完整藏文原文 · 德格版页 当前仅加载第 77 函德格 346b 版页；藏文 NFD、目录标记与异常页序保留在来源切片中，重复版页行以稳定序号区分。
འཁོར་ལོ་བདེན་བྲལ་ཟུར། །འཁོར་ལོ་བཞི་པོ་ཟུར་གསུམ་ལ། །ཤར་ནི་སྐུ་ཡི་མཁའ་འགྲོ་སྟེ། །རླུང་ཕྱོགས་གཤིན་རྗེའི་མཁའ་འགྲོའོ། །བདེན་བྲལ་གསུང་གི་མཁའ་འགྲོ་སྟེ། །དབུས་སུ་རྡོ་རྗེ་ཧེ་རུ་ཀ །སྔོ་ཞིང་དཀར་པོ་དུད་ཀ་དང་། །སྔོ་ཞིང་དམར་བ་བཞི་པོ་ཡིན། །
D369.077.0346b01.01རང་གི་ཕྱག་མཚན་མཉམ་པར་ལྡན། །གཞན་དུ་རང་བདག་མདོག་བཞིན་དུ། །དཔའ་བོ་འཁོར་ལོ་མདོག་དེ་བཞིན། །ཐུགས་ཀྱི་འཁོར་ལོའི་མཁའ་འགྲོ་མ། །དམར་བའི་མདོག་ཅན་རྣམ་པར་བསམ། །དཔའ་བོའི་མདོག་ནི་ནག་པོ་ལ། །གཉིས་མེད་འཁྱུད་པའི་སྦྱོར་བའོ། །
D369.077.0346b02.01སྐུ་ཡི་འཁོར་ལོའི་དཔའ་བོ་དག །སྐུ་ལུས་དཀར་པོ་རྣམ་པར་བསམ། །མཁའ་འགྲོ་མ་ནི་སེར་པོའི་མདོག །དཔའ་བོ་གཉིས་ནི་རབ་ཏུ་སྦྱོར། །ཁྭ་གདོང་གཤིན་རྗེ་བརྟན་ལ་སོགས། །གཟུགས་གཉིས་ཕྱེད་ནི་བུད་མེད་ཉིད། །རང་གི་ཐབས་དང་ལྷན་ཅིག་ཏུ། །དགྱེས་ཤིང་
D369.077.0346b03.01ཆགས་པས་རྣམ་པར་མྱོས། །གསུང་གི་འཁོར་ལོའི་དཔའ་བོ་དམར། །མཁའ་འགྲོ་མ་ནི་ལྗང་གུའོ། །སྔར་བཤད་རིམ་པའི་མཚན་མ་རྣམས། །དེ་ཡང་རིགས་ཀྱི་དབྱེ་བས་སོ། །ཐམས་ཅད་{ཡི་དགས་,ཡི་དྭགས་}གདན་ལ་བཞུགས། །མགོ་བོའི་ཕྲེང་བས་རྣམ་པར་བརྒྱན། །ཐམས་
D369.077.0346b04.01ཅད་ཕྱག་རྒྱ་ལྔ་འཆང་ཞིང་། །ཕྱག་རྒྱ་དྲུག་གི་བདག་པོ་དགོད། །ཐམས་ཅད་རང་རིགས་ཅོད་པན་ཅན། །ཇི་ལྟ་བ་ཡི་རིམ་པས་བསྒོམ། །མཁའ་འགྲོའི་དུས་ཀྱི་སྦྱོར་བ་ཡིས། །ཇི་ལྟའི་རྗེས་སུ་རྣམ་བསྒོམས་ནས། །གོ་ཆའི་གསང་སྔགས་དགོད་པར་བྱ། །སྐུ་གསུང་ཐུགས་ཀྱི་
D369.077.0346b05.01རིམ་པ་དག །སྔར་བཤད་ཆོ་གའི་སྦྱོར་བ་ཡིས། །དཔའ་བོའི་ཡན་ལག་རིམ་པ་བསྒོམ། །གསང་ཞིང་སྦ་བའི་ཞི་གནས་ནི། །མཁའ་འགྲོ་མ་ཡི་བདེ་འཁོར་ལོ། །རྟག་ཏུ་མཉམ་པར་བཞག་ནས་སུ། །སྦྱོར་བའི་མཆོག་ནི་རྟག་ཏུ་བསྒོམ། །འདི་ནི་སུ་ལའང་མི་བསྟན་ཏེ། །དེ་ཉིད་སུ་ལའང་བརྗོད་
D369.077.0346b06.01མི་བྱ། །དབང་པོ་གཉིས་ཀྱི་སྦྱོར་བ་དག །རྟག་ཏུ་བསྒོམས་ན་དངོས་གྲུབ་འགྱུར། །དམ་ཚིག་རྟག་ཏུ་བསྲུང་བྱ་ཞིང་། །བཟའ་དང་བཅའ་བའང་སྤྱད་པར་བྱ། །འགྲོ་ཞིང་འགྲོ་ཞིང་དུས་ཀུན་དུ། །འཆར་ནུབ་དག་ཏུ་རྣམ་པར་སྦྱང་། །གང་ཞིག་ཡེ་ཤེས་འདི་ཉན་པ། །སྔགས་པས་མྱུར་དུ་འགྲུབ་པར་འགྱུར། །
D369.077.0346b07.01