完整藏文原文 · 德格版页 当前仅加载第 77 函德格 366a 版页；藏文 NFD、目录标记与异常页序保留在来源切片中，重复版页行以稳定序号区分。
སྟེར་བར་འགྱུར། །བྲཧྨ་དཎྜི་རོ་ཙ་ནི། །ལྷན་ཅིག་ཏུ་ནི་སྦྱོར་བ་ཡིས། །རིག་བྱེད་རྒོལ་བ་མེད་པར་འགྱུར། །རྨ་བྱའི་མཁྲིས་པའི་རོ་ཙ་ན། །རི་བོང་ཁྲག་དང་ལྷན་ཅིག་ཏུ། །རིལ་བུ་རྟག་ཏུ་བསྒྲུབས་བྱས་ནས། །རྨ་བྱའི་མཇུག་མས་བཅིངས་ན་ནི། །བུང་བ་བཞིན་དུ་འཕུར་
D369.077.0366a01.01འགྱུར་ཏེ། །ལྷ་རྣམས་འགུགས་པའི་དངོས་གྲུབ་ཅིང་། །རིག་པ་འཛིན་པ་འོངས་པར་འགྱུར། །དེ་ཡི་ལན་ནི་འགའ་ཙམ་གྱིས། །ཇི་ལྟར་འདོད་པ་སྟེར་བར་འགྱུར། །ལྷ་ཡི་གཞལ་མེད་ཁང་འཕྲོག་ཅིང་། །ལྷ་ཡི་བུ་མོའང་འགུགས་པར་འགྱུར། །འདོད་ན་དབང་དུ་སྡོད་བྱེད་ཅིང་། །མི་འདོད་སེམས་
D369.077.0366a02.01ཅན་དོན་ཡང་བྱེད། །མཇུག་མ་ཐུར་བལྟས་བྱས་ན་ནི། །གཏེར་རྣམས་ཀྱང་ནི་མཐོང་བར་འགྱུར། །བླངས་པས་སྦྱིན་པའི་ཕ་རོལ་ཕྱིན། །ཡོངས་སུ་རྫོགས་པར་འགྱུར་བ་ཡིན། །ས་འོག་གཏེར་གྱི་སྒོ་དག་ལ། །མཇུག་མ་སྐོར་བ་བྱས་ན་ནི། །སྒོ་དབྱེ་བས་ནི་འཇུག་པར་བྱ། །ལྷ་མིན་བུ་མོ་ལྷན་
D369.077.0366a03.01ཅིག་རོལ། །ལྷ་ཡི་བཅུད་དང་བཅུད་ཀྱིས་ལེན། །འཕྲོག་ཅིང་དེས་ནི་ཟོས་གྱུར་ཏེ། །འདོད་པའི་ལྷ་ཡི་གཟུགས་སུ་འགྱུར། །གྲུབ་པའི་རྫས་ནི་བླངས་པ་ཡིས། །སེམས་ཅན་དོན་རྣམས་བྱེད་ཅིང་འགྲོ། །དེ་ནས་ཡན་ལག་ལྔ་པ་ཡི། །ཆོ་ག་དག་ཏུ་འགྱུར་བ་ནི། །སྤུ་དང་པགས་
D369.077.0366a04.01པ་ཤ་དང་ནི། །རུས་པ་རྐང་པ་བླངས་ནས་སུ། །དྲི་ཆེན་ཆུ་དང་ཤུ་ཀྲ་དང་། །མཚལ་རྣམས་དག་ནི་ལྷན་ཅིག་ཏུ། །རིལ་བུ་བྱས་ནས་བསྒྲུབ་པར་བྱ། །ལྕགས་གསུམ་གྱིས་ནི་རྣམ་དཀྲིས་ནས། །ཁ་ཡི་ནང་དུ་སྦས་ན་ནི། །ནམ་མཁའ་ལ་ནི་འགྲོ་བར་འགྱུར། །རོ་ཙ་ན་དང་ལྷན་
D369.077.0366a05.01ཅིག་ཏུ། །ཁམས་གསུམ་དུ་ནི་རྒྱལ་ཆེན་འགྱུར། །མངོན་པར་བརྗོད་པའི་རྒྱུད་བླ་མའི་བླ་མ་ལས་སྐྱེ་བ་བདུན་པའི་ཕྱུགས་ཆེན་སྒྲུབ་པའི་ལེའུ་སྟེ་དྲུག་ཅུ་རྩ་དྲུག་པའོ།། །།དེ་ནས་གཞན་ཡང་བཤད་བྱ་བ། །རང་གི་ཆོས་ཀྱི་ཡིད་སྒོམ་པ། །རང་གི་ཆོས་ཀྱི་
D369.077.0366a06.01ཡི་གེར་སྦྱོར། །བདག་མེད་ཆོས་ནི་ཡང་དག་བསྒོམ། །རང་ཆོས་ཡི་གེ་མཆོག་དགའ་བ། །ཆོས་ཀྱི་སྐུ་ལུས་རང་བྱུང་ཡིན། །ཡི་གེ་ཧེ་ལས་ངེས་བྱུང་བ། །ཧེ་རུ་ཀ་ནི་རྣམ་པར་བསྒོམ། །ཡི་གེ་ཧི་ལས་ངེས་བྱུང་བ། །རྡོ་རྗེ་མཁའ་འགྲོ་རྣམ་པར་བསྒོམ། །ཧཱུྃ་གི་ཡེ་
D369.077.0366a07.01