完整藏文原文 · 德格版页 当前仅加载第 77 函德格 315a 版页；藏文 NFD、目录标记与异常页序保留在来源切片中，重复版页行以稳定序号区分。
ཅན། །སྣ་ཚོགས་མདོག་ཅན་ལེགས་པར་མཛེས། །དཀར་བའི་མདོག་ཅན་རྐེད་པ་ཕྲ། །ལྷ་ཡི་གཟི་བརྗིད་འབར་བ་ཅན། །སྔོ་ཞིང་སེར་ལ་དུད་ཁ་དང་། །གཡས་པའི་ཞལ་ཡང་དེ་བཞིན་ཏེ། །ལྗང་གུ་དམར་དང་སེར་སྐྱ་སྟེ། །གཡོན་པའི་ཞལ་ཡང་སྣ་ཚོགས་
D369.077.0315a01.01མཛེས། །སྟེང་གི་ཐལ་ཀ་སྤྲིན་མདོག་ཞི། །ཆགས་ཤིང་རྗེས་སུ་ཆགས་པས་བལྟ། །ཐུགས་རྗེའི་རོ་ནི་ཡང་དག་རྫོགས། །སྐུ་ལུས་ལྡེམ་ཞིང་འཇོ་བག་ཅན། །ཨཱ་ལི་མཁའ་འགྲོ་མ་ཡི་སྐུ། །ཕྱག་གཉིས་པ་ལ་གཅེར་བུའི་ལུས། །ཐོད་པའི་ཕྲེང་བས་དབུ་ལ་བརྒྱན། །སྐྲ་གྲོལ་
D369.077.0315a02.01བ་ཡིས་རྣམ་པར་མྱོས། །སྤྱན་གསུམ་ནག་པོ་འཇིགས་པ་ཅན། །དེ་ཡི་མདོག་ཅན་སྐུ་རགས་ཅན། །བྱིན་པ་གཉིས་ཀྱིས་ལེགས་པར་འཁྲིལ། །གཉིས་མེད་སྦྱོར་བས་ཡང་དག་གནས། །རྡོ་རྗེ་དྲིལ་བུ་ཡང་དག་ལྡན། །ལྷ་མོའི་ཀུ་ཙ་འཚིར་བའོ། །ཇི་ལྟར་མཁའ་འགྲོའི་
D369.077.0315a03.01ཕྱག་རྒྱ་ལྟར། །མཁའ་འགྲོ་མ་ཡང་དེ་བཞིན་སྦྱར། །ཕྱག་གཉིས་དག་ནི་བརྐྱང་པ་ལ། །ཁྱབ་འཇུག་པགས་པ་མནབས་པ་ཡིན། །ཐོད་པ་དང་ནི་ཁ་ཊྭཱཾ་འཛིན། །རལ་གྲི་དང་ནི་ཐོད་པ་འཆང་། །མདུང་རྩེ་གསུམ་པ་ཅང་ཏེའུ་ཉིད། །དགྲ་སྟ་ལྕགས་ཀྱུ་དེ་བཞིན་ཏེ། །ཞགས་
D369.077.0315a04.01པ་ཚངས་པའི་མགོ་བོ་དང་། །གྲི་གུག་དང་ནི་འཁོར་ལོ་ཉིད། །སྙིང་གར་རྩིབས་ནི་བཅུ་གཉིས་པའི། །འཁོར་ལོའི་རྒྱལ་པོ་ལེགས་པར་མཛེས། །དེ་ཡི་ལྟེ་བའི་དབུས་སུ་ནི། །ཡེ་ཤེས་མཁའ་འགྲོ་རྣམ་པར་བསྒོམ། །དེ་མདོག་ཞལ་དང་འདུག་སྟངས་དང་། །ཕྱག་དང་ཕྱག་རྒྱ་དེ་
D369.077.0315a05.01བཞིན་ཏེ། །ཤར་དུ་དམ་ཚིག་མཆོག་ཅེས་བྱ་བའི་རྡོ་རྗེ་མཁའ་འགྲོ་མ་ཡི་གེ་ཨིའི་རིགས་ལས་བྱུང་བའོ། །བྱང་ཕྱོགས་སུ་སྣ་ཚོགས་མཆོག་ཅེས་བྱ་བའི་མཁའ་འགྲོ་མ་ཡི་གེ་ཨཱི་ལས་བྱུང་སྟེ་བཞུགས་པའོ། །ནུབ་ཕྱོགས་སུ་ནམ་མཁའི་མཆོག་ཅེས་བྱ་བའི་མཁའ་འགྲོ་མ་ཡི་གེ་ཨེ་དང་
D369.077.0315a06.01སྦྱར་བར་བྱའོ། །ལྷོ་ཕྱོགས་སུ་གནས་ཀྱི་མཆོག་ཅེས་བྱ་བའི་མཁའ་འགྲོ་མ་ཡི་གེ་ཨཻ་ལས་ཡང་དག་པར་བཞུགས་པའོ། །མེའི་ཕྱོགས་ལ་སོགས་པའི་མཚམས་རྣམས་སུ། མཁའ་འགྲོ་མ་བཞི་པོ་དགོད་པར་བྱ་སྟེ། ཐོག་མ་ཆེ་བའི་མཆོག་ཅེས་བྱ་བའི་མཁའ་འགྲོ་མ། ཡི་གེ་
D369.077.0315a07.01