完整藏文原文 · 德格版页 当前仅加载第 77 函德格 284b 版页；藏文 NFD、目录标记与异常页序保留在来源切片中，重复版页行以稳定序号区分。
ཅིང་དྲག་ལ་འཇིགས་པའོ། །ཐོག་མ་ཁྭ་གདོང་ཞེས་བྱ་བ། །གཉིས་པ་འུག་པ་དེ་བཞིན་ཏེ། །གསུམ་པ་ཁྱི་ཡི་གདོང་ཅན་ལ། །བཞི་པ་དག་ནི་ཕག་ཉིད་དོ། །སྔོ་དང་དུད་ཁ་དཀར་པོའི་གདོང་། །ལྗང་གུ་སེར་པོ་དམར་པོ་སྟེ། །སེར་ཞིང་དམར་ལ་སྔོ་བའི་ཞལ། །དཀར་དང་སྔོ་དང་ལྗང་
D369.077.0284b01.01གུའི་མདོག །དང་པོ་མེ་ནས་དབང་ལྡན་བར། །གཤིན་རྗེ་སྲེག་མ་ཕོ་ཉ་མོ། །གཤིན་རྗེ་མཆེ་བ་འཇོམས་མ་ཉིད། །དམར་དང་སེར་དང་ལྗང་གུ་དང་། །སྔོ་དང་སེར་དང་ལྗང་གུ་དང་། །དུད་ཁ་སེར་དང་ལྗང་གུ་དང་། །དཀར་དང་སེར་དང་ལྗང་གུ་སྟེ། །དེ་དག་ཞལ་གསུམ་ཕྱག་དྲུག་སྟེ། །
D369.077.0284b02.01སྤྱན་གསུམ་གཡས་པ་བརྐྱང་བས་བཞུགས། །ཕྱོགས་ཀྱི་གོས་འཆང་གསུས་པ་འཕྱངས། །དབུ་སྐྲ་དག་ནི་གྲོལ་བ་སྟེ། །ཕྱག་རྒྱ་ལྔ་ཡིས་རྒྱས་བཏབ་ཅིང་། །འཁོར་ལོ་དག་ནི་ཐམས་ཅད་ཀྱང་། །{ཡི་དགས་,ཡི་དྭགས་}སྟེང་དུ་རྣམ་པར་བཞུགས། །སྣ་ཚོགས་པདྨ་ཉི་མ་དང་། །ཟླ་བའི་
D369.077.0284b03.01དཀྱིལ་འཁོར་དག་ལ་བཞུགས། །ཐོད་པ་དང་ནི་ཁ་ཊྭཱཾ་ག། །ཞགས་པ་ལྕགས་ཀྱུ་ཅང་ཏེའུ་དང་། །མགོ་བོ་གྲི་གུག་ཕྱག་ན་འཆང་། །ཐོད་པའི་ཕྲེང་བས་རྣམ་པར་བརྒྱན། །དགའ་ཞིང་དགྱེས་པས་རྣམ་པར་མྱོས། །རྗེས་སུ་ཆགས་པའི་ཞལ་གདོང་ནི། །འཇིགས་པའི་སྡང་མིག་འགྱུར་
D369.077.0284b04.01བའོ། །དེ་ནས་གཤིན་རྗེ་སྲེག་སོགས་སྒོ། །ཁྭ་གདོང་ལ་སོགས་མཚམས་སུ་སྟེ། །རང་གི་ཐབས་དང་མཉམ་པར་བཞག །སྦྱོར་བའི་རིམ་པ་བསྒོམས་ནས་ནི། །འཁོར་ལོ་དཔའ་བོ་ཐམས་ཅད་ཀྱང་། །ཇི་བཞིན་རྡོ་རྗེ་མཁའ་འགྲོ་སྟེ། །སྔ་མའི་རྗེས་སུ་ཐམས་ཅད་ཀྱང་། །མཁའ་
D369.077.0284b05.01འགྲོ་མ་སོགས་ཀུན་དེ་བཞིན། །ཇི་བཞིན་བླ་མའི་བཀའ་བཞིན་དུ། །ཇི་ལྟར་འདོད་པ་གནས་དེ་བཞིན། །ཇི་ལྟར་སེམས་ཀྱི་ཁྱད་པར་གྱིས། །རྣལ་འབྱོར་མ་ཡི་དཀྱིལ་འཁོར་བསྒོམ། །བུམ་པ་སྣ་ཚོགས་སྦྱོར་བ་ཡིས། །ཐོད་པ་ཡིས་ནི་ཡོངས་སུ་བརྒྱན། །འོ་མས་བཀང་བའི་ཐོད་པ་ནི། །
D369.077.0284b06.01བུམ་པའི་སྟེང་དུ་གཞག་པར་བྱ། །ཕྱི་རོལ་ཡོངས་སུ་བསྐོར་བ་སྟེ། །སྣ་ཚོགས་མཁའ་འགྲོ་མ་གནས་པ། །གླུ་དང་གར་ནི་ཉེར་ལྡན་པས། །སྣ་ཚོགས་རོལ་མོ་རྣམ་པར་སྤྲུལ། །མེ་ཏོག་བདུག་སྤོས་མར་མེ་དང་། །དྲི་དང་གོས་མཆོག་དམ་པ་སྟེ། །སྣ་ཚོགས་དམ་ཚིག་རོ་ཡི་ཟས། །
D369.077.0284b07.01