完整藏文原文 · 德格版页 当前仅加载第 77 函德格 298a 版页；藏文 NFD、目录标记与异常页序保留在来源切片中，重复版页行以稳定序号区分。
འཆང་བ་དང་། །སྐྲ་གྲོལ་བ་ནི་འཇིགས་པ་སྟེ། །མགོ་བོའི་ཕྲེང་བས་རྣམ་པར་བརྒྱན། །བདུད་བཞི་པོ་ནི་ཞབས་འོག་གནོན། །ཕྱག་རྒྱ་ལྔ་ཡིས་རྣམ་པར་བརྒྱན། །ཐོད་པ་དང་ནི་ཁ་ཊྭཱཾ་འཛིན། །རྡོ་རྗེ་མདུང་ནི་ཕྱག་ན་བསྣམས། །ན་རའི་པགས་པ་གོས་
D369.077.0298a01.01སུ་མནབས། །དྲིལ་བུ་ཅང་ཏེའུ་དེ་བཞིན་ཏེ། །མགོ་བོའི་གྲི་གུག་ཕྱག་ན་བསྣམས། །གཡེར་ཁའི་སྐ་རགས་སྒྲ་སྒྲོགས་པ། །རྐང་རྒྱན་རུ་ལུ་རུ་ལུའི་སྒྲ། །སྣ་ཚོགས་པདྨའི་སྟེང་དུ་ནི། །ཉི་མའི་དཀྱིལ་འཁོར་དབུས་བཞུགས་ཏེ། །གདན་གཅིག་ལ་ནི་རྣམ་པར་
D369.077.0298a02.01བཞུགས། །སྙིང་ལ་དམ་ཚིག་ཡེ་ཤེས་ནི། །དེ་མདོག་ཕྱག་དང་ཕྱག་མཚན་ཏེ། །རྡོ་རྗེ་སེམས་དཔའ་ཧེ་རུ་ཀ། །མི་བསྐྱོད་པ་ཡི་ཅོད་པན་ཅན། །ཐམས་ཅད་དེ་ལྟར་བསྒོམས་ནས་ནི། །མཚན་དང་དཔེ་བྱད་དང་བཅས་པ། །ཡེ་ཤེས་གཅིག་ཏུ་བྱས་ནས་ནི། །མཁའ་འགྲོ་
D369.077.0298a03.01མ་ཡི་སྡོམ་པ་བཟླ། ཨོྃ་ཨཱཿཤྲཱི་བཛྲ་ཧེ་ཧེ་རུ་རུ་ཀཾ་ཌཱ་ཀི་ནཱི་ཛཱ་ལ་སཾ་བ་རྃ་ཧུྃ་ཧཱུྃ་ཕཊ་སྭཱ་ཧཱ། །ཨོྃ་ཧྲཱིཿཧ་ཧ་ཧཱུྃ་ཧཱུྃ་ཕཊ། ཨོྃ་ཨཱཿབཛྲ་བཱ་རཱ་ཧི་ཧྱེ་བཾ། ཌཱ་ཀི་ནཱི་ཛཱ་ལ་སམྦ་རྃ་ཧུྃ་ཧཱུྃ་ཕཊ་སྭཱ་ཧཱ། །ཨོྃ་བཛྲ་བཻ་རོ་ཙ་ནཱི་ཡེ་ཧུྃ་ཧཱུྃ་ཕཊ་སྭཱ་ཧཱ། དཔལ་ཁྲག་འཐུང་དང་ཕག་མོའི་སྙིང་པོ་དང་ཉེ་བའི་སྙིང་པོའོ། །
D369.077.0298a04.01ཨོྃ་བཛྲ་ཌཱ་ཀི་ནི་ཧུྃ་ཧཱུྃ་ཕཊ། ཨོྃ་བཛྲ་ལཱ་མེ་ཧུྃ་ཧཱུྃ་ཕཊ། ཨོྃ་བཛྲ་ཁཎྜ་རོ་ཧེ་ཧུྃ་ཧཱུྃ་ཕཊ། ཨོྃ་བཛྲ་རཱུ་པི་ཎི་ཧུྃ་ཧཱུྃ་ཕཊ། འདི་དག་ཇི་ལྟའི་རིམ་པ་ཡིས། །བཟླས་པ་དང་ནི་བསྒོམ་པ་བྱ། །དུས་བཞིའི་རྗེས་འབྲང་རིམ་པ་ཡིས། །དམ་ཚིག་སྡོམ་པ་གཉིས་མེད་པ། །མར་མེ་ལྔ་ཡང་བཟའ་
D369.077.0298a05.01བར་བྱ། །རྟག་ཏུ་དུར་ཁྲོད་ནང་དུ་བསྒོམ། །ནུབ་བདུན་དུ་ནི་སྦྱོར་བ་ཡིས། །མི་སྣང་དངོས་གྲུབ་ངེས་པར་འགྲུབ། །མཐོང་བར་བྱེད་པར་ཡང་ཀུན་འགྲོ། །སྣ་ཚོགས་གཟུགས་ཅན་བདེ་བ་ཆེ། །བཟའ་བ་རྣམས་ནི་བཟའ་བྱ་ཞིང་། །སྐོམ་གྱི་བཏུང་བའང་དེ་བཞིན་ཏེ། །
D369.077.0298a06.01ཕྱོགས་ཀྱི་གོས་ཅན་གང་གིས་ནི། །མྱོས་ཤིང་མྱོས་པ་ལྟ་བུར་གནས། །གྲིབ་མ་ཡང་ནི་མེད་པ་རུ། །རྣལ་འབྱོར་ཆེན་པོ་རྣམ་པར་སྤྱོད། །མ་ཧཱ་རུ་དྷི་ར་བཅས་པའི། །དྲི་ཆེན་ཆུ་ནི་མཉམ་ལྡན་པས། །མཱཾ་ས་སྣ་ཚོགས་དུ་མ་དག །རྩེ་གཅིག་པ་ཡི་བཟའ་བ་བཟའ། །ནང་
D369.077.0298a07.01