完整藏文原文 · 德格版页 当前仅加载第 77 函德格 280b 版页；藏文 NFD、目录标记与异常页序保留在来源切片中，重复版页行以稳定序号区分。
ལྷ་མོ་ནི། །སེར་དམར་སྣ་ཚོགས་རྡོ་རྗེ་དང་། །ཅང་ཏེའུ་གྲི་གུག་ཐོད་པ་དང་། །ཁ་ཊྭཱཾ་ག་ཡང་ཡོངས་སུ་འཛིན། །ལྷ་མོ་དེ་དག་ཐམས་ཅད་ཀྱང་། །ཕྱེད་ནི་བུད་མེད་དབང་ཕྱུག་མའོ། །སྤྱན་གསུམ་པ་ལ་ཕྱག་བཞི་པ། །གཅེར་བུ་དབུ་སྐྲ་གྲོལ་བ་དང་། །སྐྱིལ་མོ་ཀྲུང་ཕྱེད་གར་
D369.077.0280b01.01བཅས་པས། །{ཡི་དགས་,ཡི་དྭགས་}རྒྱབ་ལ་ཞབས་ཀྱིས་བཞུགས། །ཐོད་པའི་ཕྲེང་བའི་དབུ་རྒྱན་ཅན། །ཕྱག་རྒྱ་ལྔ་ཡིས་རྣམ་པར་བརྒྱན། །རྐང་རྒྱན་དང་ནི་སྐ་རགས་དང་། །དབུ་རྒྱན་རྡོ་རྗེས་མཚན་པའོ། །འཁོར་ལོ་དེ་ཡི་རྒྱབ་ཏུ་ནི། །ཤར་དུ་རྡོ་རྗེ་ཕྲེང་བས་བསྐོར། །བྱང་དུ་འཁོར་ལོའི་
D369.077.0280b02.01ཕྲེང་བ་སྟེ། །ནུབ་ཏུ་སྣ་ཚོགས་རྡོ་རྗེ་ཕྲེང་། །ལྷོ་རུ་པདྨའི་ཕྲེང་བའོ། །དབུས་སུ་རྡོ་རྗེ་ཕྲེང་བས་བརྒྱན། །ཟུར་གྱི་ཆ་ནི་ཐམས་ཅད་དུ། །སྣ་ཚོགས་རྡོ་རྗེ་མཉམ་པར་བྲི། །དེ་རྒྱབ་{ཡི་དགས་,ཡི་དྭགས་}སྣ་ཚོགས་ཀྱི། །ཕྲེང་བས་མཁས་པས་བསྐོར་བར་བྱ། །ཕྱི་རོལ་དཀྱིལ་འཁོར་སྒོ་རྣམས་
D369.077.0280b03.01དང་། །ཟུར་གྱི་ཆ་ནི་བཞི་པོ་ལ། །མཁའ་འགྲོ་འདུས་པའི་གཟུགས་དེ་ནི། །མཉམ་པར་བཞག་ནས་བྲི་ཞིང་དགོད། །ཁྭ་གདོང་ཤར་དུ་དགོད་པ་སྟེ། །སྔོ་ལ་དམར་དང་ཡིད་འཕྲོག་པ། །འུག་གདོང་བྱང་སྒོར་དགོད་པ་སྟེ། །ལྗང་ཞིང་དམར་ལ་ལེགས་པར་མཛེས། །ཁྱི་
D369.077.0280b04.01གདོང་ནུབ་ཀྱི་སྒོ་ལ་ནི། །སེར་ཞིང་དུད་ཁ་རབ་ཏུ་གདུག །ཕག་གདོང་ལྷོ་རུ་དགོད་པ་ནི། །ལྗང་ཞིང་སྔོ་བའི་གཟུགས་ཅན་ནོ། །སྤྱན་གསུམ་བཞིན་བསྒྱུར་རབ་གདུག་ཅིང་། །དམ་པ་ཕྱོགས་ཀྱི་གོས་འཆང་བའོ། །མིག་གཡོན་དང་ནི་གཟུགས་མི་སྡུག །གཡས་བརྐྱང་བ་ཡི་ཞབས་
D369.077.0280b05.01ཀྱིས་བཞུགས། །སྣ་ཚོགས་པདྨའི་ཉི་དབུས་བཞུགས། །ཕྱག་རྒྱ་ལྔ་ཡིས་རྣམ་པར་བརྒྱན། །ཐོད་པའི་ཕྲེང་བའི་དབུ་རྒྱན་ཅན། །སྣ་ཚོགས་གཟུགས་ཅན་ཡིད་འཕྲོག་པ། །གཅེར་བུ་སྐྲ་གྲོལ་རྣམ་པར་འཇིགས། །གཤིན་རྗེ་སྲེག་མ་མ་ཧེ་གདོང་། །མེ་ཡི་ཕྱོགས་སུ་རྣམ་
D369.077.0280b06.01པར་བཞུགས། །གཤིན་རྗེ་ཕོ་ཉ་བོང་བུའི་གདོང་། །བདེན་བྲལ་ཕྱོགས་སུ་རྣམ་པར་བཞུགས། །གཤིན་རྗེ་མཆེ་བ་རྔ་མོའི་གདོང་། །གདུག་པ་རླུང་ཕྱོགས་རབ་ཏུ་བཞུགས། །གཤིན་རྗེ་འཇོམས་མ་རྟ་ཡི་གདོང་། །འདི་དག་ཆགས་པས་རབ་ཏུ་མྱོས། །ཐོད་པའི་ཕྲེང་བའི་
D369.077.0280b07.01