完整藏文原文 · 德格版页 当前仅加载第 77 函德格 333b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་འདིར་བསམ་གཏན་ཙམ་གྱིས་ནི། །སྔགས་པས་སྐད་ཅིག་གིས་འགྲུབ་འགྱུར། །རྣལ་འབྱོར་ལམ་ལ་དགའ་བས་ཀྱང་། །གཙང་སྦྲ་འདི་ནི་ཡང་དག་སྤྱད། །གསོད་ནམས་གཙང་སྦྲ་ལས་བྱུང་གང་། །སྒྲུབ་པའི་ཡོན་ཏན་རྒྱ་ཆེན་པོ། །སྟོང་ཕྲག་གཅིག་པའི་ཞལ་མིན་པར། །
D369.077.0333b01.01ཁ་གཅིག་གིས་ནི་བརྗོད་མི་ནུས། །དཔལ་ལྡན་ཁྲག་འཐུང་ཡེ་ཤེས་ཆེ། །རྣམ་དག་མཚན་ཉིད་ཀུན་སྒྲུབ་པ། །བདེ་བའི་བསོད་ནམས་ཆུ་འཐུང་པ། །དག་བྱེད་སྡིག་པ་འཇིག་བྱེད་ཡིན། །རེག་པ་དང་ནི་སྨྲས་པས་ཀྱང་། །སྡིག་པ་ཀུན་ལས་རྣམ་གྲོལ་ཞིང་། །ལུས་ངག་སྐྱོན་ནི་
D369.077.0333b02.01མེད་པ་ཡི། །གང་ཞིག་སྤྱོད་པ་བྱེད་པ་ཡི། །མི་མཚོག་སྡིག་པ་ཐམས་ཅད་ནི། །རྣམ་དག་བདག་ཉིད་བདེ་གཤེགས་ཀྱི། །ས་རྣམས་ཀྱང་ནི་འཐོབ་པར་འགྱུར། །སྐྱེ་ཞིང་སྐྱེ་བར་དེ་བཞིན་གཤེགས། །རིགས་འགྱུར་ཆོས་ལྡན་རྒྱལ་པོར་འགྱུར། །དེ་ལྟར་རྟག་ཏུ་མཆོད་
D369.077.0333b03.01བྱས་ནས། །དད་པ་ཡིས་ནི་གཏོར་མ་སྦྱིན། །དེ་ནས་མཆོད་པ་རྣམ་དག་པས། །མྱ་ངན་འདས་ལས་བྱུང་དཔའ་བོ། །དེ་བཞིན་བདག་ཉིད་མཆོད་པ་དང་། །སངས་རྒྱས་ཀུན་ཚོགས་སྲས་བཅས་དང་། །དཔའ་བོ་ཀུན་དང་རྣལ་འབྱོར་མ། །བརྟན་པ་དག་དང་གཡོ་བ་དང་། །
D369.077.0333b04.01སྤུན་གྱི་མཆོད་པའི་དུས་འཛིན་པ། །ཟླ་བའི་དུས་ལ་གནས་པ་ཡི། །སྤུན་དང་བུ་དག་ལྷན་ཅིག་ཏུ། །བདེ་དང་སྡུག་བསྔལ་ཀུན་འབྱུང་བ། །སྔགས་དང་དེ་བཞིན་ཕྱག་རྒྱ་དང་། །ཡེ་ཤེས་དེར་ནི་བསྟན་མི་བྱ། །དག་བྱེད་ཟས་ལ་སྤྱོད་པ་ནི། །རྟག་ཏུ་དམ་ཚིག་སྤྱོད་བྱས་
D369.077.0333b05.01འགྱུར། །གསང་སྔགས་སུ་ལའང་སྦྱིན་མི་བྱ། །མན་ངག་རྣམ་པར་ཉམས་མི་བྱ། །དམ་ཚིག་གནས་ལ་ཅི་རིགས་པར། །མན་ངག་རྣམས་ཀྱང་སྦྱིན་པར་བྱ། །ཕོ་ཉ་མ་གཏོགས་གཞན་དག་ལ། །འདོད་པ་རྨོངས་པས་འགྲོ་མི་བྱེད། །རྟག་ཏུ་ཕོ་ཉ་ཆགས་བྲལ་བ། །མི་
D369.077.0333b06.01འདའ་བ་ཡིས་ལོངས་སྤྱོད་བྱ། །སྐྱེ་གནས་དམན་ལ་མི་གནས་པ།།བསྙེན་བཀུར་ཉིད་ནི་བྱ་བ་མིན། །མ་དང་སྲིང་མོ་བུ་མོ་དང་། །ཆུང་མ་ཕོ་ཉ་མོ་ཉིད་གནས། །འཁོར་ལོའམ་དེ་བཞིན་གྲུབ་པ་ལ། །དཀའ་བ་ངེས་པར་ཟད་པར་འགྱུར། །མཆོག་དང་ཐ་མ་ལྷན་ཅིག་འགགས་
D369.077.0333b07.01