完整藏文原文 · 德格版页 当前仅加载第 77 函德格 286a 版页；藏文 NFD、目录标记与异常页序保留在来源切片中，重复版页行以稳定序号区分。
འཁྲུག་ཅིང་རབ་ཏུ་གཡོ་བ་སྟེ། །ལུས་ལས་འོད་འབར་དགོད་པ་དང་། །དེ་ཡི་མིག་ནི་འབར་བ་དང་། །ཚིག་འཇམ་པ་དང་འབར་བ་དང་། །རྣལ་འབྱོར་པས་ནི་བཟླས་ཙམ་གྱིས། །རྡོ་རྗེ་འཇུག་པ་མཐོང་བ་དང་། །སྔགས་པ་མཉམ་བཞག་བཟླས་ནས་ནི། །དམ་
D369.077.0286a01.01ཚིག་སྤྱོད་པ་ལྡན་བྱས་ནས། །སྲོག་དང་རྩོལ་བ་བསྔམ་བྱས་ཏེ། །གསལ་བྱེད་ཧཱུྃ་ནི་བརྗོད་ནས་ཀྱང་། །ཆོས་ཀྱི་དབྱིངས་སུ་སྤྲོ་བར་བྱ། །སེམས་ཅན་ཀུན་ལ་ཕན་པ་དང་། །གདུལ་དཀའ་བ་དག་གདུལ་བའི་ཕྱིར། །སངས་རྒྱས་ཆོས་རྣམས་མདུན་དུ་སྤྲོ། །ཁྲོ་བོའི་གོང་ཕང་
D369.077.0286a02.01དེ་མཐོང་ནས། །ཁམས་གསུམ་དག་ཏུ་བསྡུ་བར་བྱ། །ལུས་ངག་ཡིད་ལ་བཅུག་ནས་ཀྱང་། །ས་སྟེང་དུ་ནི་སྤྱོད་པ་སྤྱད། །མཉམ་བཞག་མིན་པའི་རྣལ་འབྱོར་པས། །སྙིང་རྗེས་བརླན་པ་ཉིད་ཀྱིས་ནི། །སེམས་ཅན་ཐམས་ཅད་མཐོང་བ་ན། །སྲིད་པ་གསུམ་པོ་ཧེ་རུ་ཀ། །
D369.077.0286a03.01སྔགས་པ་ཅི་དང་ཅི་ཟ་བ། །དམ་ཚིག་མཆོག་ནི་བསྒོམ་ས་ནས་ཀྱང་། །ཐམས་ཅད་ཆོས་ཀྱི་དབང་ཕྱུག་རྒྱལ། །མཉམ་པ་ཉིད་ལ་རབ་ཏུ་གནས། །དམ་ཚིག་ཅན་ནི་ལངས་དུས་སུ། །བླ་མ་མཆོད་པ་རྗེས་དྲན་ནས། །བྱང་ཆུབ་སེམས་ཀྱི་ཆུས་ཁྲུས་བྱ། །ཡིད་འོང་ཕྱག་རྒྱལ་
D369.077.0286a04.01གནས་ནས། །ཁྲོ་བོ་སངས་རྒྱས་དཔའ་བོ་དང་། །རྣལ་འབྱོར་མ་དང་མཁའ་འགྲོ་མའི། །གོ་འཕང་དུ་ནི་བྱིན་བརླབས་ནས། །ཡིད་འོང་མཆོད་པ་དག་ཏུ་བཤད། །མཁའ་དབྱིངས་དཀྱིལ་འཁོར་ཁྱབ་པ་ལ། །སྨོན་ལམ་དག་ནི་བྱ་བ་ཡིན། །དེ་མ་ཐག་པའི་རྣལ་འབྱོར་གྱིས། །
D369.077.0286a05.01རྒྱུ་དང་མི་རྒྱུ་མཐོང་བ་ན། །རང་བཞིན་དག་པ་བཅོམ་ལྡན་འདས། །རང་བཞིན་ཡང་ནི་དངོས་མེད་བྱས། །སེམས་ཅན་རང་བཞིན་དག་པ་སྟེ། །སྲིད་པ་མཆོག་ཏུ་བྱས་པ་ཡིན། །རྡོ་རྗེ་ཕག་མོ་བླ་མེད་པ། །ཕྱག་རྒྱ་རུ་ནི་བྱིན་བརླབས་ནས། །རང་གི་ལྷ་ཡི་སྦྱོར་བ་ཡིས། །ཐམས་ཅད་
D369.077.0286a06.01འདི་ལྟར་རབ་ཏུ་བརྟག །མངོན་པར་བརྗོད་པའི་རྒྱུད་བླ་མའི་བླ་མ་ལས་རེའུ་མིག་དགོད་པ་དང་། །གནས་བསྡུ་བ་བསྟན་པ་སྟེ་ལེའུ་བཅུ་གསུམ་པའོ།། །།དེ་ནས་གསང་བ་བཤད་བྱ་བ། །གནས་དང་འདུས་པ་མཆོག་ཡིན་པས། །དངོས་གྲུབ་ཀུན་གྱི་རང་བཞིན་ནི། །
D369.077.0286a07.01