完整藏文原文 · 德格版页 当前仅加载第 77 函德格 335b 版页；藏文 NFD、目录标记与异常页序保留在来源切片中，重复版页行以稳定序号区分。
པས་ནི་གཟུང་ཞིང་བསྒྲུབ། །དྲི་ཆེན་ཆུ་དང་རཀྟ་དང་། །ཤུ་ཀྲར་བཅས་པས་མཆོད་པར་བྱ། །ན་ར་དཔལ་ཆེན་བདུག་སྤོས་ནི། །དཔའ་བོའི་ལས་ཀྱི་སྒྲུབ་པ་སྟེ། །བླ་མ་ཡི་ནི་གོ་འཕང་འགྲུབ། །དེ་ནས་བདག་ཉིད་མཆོད་བྱས་ཏེ། །འདོད་པ་ཐམས་ཅད་འཐོབ་འགྱུར་ཞིང་། །
D369.077.0335b01.01རྒྱལ་པོའི་བུད་མེད་རྙེད་པར་འགྱུར། །ཇི་ལྟའི་ལས་ཀྱི་རྗེས་འབྲངས་ནས། །ལག་པའི་མཆོད་པ་རབ་ཏུ་བྱ། །པགས་ཆེན་རི་མོ་བྲིས་ནས་ནི། །སྒྲུབ་པ་པོ་ཡིས་མཉམ་བཞག་ན། །ཞག་བདུན་གྱིས་ནི་འགྲུབ་འགྱུར་ཏེ། །ཐེ་ཚོམ་མེད་པར་རྣམ་པར་སྤྱོད། །རྣལ་འབྱོར་མ་
D369.077.0335b02.01དང་བླ་མ་མཆོད། །མཁའ་འགྲོའི་གནས་སུ་དེ་བཞིན་སྐྱེ། །དེས་ནི་བདེ་བ་རྙེད་ནས་ཀྱང་། །ལས་ནི་རྟག་ཏུ་བྱེད་པར་འགྱུར། །རྟག་ཏུ་བླ་མ་མཆོད་ནས་ནི། །དེ་ཡི་དངོས་གྲུབ་མྱུར་དུ་འགྲུབ། །མཁའ་འགྲོ་མ་ནི་སྒྲུབ་པ་ཡིས། །གླང་པོའི་པགས་ལ་སྐུ་གཟུགས་བྲི། །
D369.077.0335b03.01རྣལ་འབྱོར་མ་ཡི་སྒྲུབ་པ་ཡིས། །བ་ལང་པགས་ལ་རི་མོ་བྲི། །མཁའ་སྤྱོད་དག་ནི་སྒྲུབ་པ་ཡིས། །རྟ་ཡི་པགས་ལ་རི་མོ་བྲི། །ས་ལ་སྤྱོད་པའི་སྒྲུབ་པ་ཡིས། །མ་ཧེའི་པགས་ལ་རི་མོ་བྲི། །ས་འོག་སྤྱོད་པའི་སྒྲུབ་པ་ཡིས། །ཕག་གི་པགས་ལ་རི་མོ་བྲི། །གནོད་སྦྱིན་
D369.077.0335b04.01མོ་ནི་སྒྲུབ་པ་ཡིས། །ཤིང་སྤང་ལེབ་ལ་སྐུ་གཟུགས་བྲི། །ལྷ་ཡི་བུ་མོ་སྒྲུབ་པ་ཡིས། །ཙམ་པའི་སྤང་ལེབ་སྐུ་གཟུགས་བྲི། །ཀླུ་མོ་སྒྲུབ་པ་དག་གིས་ནི། །ཀླུ་ཤིང་སྤང་ལེབ་རི་མོ་བྲི། །མི་ནི་བསྒྲུབ་པར་འདོད་པ་ཡིས། །དུར་ཁྲོད་གོས་ལ་སྐུ་གཟུགས་བྲི། །ཕ་རོལ་བལྟ་
D369.077.0335b05.01བའི་སྒྲུབ་པ་དག །བོང་བུའི་པགས་ལ་སྐུ་གཟུགས་བྲི། །ནོར་རྣམས་བསྒྲུབ་པར་འདོད་པ་ཡིས། །བྱི་བའི་པགས་ལ་སྐུ་གཟུགས་བྲི། །ཆང་ནི་འགུགས་པར་འདོད་པ་ཡིས། །སྤྲེའུའི་པགས་ལ་སྐུ་གཟུགས་བྲི། །ཁྲག་ནི་འགུགས་པར་འདོད་པ་ཡིས། །ཐོད་པ་ལ་ནི་སྐུ་གཟུགས་
D369.077.0335b06.01བྲི། །ས་བོན་འགུགས་པར་འདོད་པ་ཡིས། །ཕུག་རོན་པགས་ལ་སྐུ་གཟུགས་བྲི། །ལྷ་ནི་འགུགས་པར་འདོད་པ་ཡིས། །ཐང་ཤིང་སྤང་ལེབ་སྐུ་གཟུགས་བྲི། །གྲོང་ཁྱེར་འགུགས་པར་འདོད་པ་ཡིས། །ཅེ་སྤྱང་པགས་ལ་སྐུ་གཟུགས་བྲི། །ཞི་བའི་ལས་ལ་བྲམ་ཟེ་མོ། །ཟླ་
D369.077.0335b07.01