完整藏文原文 · 德格版页 当前仅加载第 77 函德格 275b 版页；藏文 NFD、目录标记与异常页序保留在来源切片中，重复版页行以稳定序号区分。
ལི་ཧི་ལི་བཻ་རོ་ཙ་ནི་ཧུྃ་ཧཱུྃ་ཕཊ། ཨོྃ་ཙཀྲ་ཝརྟི་ནི་ཧུྃ་ཧཱུྃ་ཕཊ། ཨོྃ་དྷི་ལི་དྷི་ལི་བཛྲ་ས་ཏྭ་ཧུྃ་ཧཱུྃ་ཕཊ། ཨོྃ་མ་ཧཱ་བཱི་རྱེ་ཧུྃ་ཧཱུྃ་ཕཊ། དུང་ཆེན་ཕྲེང་བ་བླངས་ནས་ནི། །གསང་སྔགས་ཆོ་ག་བཞིན་དུ་བཟླ། །དུས་བཞིར་སྦྱོར་བ་བྱས་ནས་ནི། །བཟླས་དང་བསྒོམ་པ་རྩེ་གཅིག་བྱ། །རྣལ་འབྱོར་
D369.077.0275b01.01མྱུར་དུ་གྲུབ་ནས་ནི། །གསང་སྔགས་གྲུབ་པའི་རིམ་པ་ཡིས། །བདག་ཉིད་ཕྱག་རྒྱར་ལྡན་བྱས་ནས། །སྔགས་པས་རྟག་ཏུ་མཆོད་པར་བྱ། །སྔགས་པས་དཀྱིལ་འཁོར་ཞུགས་ནས་ནི། །སྐུ་གསུང་ཐུགས་ཀྱི་དཀྱིལ་འཁོར་བསྒོམ། །རང་གི་ལྷ་ཡི་སྦྱོར་བ་ཡིས། །དཀྱིལ་
D369.077.0275b02.01འཁོར་མཆོག་ནི་འགྲུབ་པ་ཡིན། །དཀྱིལ་འཁོར་ལྷ་ཡི་སྦྱོར་བ་ཡིས། །དངོས་གྲུབ་ཐམས་ཅད་རབ་ཏུ་སྩོལ། །མངོན་པར་བརྗོད་པའི་རྒྱུད་བླ་མའི་ཡང་བླ་མ་ལས་འཁོར་ལོ་གསུམ་གྱི་དཀྱིལ་འཁོར་གྱི་ཆོ་གའི་རིམ་པ་སྟེ་ལེའུ་བཅུ་པའོ།། །།དེ་ནས་གཞན་ཡང་
D369.077.0275b03.01བཤད་བྱ་བ། །རིགས་ཀྱི་དབྱེ་བའི་མཆོག་དམ་པ། །གནས་སོགས་སྦྱོར་བའི་རིམ་པ་ཡིས། །ཕྱོགས་ཀྱི་རིམ་པས་རྣམ་པར་དབྱེ། །ཐམས་ཅད་མཆོག་གི་སྦྱོར་ཆེན་པོ། །རྣལ་འབྱོར་དབང་ཕྱུག་རབ་ཏུ་འགྲུབ། །རྡོ་རྗེ་སྐུ་ལས་ངེས་འབྱུང་བ། །དཀྱིལ་འཁོར་དཀྱིལ་
D369.077.0275b04.01འཁོར་དམ་པའོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་དང་། ཡང་དཔའ་བོ་དང་རྣལ་འབྱོར་མ་ཐམས་ཅད་འདུས་ཤིང་འོངས་ནས་སངས་རྒྱས་བཅོམ་ལྡན་འདས་བདེ་བ་ཆེན་པོའི་བདག་པོ་རྡོ་རྗེ་འཛིན་པ་ཆེན་པོ་ལ། མིག་ཡངས་དགའ་བས་གར་
D369.077.0275b05.01བྱེད་ཅིང་། །མྱུར་བས་བསྡུས་པའི་རིམ་པ་ཡིས། །རྐང་པ་གཡས་དང་གཡོན་གྱིས་ནི། །མདུན་དུ་གོམ་སྟབས་སྤྲོས་པ་ཡིས། །འདི་ལྟར་རྣམ་སྒྱུར་ཁྲོས་པའི་སྤྱན། །སྨིན་མ་འདེགས་དང་འཁོར་བར་ལྡན། །སྐྱེ་མེད་ཕྱག་རྒྱར་འགྲོ་བ་དག །མིག་གི་ཕྱག་རྒྱས་ཕྱག་འཚལ་
D369.077.0275b06.01ཏེ། །རྡོ་རྗེ་སེམས་དཔའ་ཆེན་པོ་ལ་རྣམ་པ་དུ་མས་བསྐུལ་ནས་ཞུས་ཏེ། རྣལ་འབྱོར་མ་ཆེན་མོ་ཐམས་ཅད་དགྱེས་པའི་དཀྱིལ་འཁོར་གསུངས་པ། །བཅོམ་ལྡན་འདས་ཀྱི་དེ་ཉིད་དང་། །དཀྱིལ་འཁོར་མཆོག་ནི་མཛེས་པ་སྟེ། །དགྱེས་པ་ཆེན་པོའི་རྡོ་རྗེ་ནི། །ཐམས་ཅད་སངས་
D369.077.0275b07.01