完整藏文原文 · 德格版页 当前仅加载第 77 函德格 340b 版页；藏文 NFD、目录标记与异常页序保留在来源切片中，重复版页行以稳定序号区分。
འགྲོ་བ་ཡིན། །ལྷ་ཡི་ཡེ་ཤེས་ཐོབ་ནས་ནི། །ལྷ་ཡི་ལུས་ཀྱི་མཆོག་ཀྱང་འཛིན། །ངག་རྣམས་ཀུན་ལ་དབང་ཐོབ་ཅིང་། །ཐམས་ཅད་མཁྱེན་པར་གྱུར་ནས་སུ། །རྒ་དང་འཆི་བ་རྣམ་པར་སྤངས། །སངས་རྒྱས་ལྷ་ཡིས་བསྟེན་པ་སྟེ། །སྲིད་པར་སངས་རྒྱས་རོལ་པར་མཛད། །
D369.077.0340b01.01ཉིན་ཞག་གསུམ་གྱི་བར་དུ་ཡང་། །ཕྱག་རྒྱ་ལྷན་ཅིག་འབྱུང་བ་སྤྱད། །མཐོང་ནས་སྲིང་མོ་ཡང་དག་བསྒྲུབ། །ཞག་གསུམ་བར་དུ་མཆོད་བྱས་ནས། །རྡོ་རྗེ་ཧེ་རུ་ཀ་དཔལ་ལྷ། །ཐམས་ཅད་ཀྱང་ནི་འབྱོན་པར་འགྱུར། །པུས་མོ་ས་ལ་བཙུགས་ནས་ནི། །དེ་ཡིས་ཕྱག་ནི་བྱས་ནས་
D369.077.0340b02.01ཀྱང་། །སྒྲུབ་པོས་རྟག་ཏུ་མཆོད་པར་བྱ། །སྒྲུབ་པོ་འདོད་ལ་དགའ་བས་ནི། །མོད་ལ་དཔའ་བོས་ཐམས་ཅད་མཁྱེན། །གཙོ་བོ་ཐམས་ཅད་འཛིན་པ་སྟེ། །ཁམས་གསུམ་ཀུན་ཏུ་རྣམ་སྤྱོད་ཅིང་། །སྒྲུབ་པ་པོ་ནི་མཆོག་ཏུ་འགྱུར། །འདི་ནི་དཔལ་ཆེན་དཔའ་བོ་སྟེ། །གཉིས་པ་ཐམས་
D369.077.0340b03.01ཅད་རྣམ་པར་སྤངས། །དེ་ནི་རྣམ་པར་ཤེས་ཙམ་གྱིས། །ས་གཞི་སྐ་རགས་ཀྱིས་བསྐོར་བ། །ལྷ་དང་ལྷ་མིན་མི་རྣམས་ཀྱང་། །སྒྲུབ་པ་པོ་ནི་དེ་ཉིད་ཀྱི། །མོད་ལ་དབང་དུ་གྱུར་པ་ཡིན། །མངོན་པར་བརྗོད་པའི་རྒྱུད་བླ་མའི་བླ་མ་ལས་དབྱངས་སྐྱོང་གི་མཚམས་ཀྱི་ལེའུ་སྟེ་ལྔ་བཅུ་
D369.077.0340b04.01པའོ།། །།དེ་ནས་གཞན་ཡང་བཤད་བྱ་བ། །ཡི་གེ་བདུན་པ་སྒོམ་པ་སྟེ། །ཡི་གེ་ཧཱུྃ་ལས་ཡང་དག་འབྱུང་། །རྡོ་རྗེ་མཁའ་འགྲོ་བདེ་བ་ཆེ། །ཕྱག་དྲུག་ཞལ་གསུམ་སྤྱན་གསུམ་པ། །མཚན་རྣམས་ཐམས་ཅད་ཀྱིས་མཚན་ཅིང་། །དཔེ་བྱད་བཟང་པོ་བརྒྱད་ཅུར་ལྡན། །ཨཱ་ལི་ཀཱ་ལི་ལས་བྱུང་
D369.077.0340b05.01གཙོ། །ཕག་མོ་དང་ནི་མཉམ་པར་ལྡན། །སྟོང་ཞིང་ཐུགས་རྗེས་ཁྱབ་པ་སྟེ། །རྡོ་རྗེ་དྲིལ་བུས་མཉམ་པར་ལྡན། །ན་རའི་པགས་པ་གོས་སུ་མནབས། །ཐོད་པ་ཁ་ཊྭཱཾ་ག་འཛིན་ཅིང་། །གཡས་པའི་ཕྱག་ན་མདུང་རྩེ་གསུམ། །འདོད་པའི་འབྲས་བུ་ཐམས་ཅད་སྩོལ། །ཐོད་
D369.077.0340b06.01པའི་ཕྲེང་བའི་དབུ་རྒྱན་ཅན། །སྣ་ཚོགས་རྡོ་རྗེ་རལ་པ་འཆང་། །ཟླ་བ་ཕྱེད་པའི་སྤྱི་གཙུག་འཆང་། །ཕྱག་རྒྱ་དྲུག་གིས་སྐུ་ལུས་བརྒྱན། །འཇིགས་བྱེད་ཆུང་མར་བཅས་པ་དག །གཡས་བརྐྱང་བ་ཡི་ཞབས་ཀྱིས་མནན། །སྣ་ཚོགས་པདྨ་ཉི་སྟེང་བཞུགས། །འཁོར་ལོ་
D369.077.0340b07.01