完整藏文原文 · 德格版页 当前仅加载第 77 函德格 308b 版页；藏文 NFD、目录标记与异常页序保留在来源切片中，重复版页行以稳定序号区分。
ལྷོ་རུ་རྫ་རྔའི་སྟངས་སྟབས་ཏེ། །སྔོ་དང་སེར་དང་དམར་ལྗང་གུ། །མེ་སོགས་རྡོ་རྗེ་བཞད་མ་སྟེ། །རྡོ་རྗེ་སྒེག་མ་རྡོ་རྗེ་གླུ། །རྡོ་རྗེ་གར་ཏེ་དམར་བ་དང་། །སྔོ་དང་སེར་དང་ལྗང་གུའོ། །དེ་དག་ཞལ་གཅིག་ཕྱག་བཞི་པ། །གཅེར་བུ་དབུ་སྐྲ་གྲོལ་བ་དང་། །ཐོད་པ་ཡི་ནི་ཕྲེང་
D369.077.0308b01.01བ་ཅན། །སྤྱན་གསུམ་པ་ལ་ཡིད་འོང་བ། །ཐོད་པ་དང་ནི་ཁ་ཊྭཱཾ་འཛིན། །ཚམ་ངམ་ལག་པའི་སྟངས་སྟབས་ཀྱིས། །རྡོ་རྗེ་དྲིལ་བུ་སྟངས་སྟབས་ཅན། །མཁྲིག་མ་མཉམ་པར་བྱས་ནས་ནི། །པདྨ་བསྐོར་བའི་སྟངས་སྟབས་ཅན། །ཞིང་དང་ཉེ་བའི་ཞིང་དང་ནི། །ཚནྡོ་དང་ནི་
D369.077.0308b02.01ཚནྡོ་ཧ། །དེ་དག་འོད་དཔག་མེད་དབུ་བརྒྱན། །སྐུ་ཡི་འཁོར་ལོའི་ཤར་དུ་ནི། །མེ་ཏོག་མ་བྱང་བདུག་པ་མ། །ནུབ་ཏུ་མར་མེ་ལྷོ་རུ་དྲི། །སེར་དང་དུད་ཁ་དམར་དཀར་པོ། །མེ་ལོང་རོ་དང་རེག་བྱ་ཆོས། །མེ་ཕྱོགས་ལ་སོགས་མཚམས་སུ་སྟེ། །ཟླ་བའི་མདོག་ཅན་དམར་
D369.077.0308b03.01ལྗང་དཀར། །དེ་དག་སྤྱན་ནི་གསུམ་པ་སྟེ། །གཅེར་བུ་དབུ་སྐྲ་གྲོལ་བ་དང་། །ཞབས་ཀྱིས་ཀུན་ཏུ་གར་བྱེད་ཅིང་། །ཕྱག་ཏུ་མཆོད་པ་ཐོགས་ནས་ནི། །ཐོད་པ་ཁ་ཊྭཱཾ་ག་འཛིན་ཅིང་། །ཅང་ཏེའུ་ནི་ཕྱག་ན་བསྣམས། །ཐོད་པ་ཡི་ནི་ཕྲེང་བ་ཅན། །ལྷ་མོ་དེ་དག་འདུ་ས་དང་། །ཉེ་
D369.077.0308b04.01བའི་འདུ་ས་དུར་ཁྲོད་དང་། །ཉེ་བའི་དུར་ཁྲོད་དག་ཡིན་ཏེ། །རྣམ་པར་སྣང་མཛད་དབུ་རྒྱན་བྱས། །སྒོ་རྣམས་རྡོ་རྗེ་ལྕགས་ཀྱུ་དང་། །རྡོ་རྗེ་ཞགས་པ་རྡོ་རྗེ་སྒྲོག །རྡོ་རྗེ་དྲིལ་བུ་དེ་བཞིན་ཏེ། །སྔོ་དང་ལྗང་དང་དམར་དང་སེར། །ཤར་དང་བྱང་དང་ནུབ་དང་ནི། །ལྷོ་ཡི་ཕྱོགས་ཀྱང་དེ་བཞིན་ནོ། །
D369.077.0308b05.01མེ་ལ་སོགས་པའི་མཚམས་སུ་ནི། །གཤིན་རྗེ་སྲེག་ལ་སོགས་པ་དག །དམར་དང་སྔོ་དང་དུད་ཁ་སེར། །ཐོད་པ་དང་ནི་ཁ་ཊྭཱཾ་ག །རང་གི་མཚན་མ་ཅང་ཏེའུ་དང་། །གྲི་གུག་དང་ནི་མགོ་བོ་འཆང་། །སྤྱན་གསུམ་དབུ་སྐྲ་གྲོལ་བ་སྟེ། །གཅེར་བུ་གར་གྱིས་གནས་པས་བཞུགས། །
D369.077.0308b06.01ཐམས་ཅད་ཕྱག་རྒྱ་ལྔ་ཡིས་བརྒྱན། །ཐོད་པ་ཡི་ནི་ཕྲེང་བ་ཅན། །རང་གི་རིགས་ཀྱི་ཅོད་པན་ཅན། །ཇི་ལྟའི་རིམ་པས་རྗེས་སུ་གནས། །དེ་ཡི་སྙིང་གར་ཡེ་ཤེས་སེམས། །སྐུ་གསུང་ཐུགས་ཀྱི་འཁོར་ལོ་གསུམ། །གཙོ་བོའི་བདག་པོ་བསྒོམ་པར་བྱ། །དཀར་དང་དམར་དང་སྔོ་བ་ཡི། །
D369.077.0308b07.01