完整藏文原文 · 德格版页 当前仅加载第 77 函德格 309b 版页；藏文 NFD、目录标记与异常页序保留在来源切片中，重复版页行以稳定序号区分。
འགྲོ་བ་གསུམ་པོ་བཅས་པར་ནི། །ཧེ་རུ་ཀར་ནི་བྱས་ནས་ཀྱང་། །ས་རྣམས་གསུམ་པོ་མ་ལུས་པར། །ཐམས་ཅད་དེར་ནི་བསྡུས་ནས་ཀྱང་། །སྐུ་གསུང་ཐུགས་ལ་རྣམ་པར་གནས། །འདི་ནི་རྣལ་འབྱོར་ཆོ་ག་སྟེ། །འཁོར་ལོ་བསྒོམ་པའི་བཟླས་པའོ། །རང་གི་ལྷ་ཡི་སྦྱོར་བ་
D369.077.0309b01.01ཡིས། །རྒྱུ་དང་མི་རྒྱུ་མཐོང་བ་ན། །དམ་ཚིག་ཅན་ཉིད་ལངས་དུས་སུ། །དེ་བཞིན་གཤེགས་པ་ཐམས་ཅད་དང་། །དཔའ་བོ་དང་ནི་རྣལ་འབྱོར་མ། །མཁའ་འགྲོ་དང་ནི་མཁའ་འགྲོ་མ། །ཀུན་གྱིས་གསོལ་བ་གདབ་པར་བྱ། །ཁྲོ་བོ་བདེ་བའི་དགྱེས་པ་ཡི། །ལོངས་སྤྱོད་ལས་
D369.077.0309b02.01ནི་བྱུང་བ་ཡི། །རབ་རྨོངས་མ་ཡིས་བསྙེན་བྱས་ནས། །བདེ་བའི་སྦྱོར་བ་ལ་ཞུགས་ཏེ། །ར་མ་ཧེ་ནད་ཊ་ན་སུ་ར་ཨཱ་མ་ཧཱ་སུ་ཧུ་བ་ར་ཛོ་ཨི་ནི་ཀ་མ་ལ་སུ་ཧུ། ཨ་ལ་ལ་ཧོཿ། སུ་ར་ཨ་ཨུཏྟ་མ་མ་ཧཱུྃ། མ་ཧཱ་སིཛྫ། ཨུ་མ་ཛོ་ཨི་ནི་ཛ་ལ་མ་ཧོ། ཨཱ་ཨཱི། ཨ་ཨཱ་ར་ཧོ། ཨ་རུ་ཧེ་བྱི་ནུ་སུ་བ་
D369.077.0309b03.01ཡ་ནཱ་ཧ། སུ་ར་ཨ་སུ་ཧུ་དེ་ཧི་བར་ཊཱ་ཨི་ནི། ཛཱ་ལ་སུ་ཧུ་བི་ས་ཕ་ན་ཏ་རོ་ཎ་ཎ་པ་དེ་ཧི་མ་ཧཱ་སུ་ཧཱུ་མཛྫ་མུ་ཧཱུ་མོ་ཀྵུ་པ་ལ་ཀྑ་ཨུ། ཏུ་ཏུ་ས་ཧཱུ་ཎ་ཨི་སུ་ཧཱུ། བཛྫི་ཨུ་མོ་ཁུ་སུ་ཧཱུ། ཨི་ན་ཨི་དུ། ཁེ་ལ་ཐ་ཨི་མོ་ཁུ་སུ་ཧཱུ། བ་ས་ཨི་པཾ་ཀ་ཨུ་མཛྫ་ཏ་ནུ་ན་བ་རཱ། ཨ་པ་ད་ཏྲཾ། བྷུ་ཛ་ཏ་ནུ་
D369.077.0309b04.01མུཉྫ་མ་ཧཱ་སུ་ཧཱུ། ཨི་ལ་ད་ར་པཱ་ཡ། ཨུ་མ་ཧཱུ། ཨ་ར་བཱི་ཨ་གི་ཨ་པཾ་ཨུ་ར་སུ། འདི་ཡིས་མགོན་པོ་བསྐུལ་ནས་ནི། །དཀྱིལ་འཁོར་དངོས་གྲུབ་ངེས་པ་སྟེ། །སྙན་ཅིང་འཇམ་པའི་མགྲིན་པའི་དབྱངས། །དཔྱིད་ཀྱི་རྒྱལ་པོའི་གླུ་བླངས་པས། །མཁའ་འགྲོའི་དྲ་བ་དྲི་མེད་རྣམས། །
D369.077.0309b05.01གཟིགས་ཤིང་ལས་ཀུན་མཛད་པ་ཡིན། །རྡོ་རྗེ་པདྨ་ཡིད་འོང་བ། །སྦྱོར་བས་དངོས་གྲུབ་ཐམས་ཅད་འགྲུབ། །དགྱེས་པ་འདི་ཡིས་བསྐུལ་ན་ནི། །བདེ་བ་ཆེན་པོ་སྩོལ་བ་ཡིན། །སྦྱོར་བ་ཡི་ནི་དུས་དག་ཏུ། །རྡོ་རྗེ་ཅན་གྱིས་རབ་ཏུ་སྦྱར། །ཐོག་མ་དབུས་དང་མཐར་ཐུག་པར། །
D369.077.0309b06.01ཡི་གེ་བརྒྱ་པའི་གསང་སྔགས་བཟླ། །འཁོར་ལོ་དག་ནི་བརྟན་བྱས་ཏེ། །དཔའ་བོ་དང་ནི་མཁའ་འགྲོ་མ། །འདི་ནི་ཀུན་གྱི་གསང་སྔགས་ཏེ། །ཁྲོ་བོ་སངས་རྒྱས་དེ་བཞིན་གཤེགས། །ཐམས་ཅད་སྙིང་གར་བརྟན་བྱས་ཏེ། །བསྒོམས་པས་ཐམས་ཅད་བརྟན་པར་འགྱུར། །
D369.077.0309b07.01