完整藏文原文 · 德格版页 当前仅加载第 77 函德格 292b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱིས་བདེ་ཆེན་གནས། །སྐུ་གསུང་ཐུགས་ཀྱི་སྦྱོར་བ་ཡིས། །འཁོར་ལོ་གསུམ་གྱི་དབུས་སུ་དགོད། །འདི་ནི་གསང་བ་མཆོག་ཡིན་ཏེ། །གང་ལ་ཡང་ནི་བསྟན་མི་བྱ། །སྔར་བཤད་ཕྱག་དང་ཕྱག་མཚན་དང་། །གོ་ཆ་ཡང་ནི་དེ་བཞིན་ཏེ། །སྔར་བཤད་བཞིན་དུ་བཀོད་ནས་ཀྱང་། །
D369.077.0292b01.01ཕུང་པོ་ཁམས་དང་སྐྱེ་མཆེད་དག །དཔའ་བོའི་ཡན་ལག་རྣམ་དག་ཉིད། །བྱང་ཆུབ་ཕྱོགས་ཀྱང་དེ་བཞིན་ཏེ། །ལུགས་སུ་འབྱུང་དང་བཟློག་པ་ཡིས། །སྔར་བཤད་འཁོར་ལོ་རྣམ་པར་དགོད། །ཐམས་ཅད་དཀར་བའི་མདོག་ཅན་ལ། །འཁོར་ལོ་གསུམ་ནི་བཅུ་དྲུག་གོ། །
D369.077.0292b02.01དཔའ་བོ་ཡང་ནི་སོ་སོར་དགོད། །རྣལ་འབྱོར་མ་ཡང་སོ་སོར་ཏེ། །རང་གི་ཐབས་ཀྱི་སྦྱོར་བ་ཡིས། །གཉིས་སུ་མེད་པའི་གནས་པ་ཡིན། །དཔའ་བོའི་རང་གི་རིག་པ་དང་། །གཉིས་སུ་མེད་པར་གནས་པ་ཡིན། །མཁའ་འགྲོ་སོགས་དང་ཁྱི་གདོང་སོགས། །རང་གི་ཐབས་
D369.077.0292b03.01དང་གཉིས་མེད་གནས། །དེ་ནི་རྡོ་རྗེ་སྙིང་པོའོ། །རྣལ་འབྱོར་མ་ཡི་དམ་པ་སྟེ། །མཆོག་ཏུ་གསང་བ་སྦས་པ་དག །རྡོ་རྗེ་སྙིང་པོས་ཞུས་ནས་ནི། །བཅོམ་ལྡན་འདས་ཀྱིས་གསུངས་པ་ཡིན། །མངོན་པར་བརྗོད་པའི་རྒྱུད་བླ་མའི་བླ་མ་ལས་དཔལ་ཧེ་རུ་ཀ་དང་། མཁའ་འགྲོ་
D369.077.0292b04.01མ་དང་། དཔའ་བོ་དང་རྣལ་འབྱོར་མ་རྣམས་བསྒོམས་པས་བསྐྱེད་པ་སྟེ་ལེའུ་{བཅྭ་,བཅོ་}ལྔ་པའོ།། །།དེ་ནས་གཞན་ཡང་བཤད་བྱ་བ། །དང་པོའི་ལས་ཀྱི་བསྒོམ་པ་སྟེ། །རྣལ་འབྱོར་སྦྱོར་བའི་མཆོག་གྱུར་པ། །ཅིག་ཅར་དུ་ནི་བསྐྱེད་པ་དག །རྡོ་རྗེ་སྙིང་པོས་གསུངས་པ་ཡིན། །ཕྱག་
D369.077.0292b05.01གཉིས་པ་ལ་ཞལ་གཅིག་པ། །སྤྱན་གསུམ་པ་ལ་ཞལ་རྣམ་སྒྱུར། །འཇིགས་བྱེད་དང་ནི་དུས་མཚན་དག །གཡས་བརྐྱང་བ་ཡིས་མགོ་ལ་མནན། །རྒྱན་དྲུག་སྣ་ཚོགས་རྡོ་རྗེ་དང་། །ཟླ་བ་ཕྱེད་པས་རྣམ་པར་བརྒྱན། །སྟག་གི་པགས་པ་གོས་སུ་མནབས། །མགོ་
D369.077.0292b06.01བོའི་ཕྲེང་བས་རྣམ་པར་བརྒྱན། །ཐོད་པ་ཁ་ཊྭཱཾ་ག་བསྣམས་ཤིང་། །དེ་ནི་རྡོ་རྗེ་མཆོག་ཀྱང་གསོར། །ཕག་མོས་ཀྱང་ནི་རྣམ་པར་འཁྲིལ། །དེ་ཡི་མདོག་དང་ཕྱག་གིས་གནས། །བྱིན་པ་གཉིས་ཀྱིས་མཉམ་པར་འཁྱུད། །ཐོད་པ་རྡོ་རྗེ་སྡིགས་མཛུབ་ཀྱིས། །
D369.077.0292b07.01