完整藏文原文 · 德格版页 当前仅加载第 77 函德格 289a 版页；藏文 NFD、目录标记与异常页序保留在来源切片中，重复版页行以稳定序号区分。
ནི་གསོད་བྱེད་མའོ། །མེའི་ཁམས་ནི་འགུགས་བྱེད་མའོ། །རླུང་གི་ཁམས་ནི་གར་གྱི་དབང་ཕྱུག་མའོ། །ནམ་མཁའི་ཁམས་ནི་པདྨའི་དྲ་བ་མའོ། །གཟུགས་ཀྱི་ཕུང་པོ་ནི་རྣམ་པར་སྣང་མཛད་དོ། །ཚོར་བའི་ཕུང་པོ་ནི་རྡོ་རྗེ་ཉི་མའོ། །འདུ་ཤེས་ཀྱི་ཕུང་པོ་ནི་པདྨ་གར་གྱི་དབང་ཕྱུག་གོ །འདུ་
D369.077.0289a01.01བྱེད་ཀྱི་ཕུང་པོ་ནི་རྡོ་རྗེ་རྒྱལ་པོའོ། །རྣམ་པར་ཤེས་པའི་ཕུང་པོ་ནི་རྡོ་རྗེ་སེམས་དཔའ་སྟེ་དེ་བཞིན་གཤེགས་པ་ཐམས་ཅད་ཀྱི་བདག་ཉིད་ནི་དཔལ་ཧེ་རུ་ཀའོ། །མིག་གཉིས་ནི་གཏི་མུག་རྡོ་རྗེའོ། །རྣ་བ་གཉིས་ནི་ཞེ་སྡང་རྡོ་རྗེའོ། །སྣ་གཉིས་ནི་སེར་སྣ་རྡོ་རྗེའོ། །ཁ་ནི་འདོད་ཆགས་རྡོ་རྗེ། རེག་བྱ་
D369.077.0289a02.01ནི་ཕྲག་དོག་རྡོ་རྗེ། སྐྱེ་མཆེད་ཐམས་ཅད་ནི་དབང་ཕྱུག་རྡོ་རྗེ། ཡིད་ནི་མི་འཁྲུགས་རྡོ་རྗེ། ངག་ནི་དཔག་མེད་རྡོ་རྗེ། ལུས་ནི་རྡོ་རྗེ་རྣམ་སྣང་ངོ་། །འདི་དག་སྒྲུབ་པའི་རྣལ་འབྱོར་ཡིན། །རང་སྙིང་ལྕགས་ཀྱུའི་སྦྱོར་བ་ཡིས། །ཡེ་ཤེས་འཁོར་ལོ་བཀུག་ནས་སུ། །དེ་དག་སྤྲུལ་ཅིང་བཀོད་ནས་
D369.077.0289a03.01ནི། །ཇི་ལྟའི་རིམ་པས་དབང་ཡང་བསྐུར། །ཞུགས་པར་གྱུར་ནས་བཅིང་བར་བྱ། །དགྱེས་པས་རྗེས་སུ་ཆགས་པས་སྦྱོར། །རང་གི་ངོ་བོ་གཅིག་གྱུར་ནས། །དེ་ལ་གོ་ཆ་གཉིས་པོ་དགོད། །ཨོྃ་ཧ་སྙིང་ག་ལ་རྡོ་རྗེ་སེམས་དཔའ། ན་མཿཧི་མགོ་བོ་ལ་རྣམ་པར་སྣང་མཛད། སྭཱ་ཧཱ་ཧུ་སྤྱི་གཙུག་
D369.077.0289a04.01ལ་པདྨ་གར་གྱི་དབང་ཕྱུག །བཽ་ཥཊ་ཧེ་ཕྲག་པ་གཉིས་ལ་ཧེ་རུ་ཀ། ཧཱུྃ་ཧཱུྃ་ཧོཿམིག་གཉིས་ལ་རྡོ་རྗེ་ཉི་མ། ཕཊ་ཧཾ་ལུས་ཐམས་ཅད་ཀྱི་གོ་ཆ་སྟེ་རྟ་མཆོག་གོ། །ཨོྃ་བྃ་ལྟེ་བ་ལ་རྡོ་རྗེ་ཕག་མོ། ཧྃ་ཡྃ་སྙིང་ག་ལ་ཡ་མི་ནིའོ། །ཧྲཱིཾ་མྃ་ཁ་ལ་རྨོངས་བྱེད་མའོ། ཧྲེཾ་ཧྲེཾ་མགོ་ལ་སྐྱོད་བྱེད་མའོ། །ཧཱུྃ་ཧཱུྃ་སྤྱི་
D369.077.0289a05.01གཙུག་ལ་སྐྲག་བྱེད་མའོ། །ཕཊ་ཕཊ་ཙཎྜི་ཀ་སྟེ་ཡན་ལག་ཐམས་ཅད་ཀྱི་མཚོན་ཆའོ། །མཛུབ་མོ་མདུད་བྱས་གུང་མོ་ངེས་པར་སྦྱར། །མཐེ་བོང་རྡོ་རྗེ་བརྟན་པོར་རབ་ཏུ་སྦྱར། །དེ་ནི་དཔྲལ་བའི་དབུས་སུ་རབ་བཞག་ནས། །བསྐོར་ཞིང་བསྐོར་བར་ཀུན་ཏུ་སྦྱར་བར་བྱ། །རྐང་པ་ཕྱེད་མནན་སྟེང་དུ་བལྟ། །
D369.077.0289a06.01གྱེན་དུ་ཕེཾ་གི་སྒྲ་སྒྲོགས་ཤིང་། །ཕྱོགས་བཅུའི་འཇིག་རྟེན་ཁམས་བཞུགས་པའི། །དཔའ་བོ་རྣལ་འབྱོར་མ་རྣམས་བཀུག །ཛཿཧཱུྃ་བཾ་ཧོཿ། སྦྱོར་བས་བཀུག་ནས་གཞུག་པ་དང་། །བཅིངས་ནས་དབང་དུ་བྱ་བ་ཡིན། །དཔའ་བོ་རྣལ་འབྱོར་མ་རྣམས་ཀྱིས། །མཁའ་དཀྱིལ་ཡོངས་སུ་གང་མཐོང་
D369.077.0289a07.01