完整藏文原文 · 德格版页 当前仅加载第 77 函德格 302a 版页；藏文 NFD、目录标记与异常页序保留在来源切片中，重复版页行以稳定序号区分。
{ཡི་དགས་,ཡི་དྭགས་}གོས་ཀྱང་རུང་། །བདུད་རྩི་ལྔ་དང་ལྡན་པ་ཡི། །མར་དང་འོ་མ་བླངས་ནས་སུ། །གསང་སྔགས་རྐང་པ་བརྒྱད་ནི་བརྗོད། །དེ་བཞིན་བརྟུལ་ཞུགས་ཅན་གྱིས་མཆོད། །གསེར་རམ་དངུལ་གྱི་བུམ་པ་དག །ཡེ་ཤེས་ལྔ་ཡི་བདུད་རྩི་ཆུས། །གང་
D369.077.0302a01.01བའི་དབུས་སུ་བཅུག་ནས་སུ། །འཁོར་ལོ་སྲད་བུ་དཀར་པོས་དཀྲི། །ཕྲེང་བའི་གསང་སྔགས་དེ་ལ་བཟླ། །དེ་ནས་དབང་བསྐུར་སྦྱིན་པར་བྱ། ནད་ཡོད་པ་ནི་ནད་མེད་བྱེད། །ནད་མེད་པ་ཡང་ནད་དུ་བྱེད། །མྱོས་བྱེད་ཆང་གི་དབུས་སུ་ནི། །མཁས་པས་དེ་ལ་བཅུག་
D369.077.0302a02.01ནས་ནི། །ནད་མེད་ནད་དུ་བྱེད་པ་སྟེ། །ཇི་ལྟའི་ལས་ཀྱི་རྗེས་སུ་འབྲང་། །གང་ཡང་རུང་བའི་ལས་རྣམས་ལ། །ཕྲེང་བའི་སྔགས་ཀྱིས་རྣམ་པར་བསྐོར། །རྣལ་འབྱོར་སྒྲུབ་པའི་འཁོར་ལོ་ནི། །མགོ་བོའི་ནང་དུ་སྦས་བྱས་ན། །མཁའ་འགྲོས་དེ་ལ་བྱིན་རླབས་ནི། །གདོན་
D369.077.0302a03.01མི་ཟ་བར་བྱེད་པར་འགྱུར། །ཅི་འདོད་ཐམས་ཅད་འགྲུབ་འགྱུར་ཏེ། །བགེགས་མེད་པར་ནི་དངོས་གྲུབ་འགྱུར། །མངོན་པར་བརྗོད་པའི་རྒྱུད་བླ་མའི་བླ་མ་ལས་སྲུང་བའི་ཕྱིར་ཟློག་གི་ལེའུ་སྟེ་ཉི་ཤུ་རྩ་གཅིག་པའོ།། །།དེ་ནས་དེ་ཡི་བསྒོམ་པ་བཤད། །སེམས་
D369.077.0302a04.01ཅན་ཀུན་ལ་ཕན་འདོགས་པའི། །སྐད་ཅིག་གིས་ནི་བདག་ཉིད་དག །ལྷ་མོ་ཕྱིར་བཟློག་རིམ་པ་སྟེ། །ཞལ་བཞི་པ་ལ་ཕྱག་བཅུ་དྲུག། །གདུག་པ་རྣམ་པ་སྣ་ཚོགས་པའི། །བགེགས་ནི་པདྨའི་འོག་མནན་ནས། །གཡས་བརྐྱང་བ་ཡི་ཞབས་ཀྱིས་བཞུགས། །ཟླ་བའི་
D369.077.0302a05.01དཀྱིལ་འཁོར་དབུས་ན་གནས། །དཀར་ཞིང་སྔོ་ལ་དམར་དང་སེར། །སྟེང་གི་ཞལ་གྱིས་རྣམ་པར་བརྒྱན། །རྒྱན་རྣམས་ཐམས་ཅད་ཡོངས་སུ་རྫོགས། །ན་བཟའ་དཀར་བའི་རྒྱན་དང་ལྡན། །སངས་རྒྱས་ལྔ་ཡི་དབུ་རྒྱན་ཅན། །འཆི་བ་ཡང་དག་འཚོ་བའི་མཆོག །
D369.077.0302a06.01སྤྱན་གསུམ་པ་ལ་འཇམ་པའི་ངག །གཞན་ནི་གདུག་ཅིང་གཏུམ་པ་ལ། །སྡིགས་མཛུབ་རྡོ་རྗེ་གསོར་མཛད་ཅིང་། །དྲིལ་བུ་ཞགས་པ་འཛིན་པའི་མཆོག །རྡོ་རྗེ་རལ་གྲི་མདུང་དང་ནི། །དགྲ་སྟ་ཐོད་པ་ལྕགས་ཀྱུ་དང་། །གཞུ་དང་ཁ་ཊྭཱཾ་ག་འཛིན་ཅིང་། །མདའ་ནི་
D369.077.0302a07.01