完整藏文原文 · 德格版页 当前仅加载第 77 函德格 311a 版页；藏文 NFD、目录标记与异常页序保留在来源切片中，重复版页行以稳定序号区分。
ལྷའི་རྣལ་འབྱོར། །ཐོད་པ་དཔའ་བོ་རྣལ་འབྱོར་མ། །གཡས་པ་མི་འཇིགས་དག་པ་སྟེ། །འཇིགས་པ་མ་ལུས་མི་འཇིགས་གྲོལ། །གདུག་ཅིང་འཇིགས་པ་མ་ལུས་ཀུན། །འདིར་ནི་ཞབས་ཀྱིས་གནོན་པར་མཛད། །གདུག་པས་འཇིགས་པ་ཐམས་ཅད་སྤོང་། །
D369.077.0311a01.01ཟླ་བ་ཕྱེད་པ་ཞི་བ་འཛིན། །སྣ་ཚོགས་རྡོ་རྗེས་དབུ་ལ་མཚན། །རྡོ་རྗེ་ཕྲེང་བས་དཔྲལ་བ་མཛེས། །རྐང་རྒྱན་ཡིད་འོང་རྒྱན་ཆ་ཅན། །སྣ་ཚོགས་པདྨ་འདབ་བརྒྱད་ཀྱི། །ལྟེ་བའི་དབུས་ནས་བཞེངས་པ་ནི། །འཇིགས་བྱེད་དང་ནི་དུས་མཚན་དག །ཆགས་པ་ཞེ་སྡང་ཞབས་ཀྱིས་གནོན། །
D369.077.0311a02.01ཡེ་ཤེས་སེམས་དཔའ་དེ་གཟུགས་ཅན། །ཡི་གེ་ཧཱུྃ་ལས་བྱུང་བར་བསྒོམ། །ཐུགས་ཀྱི་འཁོར་ལོའི་སྙིང་ག་རུ། །ཧེ་རུ་ཀ་ནི་རྣམ་པར་བསྒོམ། །གསུང་གི་འཁོར་ལོ་ཁ་ལ་བསྒོམ། །སྐུ་ཡི་འཁོར་ལོ་སྔ་མ་བཞིན། །སྔོ་དང་དམར་དང་དཀར་བ་དང་། །ཕྱག་དྲུག་པ་ལ་ཞལ་གསུམ་པ།།རྡོ་
D369.077.0311a03.01རྗེ་དྲིལ་བུ་མཉམ་པར་ལྡན། །སྤྱན་གསུམ་པ་ལ་བཞིན་རྣམ་སྒྱུར། །ཐོད་པ་དང་ནི་ཁ་ཊྭཱཾ་འཛིན། །རྩེ་གསུམ་པ་དང་ཐོད་པ་འཆང་། །རང་རིག་ལུས་དང་ཡང་དག་འདུས། །བདེ་བ་ཆེན་པོའི་གོ་འཕང་གནས། །དཀྱིལ་འཁོར་བཞི་ཡི་དབུས་དག་ཏུ། །ཡི་གེ་གསུམ་སོགས་ལས་བྱུང་
D369.077.0311a04.01བ། །ཐོད་པའི་ཕྲེང་བའི་དབུ་རྒྱན་ཅན། །རང་གི་མཚན་མའི་མཆོག་དང་ལྡན། །གནས་ལ་སོགས་པའི་རིམ་སྦྱོར་བ། །སྡོམ་པ་གསུམ་གྱི་མཆོག་དམ་པ། །མཁའ་འགྲོ་མ་དང་ལཱ་མ་དང་། །དུམ་སྐྱེས་མ་དང་གཟུགས་ཅན་མ། །པདྨའི་ཕྱོགས་ཀྱི་གནས་ལ་དགོད། །ཐོད་པ་བཞི་པོ་
D369.077.0311a05.01མཆོག་ཡིན་ཏེ། །མཁའ་འགྲོ་མ་ནི་ཁ་དོག་སེར། །ལཱ་མ་པ་ལ་ཤ་ཡི་མདོག །དུམ་སྐྱེས་མ་ནི་སྔོན་པོ་སྟེ། །གཟུགས་ཅན་མ་ནི་དམར་ལ་འབར། །ཐོད་པ་དང་ནི་ཁ་ཊྭཱཾ་འཛིན། །གཡས་པ་མི་འཇིགས་མཆོག་ཡིན་ཏེ། །སྒོ་རྣམས་སུ་ནི་ལྷ་མོ་བཞི། །ཁྭ་གདོང་ལ་སོགས་མཁའ་
D369.077.0311a06.01འགྲོ་མ། །སྔོ་དང་སེར་དང་དེ་བཞིན་དམར། །ལྗང་གུ་དྲག་པོའི་གཟུགས་ཅན་ནོ། །མཚམས་སུ་གཤིན་རྗེ་སྲེག་ལ་སོགས། །རབ་འཇིགས་ཤིན་ཏུ་འཇིགས་པ་སྟེ། །ཐོད་པ་དང་ནི་ཁ་ཊྭཱཾ་འཛིན། །མི་འཇིགས་མཆོག་ཀྱང་དེ་བཞིན་ཏེ། །ཅང་ཏེའུ་དང་ནི་གྲི་གུག་ཉིད། །བདུད་ནི་
D369.077.0311a07.01