完整藏文原文 · 德格版页 当前仅加载第 77 函德格 294b 版页；藏文 NFD、目录标记与异常页序保留在来源切片中，重复版页行以稳定序号区分。
འཛིན་པ་སྟེ། །པདྨའི་མཁའ་འགྲོ་མ་དེ་བཞིན། །ལྗང་དང་དཀར་བའི་སྐུ་ལུས་ཅན། །སྐུ་ཡི་འཁོར་ལོའི་དཔའ་བོ་ཡང་། །སེར་དང་ལྗང་བའི་སྐུ་ལུས་ཅན། །འཁོར་ལོས་དཔའ་བོ་ཡོངས་སུ་ཁྱབ། །འཁོར་ལོས་སྒྱུར་བའང་སྟེར་བར་བྱེད། །འཁོར་ལོ་མཁའ་འགྲོ་མ་དེ་བཞིན། །དཀར་དམར་
D369.077.0294b01.01དང་ནི་ཡིད་འཕྲོག་པ། །རང་གི་མཚན་དང་ཡང་དག་ལྡན། །ཆོས་ཀྱི་འཁོར་ལོ་རབ་བསྐོར་བ། །ཁྭ་གདོང་སོགས་བཞི་མཁའ་འགྲོ་མ། །སྣ་ཚོགས་མདོག་ཅན་ཡིད་འཕྲོག་པའོ། །ཐོད་པ་དང་ནི་ཁ་ཊྭཱཾ་འཛིན། །གྲི་གུག་མགོ་བོ་ཅང་ཏེའུ་འཛིན། །གཤིན་རྗེ་སྲེག་སོགས་ལྷ་མོ་ནི། །དུད་ཁ་
D369.077.0294b02.01དམར་པོ་དེ་བཞིན་ནོ། །གཤིན་རྗེ་དབྱུག་ཏོ་གྲི་གུག་གོ །ཐོད་པ་དང་ནི་ཁ་ཊྭཱཾ་འཛིན། །འཁོར་གྱི་མ་སོགས་མཁའ་འགྲོ་མ། །{ཡི་དགས་,ཡི་དྭགས་}གདན་ལ་རྣམ་པར་བཞུགས། །བྱིན་པ་གཉིས་ཀྱིས་མཉམ་པར་འཁྲིལ། །མཁའ་འགྲོ་མ་ནི་དགྱེས་པ་ཆེ། །སྐྲ་གྲོལ་ཕྱོགས་ཀྱི་གོས་འཆང་ཞིང་། །ཐོད་པའི་
D369.077.0294b03.01ཕྲེང་བའི་དབུ་རྒྱན་ཅན། །ཐམས་ཅད་ཕྱག་རྒྱ་ལྔ་འཛིན་ཅིང་། །དཔའ་བོ་མཁའ་འགྲོ་མ་ཡི་འཁོར། །སྤྱན་གསུམ་དྲག་པོ་རྣམ་སྒྱུར་བ། །དཔའ་བོ་འདོད་པའི་ཟས་ལ་རོལ། །ཆགས་པའི་མིང་གིས་རྣམ་པར་བལྟ། །སྔར་བཤད་ཆོ་གའི་རིམ་པ་བཞིན། །གསང་སྔགས་རང་མིང་ས་བོན་དང་། །
D369.077.0294b04.01དཔའ་བོ་གསང་སྔགས་འདི་རུ་བཤད། །མཁའ་འགྲོ་མ་ཡང་དེ་བཞིན་ཏེ། །རྩ་བའི་གསང་སྔགས་འདི་ཉིད་ནི། །གསང་སྔགས་མཆོག་ཀྱང་དེ་བཞིན་ནོ། །ཨོྃ་ཤྲཱི་བཛྲ་ཧེ་ཧེ་རུ་རུ་ཀྃ་ཧུྃ་ཧཱུྃ་ཕཊ་སྭཱ་ཧཱ། །ཨོྃ་ཧྲཱིཿཧ་ཧ་ཧུྃ་ཧཱུྃ་ཕཊ། །ཨོྃ་བཛྲ་བཱ་རཱ་ཧི་བྃ་ཧུྃ་ཧཱུྃ་ཕཊ་སྭཱ་ཧཱ། །ཨོྃ་བཛྲ་བཻ་རོ་ཙ་ནཱི་ཡེ་ཧུྃ་ཧཱུྃ་ཕཊ་སྭཱ་ཧཱ། ཐམས་ཅད་བསྒོམས་
D369.077.0294b05.01ཏེ་མཐོང་བ་ན། །བདག་པོ་དང་ནི་འཁོར་ལ་སོགས། །ཡེ་ཤེས་འཁོར་ལོ་དེ་མཐོང་ནས། །ལེགས་པར་དབང་བསྐུར་གཞུག་པར་བྱ། །བསྒོམས་པས་གཅིག་ཏུ་བྱས་ནས་ནི། །བདུད་རྩི་མཆོག་གིས་ཚིམ་པར་བྱ། །ཡེ་ཤེས་བཟླས་པའི་སྦྱོར་བ་ཡིས། །ཁྲོ་བོ་ཚོགས་མཆོག་སྤྲོས་ནས་ནི། །དཔའ་བོ་མཁའ་འགྲོ་
D369.077.0294b06.01མཐོང་བ་ན། །སྐུ་གསུང་ཐུགས་ཀྱི་རིམ་པ་ཡིས། །དམ་ཚིག་ཅན་གྱིས་བཟླས་པ་བྱ། །འཁོར་སོགས་དཔའ་བོ་མཁའ་འགྲོ་མ། །འདི་ནི་ཀུན་གྱི་གསང་སྔགས་ཏེ། །དོན་དམ་བཟླས་པར་བཤད་པ་ཡིན། །མངོན་པར་བརྗོད་པའི་རྒྱུད་བླ་མའི་བླ་མ་ལས་དབང་པོ་བར་མའི་བསྒོམ་པ་བསྟན་པ་སྟེ་ལེའུ་བཅུ་བདུན་པའོ།། །།
D369.077.0294b07.01