完整藏文原文 · 德格版页 当前仅加载第 77 函德格 344b 版页；藏文 NFD、目录标记与异常页序保留在来源切片中，重复版页行以稳定序号区分。
རྣམ་ཤེས་པདྨ་གདོན་མི་ཟ། །རི་མོ་ལྔ་པ་མཆོག་གྱུར་པ། །དེ་ཡིས་རྣམ་དག་རང་བཞིན་ཅན། །ས་དང་རི་མོ་ཐམས་ཅད་ཀུན། །དཔའ་བོས་ཡོངས་སུ་དག་པར་བསྒོམ། །རི་མོ་ཉི་ཤུ་རྩ་བཞི་པ། །དེ་དག་དཔའ་བོས་རྣམ་པར་དག །འཁོར་ལོ་མཁའ་འགྲོ་མ་ཡིས་དག །ལྟེ་
D369.077.0344b01.01བར་ཕག་མོའི་ས་བོན་ཀྵཿ །ཧེ་རུ་ཀ་དཔལ་མཆོག་ཡིན་ནོ། །འདབ་མ་མཁའ་འགྲོ་མ་ཡིས་དག །དཀྱིལ་འཁོར་དཀྱིལ་འཁོར་མཆོག་དག་ནི། །སུམ་ཅུ་རྩ་བདུན་རྣམ་པར་དག །དཀྱིལ་འཁོར་སྙིང་པོ་མདོར་བསྡུ་ན། །དཀྱིལ་འཁོར་དང་པོ་ཡི་གེ་སྟེ། །དཀྱིལ་འཁོར་གཉིས་
D369.077.0344b02.01པ་ཕྱག་མཚན་ཡིན། །གསུམ་པ་ལག་པའི་ཕྱག་རྒྱར་བཤད། །བཞི་པ་གཟུགས་སུ་གྱུར་པ་སྟེ། །ལྔ་པ་མེ་ཏོག་མཆོད་པ་ཡིན། །དྲུག་པ་ཚོགས་ཀྱི་དཀྱིལ་འཁོར་ཉིད། །དབུས་ནི་རབ་ཏུ་དགའ་བའི་ས། །པདྨའི་ལྟེ་བ་དང་བཅས་པ། །ཐུགས་ཀྱི་འཁོར་ལོ་དྲི་མ་མེད། །གསུང་
D369.077.0344b03.01གི་འཁོར་ལོ་འོད་བྱེད་པ། །སྐུ་ཡི་འཁོར་ལོ་འོད་འཕྲོ་བ། །ཟུར་བཞི་པ་ནི་སྦྱང་དཀའ་བ། །རིང་དུ་སོང་བ་སྒོ་བཞི་ཡིན། །ཟུར་གྱི་ཆ་ནི་མི་གཡོ་བ། །ལེགས་པའི་བློ་གྲོས་རྡོ་རྗེའི་ཐིག །ཆོས་ཀྱི་སྤྲིན་ནི་རྟ་བབས་ཡིན། །འདི་ལྟའི་དཀྱིལ་འཁོར་བྲིས་ནས་ནི། །རྟག་ཏུ་བསྒོམ་ཞིང་
D369.077.0344b04.01མཆོད་པར་བྱ། །དངོས་གྲུབ་རྒྱ་ཆེན་འཐོབ་པར་འགྱུར། །སྡོམ་པའི་འཁོར་ལོ་སྡོམ་པ་ཡི། །དཀྱིལ་འཁོར་མཆོག་གི་དེ་ཉིད་ནི། །ཧེ་རུ་ཀ་དཔལ་ཡེ་ཤེས་མཆོག །བྷ་གའི་པདྨའི་དཀྱིལ་འཁོར་ནི། །ཕག་མོའི་སྐུ་ལུས་མཆོག་གྱུར་པ། །དེ་ནི་དཀྱིལ་འཁོར་འདུས་པ་སྟེ། །
D369.077.0344b05.01དཀྱིལ་འཁོར་བདེ་ཆེན་མཆོག་ཡིན་ནོ། །དཀྱིལ་འཁོར་དཔའ་བོ་རྣལ་འབྱོར་མ། །གཉིས་མེད་ཁ་སྦྱོར་དཀྱིལ་འཁོར་ཡིན། །བདག་གི་དེ་ཉིད་ཏིང་འཛིན་ཡིན། །ལྷ་ཡི་དེ་ཉིད་དེ་བཞིན་ཏེ། །སྔགས་ཀྱི་དེ་ཉིད་ཕྱག་རྒྱ་ཡིན། །དེ་ལྟའི་དཀྱིལ་འཁོར་དམ་པའི་མཆོག །ཡན་
D369.077.0344b06.01ལག་ཀུན་བསྒོམས་ལས་འདས་ཤིང་། །རྟོག་དང་རྣམ་རྟོག་རྣམ་པར་སྤངས། །ཕྱི་མོའི་ཐིག་ལེ་ལས་འདས་ཤིང་། །དེ་ནི་དཀྱིལ་འཁོར་མཆོག་ཡིན་ནོ། །ཆོས་རྣམས་ཐམས་ཅད་བརྟག་ཏུ་མེད། །ཆོས་དང་ཆོས་མིན་རྣམ་པར་སྤྱོད། །དེ་ལྟའི་དཀྱིལ་འཁོར་བཤད་པ་
D369.077.0344b07.01