完整藏文原文 · 德格版页 当前仅加载第 77 函德格 345b 版页；藏文 NFD、目录标记与异常页序保留在来源切片中，重复版页行以稳定序号区分。
གཞན་དུ་ཡང་ནི་མགོ་བོ་འཆང་། །སྣ་ཚོགས་རྡོ་རྗེས་དབུ་ལ་མནན། །ཟླ་བ་ཕྱེད་པ་དབུ་ལ་འཆང་། །ཐོད་པའི་ཕྲེང་བའི་དབུ་རྒྱན་ཅན། །མི་བསྐྱོད་པ་ཡིས་སྤྱི་གཙུག་བརྒྱན། །ཚངས་པའི་དོ་ཤལ་འཛིན་པ་སྟེ། །བདག་གི་ཁྲོ་བོ་བདུན་སྤྲོས་ནས། །ཇི་ལྟར་བཅོམ་ལྡན་མདོག་བཞིན་
D369.077.0345b01.01དུ། །ཕག་མོ་མཆོག་དང་དེ་བཞིན་ཏེ། །སྐུ་ལུས་ནག་པོ་དམར་བའི་མདངས། །གཟི་བྱིན་མདངས་ཀྱིས་མཛེས་པ་སྟེ། །གྲི་གུག་ཐོད་པ་ཁ་ཊྭཱཾ་ག །དྲིལ་བུ་ཅང་ཏེའུ་མདུང་དང་ནི། །ལྕགས་ཀྱུ་ཞགས་པ་དེ་བཞིན་ནོ། །ལྷ་མོ་ཕྱག་ནི་བརྒྱད་པ་སྟེ། །དཀར་ཞིང་སྔོ་ལ་ལྗང་བའོ། །
D369.077.0345b02.01སྟེང་གི་ཞལ་ནི་དམར་པོ་མཛེས། །གཡས་དང་གཡོན་གྱི་ཞལ་གདོང་ནི། །སེར་ཞིང་ལྗང་བའི་གཟུགས་ཅན་ཏེ། །གཞན་དུ་བདག་པོ་ཇི་བཞིན་དུ། །ཕག་མོ་ཡང་ནི་དེ་བཞིན་གྱུར། །གཅེར་བུ་སྐྲ་ནི་གྲོལ་བ་སྟེ། །མ་ཉམས་དུམ་བུའི་སྐ་རགས་ཅན། །པདྨ་བཞི་ལ་མཁའ་
D369.077.0345b03.01འགྲོ་མ། །ཟུར་ལ་བུམ་པ་ཐོད་པ་སྟེ། །ཐུགས་ཀྱི་འཁོར་ལོ་སྔར་བཤད་པའོ། །དཔའ་བོ་མཁའ་འགྲོ་མ་དེ་བཞིན། །གསུང་དང་སྐུ་ཡི་འཁོར་ལོ་གཉིས། །ཤར་དང་བྱང་ནུབ་ལྷོ་རུའོ། །སྒོ་རྣམས་སུ་ནི་སྒོ་སྲུང་སྟེ། །ཁྭ་གདོང་ལ་སོགས་ཐམས་ཅད་དོ། །ཟུར་ལ་གཤིན་
D369.077.0345b04.01རྗེ་སྲེག་ལ་སོགས། །ཇི་ལྟར་འདོད་པའི་ཁྱད་པར་ནི། །རྡོ་རྗེ་སྙིང་པོས་བཤད་པ་སྟེ། །ཁ་ཅིག་རྣལ་འབྱོར་མ་རུ་འདོད། །བླ་མའི་གནས་ཀྱི་རྗེས་རིམ་པ། །སྔར་བཤད་སྣ་ཚོགས་རིགས་རྣམས་ནི། །ཇི་ལྟར་འདོད་པས་བསྒོམ་པར་བྱ། །གཞན་ཡང་ཞལ་དང་མདོག་རྣམས་ནི། །
D369.077.0345b05.01མཁའ་འགྲོ་མ་ཡི་མདོག་བཞིན་དང་། །ཕྱག་མཚན་ཕྱག་རྒྱར་སྔར་བཤད་བཞིན། །གནས་སོགས་རིམ་པ་དེ་ལྟར་དགོད། །སྔར་བཤད་པ་ཡི་ཆོ་ག་བཞིན། །གསང་སྔགས་ཇི་བཞིན་རིམ་པར་དགོད། །སུམ་ཅུ་རྩ་བདུན་རྣམ་དག་དོན། །སྒོམ་པ་མཆོག་ནི་བསྒོམ་པར་བྱ། །
D369.077.0345b06.01ཨཱ་ལི་ཀཱ་ལིའི་ནང་བྱུང་བ། །སྒོམ་ཞིང་རྣམ་པར་བསྒོམ་པར་བྱ། །ཆོས་དབྱིངས་གྲོང་ཁྱེར་རྣམ་དག་པར། །སེམས་ཅན་ཁམས་ནི་རབ་ཏུ་འཇུག །རྣལ་འབྱོར་འདི་ནི་གསང་བ་སྟེ། །སུ་ལ་ཡང་ནི་བསྟན་མི་བྱ། །མངོན་པར་བརྗོད་པའི་རྒྱུད་བླ་མའི་བླ་མ་ལས་ཆོས་ཀྱི་དབྱིངས་ཀྱི་གྲོང་
D369.077.0345b07.01