完整藏文原文 · 德格版页 当前仅加载第 77 函德格 277a 版页；藏文 NFD、目录标记与异常页序保留在来源切片中，重复版页行以稳定序号区分。
དཔའ་དང་། བརྩོན་འགྲུས་ཆེན་མོའོ། །ཐོད་པའི་དུམ་བུ་ལ་སོགས་པའི་དཔའ་བོ་དང་རབ་གཏུམ་མ་ལ་སོགས་པ་ཐམས་ཅད་ཀྱང་གཟུགས་སྣ་ཚོགས་པ་ཞལ་གསུམ་པ། ཕྱག་དྲུག་པ། སྤྱན་གསུམ་པ། གཡས་བརྐྱང་བས་བཞུགས་པ། ཕྱག་རྒྱ་ལྔས་
D369.077.0277a01.01རྒྱས་བཏབ་པ། ལྷ་མོ་གཅེར་བུ་སྐྲ་གྲོལ་བ། ཐོད་པ་དང་ཁ་ཊྭཱཾ་ག་དང་ཅང་ཏེའུ་དང་གྲི་གུག་དང་རྡོ་རྗེ་དང་དྲིལ་བུས་འཁྱུད་པ་ལྷ་མོའི་བྱིན་པ་གཉིས་ཀྱིས་འཁྲིལ་བ། དགྱེས་པ་ཆེན་པོའི་དགའ་བའི་རོས་རྣམ་པར་མྱོས་པའོ། །དབུས་ཀྱི་དཀྱིལ་འཁོར་དཔའ་བོ་ཡི། །
D369.077.0277a02.01ཟུར་བཞི་བུམ་པའི་སྟེང་དུ་ནི། །བྱང་ཆུབ་སེམས་ཀྱིས་ཡོངས་གང་བའི། །ཐོད་པའི་སྣོད་ནི་བཞག་པར་བྱ། །དཀྱིལ་འཁོར་གཞན་གྱི་ཟུར་ལ་ནི། །བུམ་པའི་ཐོད་པ་གཉིས་པོ་དགོད། །མཚམས་ཀྱི་ཆར་མཁའ་འགྲོ་མ་ལ་སོགས་པའི་ལྷ་མོ་བཞི་པོ་གཟུགས་ཕྱེད་པ་
D369.077.0277a03.01བུད་མེད་དབང་ཕྱུག་མ་སྟེ། ཞལ་གསུམ་པ། སྤྱན་གསུམ་པ། གཡས་བརྐྱང་བའི་གནས་པས་བཞུགས་པ། ཕྱོགས་ཀྱི་གོས་ཅན། སྐྲ་གྲོལ་བ། ཕྱག་རྒྱ་ལྔ་བརྟན་པར་འཛིན་པའོ། །རྡོ་རྗེ་ཕྲེང་བས་ཡོངས་བསྐོར་བ། །དཀྱིལ་འཁོར་ལྔ་ཡི་ཕྱི་རོལ་དུ། །
D369.077.0277a04.01འབར་བའི་དཀྱིལ་འཁོར་སྣ་ཚོགས་བྲི། །དཔའ་བོ་དང་རྣལ་འབྱོར་མ་ཐམས་ཅད་ཀྱང་སྣ་ཚོགས་པདྨའི་སྟེང་དུ་{ཡི་དགས་,ཡི་དྭགས་}ཀྱི་གདན་ལ་བཞུགས་པ། སྒོ་བཞིའི་ཤར་ཕྱོགས་སུ་ཁྭ་གདོང་མ་ཁྲོས་པའི་མིག་ཅན་ཤེལ་མིག་ཁྲོས་པའི་ཞལ་མངའ་བ། གྲི་གུག་དང་། མགོ་བོ་དང་ཐོད་པ་དང་ཁ་
D369.077.0277a05.01ཊྭཱཾ་ག་དང་དྲིལ་བུ་དང་། ཅང་ཏེའུ་འཆང་བ། སྤྱན་གསུམ་པ། ཞལ་གསུམ་པ། སྐྲ་གྲོལ་བ། གཅེར་བུ། སྣ་ཚོགས་པའི་མདོག་ཅན་གཡས་བརྐྱང་བས་གནས་པ། {ཡི་དགས་,ཡི་དྭགས་}དང་སྣ་ཚོགས་པདྨ་ལ་བཞུགས་པ། འབར་བའི་དཀྱིལ་འཁོར་གྱི་དབུས་ན་བཞུགས་ཏེ། ཕྱག་རྒྱ་ལྔས་རྣམ་
D369.077.0277a06.01པར་བརྒྱན་པའོ། །འུག་གདོང་མ་དང་། ཁྱི་གདོང་མ་དང་། ཕག་གདོང་མ་ནི་ཇི་ལྟར་ཁྭ་གདོང་མའི་མདོག་དང་ཕྱག་དང་འདུག་སྟངས་དང་གདན་བཞིན་ནོ། །བོང་བུ་དང་རྔ་མོ་དང་ར་དང་བྱི་ལའི་ཞལ་ཏེ། ཤིན་ཏུ་དྲག་པོས་མངོན་དུ་གསོལ་བའོ། །གཤིན་རྗེ་སྲེག་མ་ནས། གཤིན་རྗེ་
D369.077.0277a07.01