完整藏文原文 · 德格版页 当前仅加载第 77 函德格 317b 版页；藏文 NFD、目录标记与异常页序保留在来源切片中，重复版页行以稳定序号区分。
པ་བྱ། །རྟག་ཏུ་དམ་ཚིག་བསྐྱང་བྱ་ཞིང་། །འོ་མ་སྣ་ཚོགས་ལས་བྱུང་བ། །བྲམ་ཟེ་ཆེ་དང་སྦྲང་རྩི་མར། །མ་ཧཱ་མཱང་ས་མཉམ་ལྡན་པ། །དེ་ཉིད་གསུམ་གྱིས་མངོན་བསྔགས་ཏེ། །བཟའ་བདག་ནི་བཟའ་བར་བྱ། །འདུ་འཛི་མེད་ཅིང་སྲེད་པ་མེད། །ཡོངས་སུ་གཟུང་བའི་
D369.077.0317b01.01འཁོར་ཡང་མེད། །ལོངས་སྤྱོད་མིན་པས་ལོངས་སྤྱོད་ལ། །འཆི་བ་མེད་པའི་ཟས་བཟའ་ཞིང་། །འདོད་པའི་ཡོན་ཏན་ལྔ་ཡང་བསྟེན། །ལོངས་སྤྱོད་མེད་པའི་ཟས་བཟའ་ཞིང་། །རྣལ་འབྱོར་སྒོམ་པའི་སྒོམ་ཡང་བཏུང་། །གཞན་དུ་གང་ཡང་བཏུང་བ་མིན། །ནང་གི་
D369.077.0317b02.01བདག་ཉིད་སྦྱོར་ལྡན་པས། །རང་ཉིད་བྱིན་གྱིས་བརླབས་བྱས་ནས། །བཅོམ་ལྡན་མཁའ་འགྲོ་པི་ལ་བ། །རྣལ་འབྱོར་མ་ནི་ཉེ་པི་ལ། །ཐབས་ནི་པི་ལ་བར་ཞེས་བྱ། །ཤེས་རབ་ཉེ་བའི་པི་ལ་བ། །གྲོང་ཁྱེར་མཐར་ནི་པི་ལ་ཉིད། །གྲོང་གི་མཐའ་ནི་ཉེ་པི་ལ། །ཟླ་བ་ཉི་མ་མཉམ་སྦྱོར་
D369.077.0317b03.01བ། །པི་ལ་དང་ནི་ཉེ་པི་ཡིན། །སྐད་ཅིག་སྦྱོར་བ་པི་ལ་བ། །དགའ་བ་ཉེ་བའི་པི་ལ་སྟེ། །མཐུ་སྟོབས་དུ་མ་ལྡན་པར་ནི། །སྐྱེ་བ་འདི་ལ་འགྲུབ་པ་ཡིན། །པ་ཤུ་ཐམས་ཅད་བཟའ་བྱ་ཡིན། །ལྷ་བཤོས་དག་ཀྱང་དེ་བཞིན་བསྒྲུབ། །དཔའ་བོ་མཁའ་འགྲོ་མ་འདུས་ནས། །དུས་ལ་
D369.077.0317b04.01མཐུན་པ་འདུས་བྱས་ནས། །གླུ་དང་གར་དང་བཟའ་བ་དང་། །འདུས་པ་མཆོག་གིས་མཆོད་པར་བྱ། །རྟོག་པ་ཐམས་ཅད་རྣམ་སྤངས་ནས། །དམ་ཚིག་གི་ནི་སྤྱད་པ་སྤྱོད། །མངོན་པར་བརྗོད་པའི་རྒྱུད་བླ་མའི་བླ་མ་ལས་གསལ་བྱེད་མཁའ་འགྲོའི་སྒྲུབ་པའི་མཚན་མ་བསྟན་པ་སྟེ་ལེའུ་
D369.077.0317b05.01སུམ་ཅུ་རྩ་གཅིག་པའོ།། །།དེ་ནས་གཞན་ཡང་བཤད་བྱ་བ། །དངོས་གྲུབ་སྦྱོར་བའི་རིམ་པ་སྟེ། །མཁའ་འགྲོ་མ་དང་མཁའ་འགྲོ་སྦྱོར། །དམ་ཚིག་མཆོག་གི་སྡོམ་པ་ཡིན། །ཆོས་རྣམས་ཀུན་གྱི་སྡོམ་པ་སྟེ། །མཁའ་འགྲོ་མ་ཡི་བདེ་བ་ཆེ། །མཁའ་དབྱིངས་རྡོ་རྗེའི་དབུས་
D369.077.0317b06.01གནས་པ། །དཀྱིལ་འཁོར་དམ་ཚིག་མཆོག་དམ་པ། །དེ་ཡི་དབུས་སུ་འཁོར་ལོ་ཆེ། །དཀྱིལ་འཁོར་ལྔ་ཡིས་རྣམ་པར་བརྒྱན། །དབུས་སུ་ཉི་མའི་གདན་ཡང་མཛེས། །ཨཱ་ལི་ཀཱ་ལི་མཉམ་པར་ལྡན། །སུམ་ཅུ་རྩ་གཉིས་མཚན་དང་ལྡན། །དཔེ་བྱད་བཟང་པོ་བརྒྱད་ཅུས་བརྒྱན། །
D369.077.0317b07.01