完整藏文原文 · 德格版页 当前仅加载第 77 函德格 293b 版页；藏文 NFD、目录标记与异常页序保留在来源切片中，重复版页行以稳定序号区分。
བའི་དབུ་རྒྱན་ཅན། །སྐྱིལ་ཀྲུང་ཕྱེད་པས་གར་དང་བཅས། །དཔའ་བོ་གཡས་བརྐྱང་གནས་པ་སྟེ། །མཁའ་འགྲོ་མ་ཡི་བྱིན་པས་འཁྲིལ། །གཉིས་སུ་མེད་པར་མཉམ་ལྡན་པ། །ཐུགས་རྗེ་ཆགས་པའི་བདེ་བ་ཆེ། །ཡེ་ཤེས་འཁོར་ལོ་མཉམ་ལྡན་པས། །བདེ་བའི་
D369.077.0293b01.01བདེ་བ་གཅིག་ཏུ་འགྱུར། །ཆོས་ཀྱི་རོ་ལས་ཡང་དག་འབྱུང་། །རང་མིང་ས་བོན་དང་བཅས་པ། །ཕྲེང་བའི་སྔགས་དང་མཉམ་པར་སྦྱར། །གསལ་བྱེད་མཉམ་པར་སྦྱར་ནས་སུ། །ཧཱུཾ་གཉིས་ཕཊ་དང་ཡང་དག་སྦྱར། །དཔའ་བོའི་གསང་སྔགས་ཡང་དག་སྦྱར། །
D369.077.0293b02.01རྣལ་འབྱོར་མ་ཡང་དེ་བཞིན་བཤད། །རང་གི་མིང་གི་ས་བོན་དབུས། །གསལ་བྱེད་དང་ནི་མཉམ་པར་ལྡན། །ཧུྃ་ཧཱུྃ་ཕཊ་ཀྱང་དེ་བཞིན་ཏེ། །སྔགས་པས་འདི་ལྟར་སྦྱར་བར་བྱ། །དབུས་སུ་ཁྲག་འཐུང་རྡོ་རྗེ་སྟེ། །གསང་སྔགས་འདི་ནི་མཁས་པས་བཟླ། །
D369.077.0293b03.01ཨོྃ་ཤྲཱི་བཛྲ་ཧེ་ཧེ་རུ་རུ་ཀཾ་ཧུྃ་ཧཱུྃ་ཕཊ། ཨོྃ་ཧྲཱིཿཧ་ཧ་ཧུྃ་ཧཱུྃ་ཕཊ། སྙིང་པོ་དང་ཉེ་བའི་སྙིང་པོའོ། །ཨོྃ་བཛྲ་བཱ་རཱ་ཧི་ཧུྃ་ཧཱུྃ་ཕཊ། ཨོྃ་བཛྲ་བཻ་རོ་ཙ་ནཱི་ཡེ་ཧུྃ་ཧཱུྃ་ཕཊ། ལྷ་མོའི་སྙིང་པོ་དང་ཉེ་བའི་སྙིང་པོའོ། །དུས་བཞི་དག་ཏུ་ཆོ་ག་བཞིན། །རྣལ་འབྱོར་པ་ཡིས་བཟླས་པ་བྱ། །
D369.077.0293b04.01མདུན་དུ་བ་སྤུའི་ཁུང་བུ་ལས། །ཆོས་དང་ལོངས་སྤྱོད་རྣམ་པར་སྤྲོ། །སེམས་ཅན་རྣམས་ལ་ཕན་གདགས་ཕྱིར། །ཆོས་ཀྱི་འཁོར་ལོ་བསྟང་པར་བྱ། །འགྲོ་བ་རིགས་དྲུག་གྲོལ་ནས་ནི། །བླ་མེད་གནས་སུ་འཇོག་པར་བྱེད། །སྔགས་པས་ཇི་ལྟར་འདོད་སྦྱོར་བ། །
D369.077.0293b05.01རིགས་ལྔ་རྣམས་ཀྱི་དབུས་སུ་ཡང་། །གང་གིས་རིགས་གསུམ་དབུས་ཁྱབ་པ། །ཁམས་གསུམ་གྱི་ནི་བདག་པོ་སྟེ། །སངས་རྒྱས་ཐམས་ཅད་ཡང་དག་འདུས། །སྐུ་གསུང་ཐུགས་ཀྱི་དབྱེ་བའོ། །མངོན་པར་བརྗོད་པའི་རྒྱུད་བླ་མ་ལས་ལས་དང་པོ་པའི་སྦྱོར་བའི་
D369.077.0293b06.01བསྒོམ་པ་བསྟན་པ་སྟེ་ལེའུ་བཅུ་དྲུག་པའོ།། །།རྡོ་རྗེ་སྙིང་པོས་རབ་བཤད་པ། །དངོས་གྲུབ་ཐམས་ཅད་འགྲུབ་པ་སྟེ། །ཕྱག་བཞི་པོ་ཡི་ཆོ་ག་ཡིས། །དབང་པོ་བར་མ་རྣམ་པར་བསྒོམ། །ཅིག་ཅར་སྐྱེད་པའི་སྦྱོར་བ་ཡིས། །སྒོམ་པ་དག་ནི་རྣམ་པར་བསྒོམ། །
D369.077.0293b07.01