
D369.077.0277b02.01རྡོ་རྗེ་ལས་བྱས་རྒྱན་ཅན་ཏེ། །སྣ་ཚོགས་རྡོ་རྗེ་ཟླ་ཕྱེད་ཀྱིས། །དབུ་ལ་མནན་ཅིང་བརྒྱན་པ་ཡིན། །ཅི་ལྟར་བཅོམ་ལྡན་མདོག་བཞིན་དུ། །རྡོ་རྗེ་ཕག་མོའི་ཞལ་མདོག་ཕྱག །ཕྱག་རྒྱ་འདུག་སྟངས་ལས་ཀྱང་དེ། །གཅེར་བུ་སྐྲ་ནི་གྲོལ་བ་སྟེ། །དུམ་བུའི་སྐ་རགས་རྒྱན་ཅན་ཏེ། །འོན་ཀྱང་རྡོ་
D369.077.0277b03.01རྗེ་ཕག་མོ་ཡི། །སྟེང་གི་ཞལ་གདོང་དཀར་པོ་སྟེ། །མཆེ་བ་རྣམ་པར་གཙིགས་པའོ། །ཇི་ལྟར་གནས་ཀྱི་རིམ་པ་དག །འབུམ་པ་མངོན་བརྗོད་རིམ་པ་ལས། །རྣལ་འབྱོར་མ་ཡི་དཀྱིལ་འཁོར་གྱི། །ལེའུ་རྡོ་རྗེ་སེམས་དཔས་བཤད། །གཞན་དུ་རྡོ་རྗེ་མཁའ་འགྲོ་དང་། །མངོན་
D369.077.0277b04.01བརྗོད་རྒྱུད་ཀྱི་དང་པོ་ཡི། །ལེའུ་ལ་ངེས་པར་འགལ་བ་མེད། །སྙེམས་པའི་དཀྱིལ་འཁོར་གྱི་ནི་ཆོ་ག་སྟེ། །ལྔ་པོ་ལྔ་པའི་བདག་ཉིད་སྦྱོར་ཆེན་པོ། །སྡོམ་པའི་ཆོ་ག་སྦས་པ་གསང་བ་སྟེ། །མཁའ་འགྲོ་མ་ནི་མ་ལུས་ཐམས་ཅད་ཀྱི། །འདི་ལྟར་གཞན་དུ་བཀའ་ཡི་ཕྱོགས་བཞིན་
D369.077.0277b05.01དུ། །བུམ་པ་རྣམ་པ་སྣ་ཚོགས་པ། །བུམ་པ་སྣ་ཚོགས་ཆོ་ག་བཞིན། །གསེར་དང་དངུལ་ལས་བྱས་པ་སྟེ། །སྣ་ཚོགས་གོས་ཀྱིས་མཛེས་པ་དང་། །མེ་ཏོག་ཕྲེང་བས་རྣམ་པར་བརྒྱན། །འཆི་མེད་ལྔ་ཡིས་ཡོངས་སུ་བཀང་། །རྣམ་ལྔ་སྨན་དང་ཡང་དག་ལྡན། །རིན་ཆེན་ལྔ་
D369.077.0277b06.01དང་བཅས་པ་དང་། །འབྲུ་ལྔ་དག་གིས་རྣམ་པར་མཛེས། །དཀྱིལ་འཁོར་ཕྱོགས་དང་མཚམས་རྣམས་སུ། །བུམ་པ་བཅུ་དྲུག་བཞག་ནས་ཀྱང་། །མཁའ་འགྲོ་མ་ནི་སྣ་ཚོགས་མཆོད། །གླུ་དང་གར་དང་བདེ་བ་ཆེ། །ཕྱོགས་ཀྱི་གོས་ཅན་སྐྲ་གྲོལ་བ། །སྣ་ཚོགས་རོལ་མོའི་
D369.077.0277b07.01