完整藏文原文 · 德格版页 当前仅加载第 77 函德格 289b 版页；藏文 NFD、目录标记与异常页序保留在来源切片中，重复版页行以稳定序号区分。
ནས། །ཡེ་ཤེས་ཆུ་ཡི་བདུད་རྩི་ཡིས། །གང་བའི་བུམ་པ་བླངས་ནས་ནི། །ལག་པས་དེ་ལ་དབང་བསྐུར་བྱ། །གླུ་དང་གར་གྱི་མཆོད་པ་ཡིས། །དབང་བསྐུར་དག་ནི་དབུལ་བར་བྱ། །དེ་ལ་སྔགས་ནི་ཨོྃ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ས་མ་ཡ་ཤྲི་ཡེ་ཧཱུྃ་ཧཱུྃ། གླུ་འདི་བླངས་པས་བསྐུལ་བའམ། ཡང་ན་
D369.077.0289b01.01མཁའ་འགྲོ་མ་ཆེན་མོ་རྣམས་ཐུགས་དགྱེས་པ་དང་། རབ་ཏུ་དགྱེས་པར་གྱུར་ཏེ། དབང་བསྐུར་རོལ་མོའི་བདེ་ཆེན་པོ། །མཁའ་འགྲོ་དྲ་བའི་བདེ་ཆེན་པོ། །དགྱེས་ཆེན་གསོལ་བའི་བདེ་ཆེན་པོ། །མཁའ་འགྲོ་དྲ་བའི་བདེ་ཆེན་པོ། །གསལ་མཛད་བདེ་བ་ཆེན་པོ་སྟེ། །མཁའ་འགྲོ་དྲ་བའི་བདེ་
D369.077.0289b02.01ཆེན་པོ། །ཨ་ལ་ལ་ཧོཿ། །མཆོག་ཏུ་གྱུར་པ་བདེ་ཆེན་པོ། །མཁའ་འགྲོ་དྲ་བའི་བདེ་ཆེན་པོ། །ཨ་ལ་ལ་ཧོཿ། །བདེ་ཆེན་ཡེ་ཤེས་དགྱེས་ནས་ནི། །དམ་ཚིག་དམ་ཚིག་ཅན་ལ་བཞུགས། །ཡེ་ཤེས་རོ་གཅིག་བསྒོམས་ནས་ནི། །རོ་གཅིག་འཁོར་ལོའང་དེ་བཞིན་བསྒོམ། །རྡོ་རྗེ་སེམས་དཔའི་
D369.077.0289b03.01དབུ་རྒྱན་ཅན། །ཡེ་ཤེས་ལྔ་དང་ཡང་དག་ལྡན། །རྩ་བའི་སྔགས་སོགས་དཔའ་བོ་གང་། །ཚངས་པའི་སྐུད་པ་ལ་སོགས་བརྟག །རྡོ་རྗེ་ཕག་མོའི་སྔགས་གང་ཡིན། །མགུལ་ནས་མགུལ་དུ་རྣམ་པར་བརྒྱན། །ལྷ་མོའི་སྙིང་པོའི་སྔགས་ཀྱིས་ནི། །ཕྲེང་བ་བརྒྱ་ཕྱེད་ཀྱིས་བརྒྱན་ཅིང་། །
D369.077.0289b04.01གསང་སྔགས་ཡི་གེ་བདུན་པ་ཡིས། །ནོར་བུ་རྣ་ཆ་ལེགས་མཛེས་ཤིང་། །སངས་རྒྱས་ཀུན་གྱི་མཁའ་འགྲོ་མ། །པགས་པའི་གོས་ནི་འཛིན་པའི་མཆོག །རྣལ་འབྱོར་མ་དྲུག་གསང་སྔགས་ཀྱིས། །སྐ་རགས་རྒྱན་དུ་བྱས་པ་ཡིན། །གོ་ཆ་དྲུག་པོ་དག་གིས་ནི། །ཕྱག་རྒྱ་ལུས་ནི་རབ་ཏུ་
D369.077.0289b05.01མཛེས། །འཁོར་ལོ་ཀུན་གྱི་རྣལ་འབྱོར་མའི། །སྔགས་ཀྱི་བཏུང་བའི་ཐོད་པ་ཡིན། །རྣམ་སྣང་མཛད་མ་སྔགས་གང་གིས། །ཐོད་པས་སྤྱི་གཙུག་རྒྱན་དུ་བྱས། །དཔའ་བོ་ཉི་ཤུ་རྩ་བཞི་ཡིས། །ལུས་ཀྱི་ཁམས་ལ་རྣམ་པར་བརྟག །དེ་ལྟར་བདག་ཉིད་རྣམ་བསམས་ཏེ། །ཚམ་ངམ་སྔགས་
D369.077.0289b06.01ཀྱིས་ལེགས་པར་བསྲུང་། །ཚངས་པར་སྤྱོད་པ་བརྟག་གྱུར་ནས། །རྐང་པ་བརྒྱད་པའི་སྔགས་ཀྱིས་མཆོད། །འཇིགས་པ་ཐམས་ཅད་རྣམ་སྤངས་ཏེ། །དེ་ལྟར་རྣལ་འབྱོར་བདག་ཉིད་བསམ། །སྤྲོ་དང་བསྡུ་བའི་ཡེ་ཤེས་བསྒོམ། །སྙོམས་འཇུག་ཡེ་ཤེས་བཟླས་པ་བྱ། །རྣལ་འབྱོར་ཆེན་པོ་
D369.077.0289b07.01